ક્લાસરૂમ એ શીખવવા અને શીખવા માટેની જગ્યા હોય છે. આવી સ્થિતિમાં જો કોઈ શિક્ષક ત્યાં ડાન્સ કરે તો તેનો વીડિયો સોશિયલ મીડિયા પર આવતા જ વાયરલ થવાની પ્રબળ શક્યતા છે. હાલમાં ક્લાસરૂમમાં ડાન્સ કરતી એક મહિલા શિક્ષિકાનો વીડિયો સોશિયલ મીડિયા પર ખૂબ વાયરલ થઈ રહ્યો છે,
જેમાં તે જાંબલી રંગની સાડી પહેરીને ભોજપુરી ગીત પર ફુલ એનર્જી સાથે ડાન્સ કરતી જોવા મળે છે. આ વીડિયો જોઇ કેટલાક યુઝર્સ કમેન્ટમાં ટીચરની પ્રશંસા કરી રહ્યા છે જ્યારે ઘણા લોકો માને છે કે શિક્ષાના મંદિરમાં શિક્ષકે તેની મર્યાદામાં રહીને કંઈપણ કરવું જોઈએ. આ વીડિયોને 15 લાખથી વધુ વ્યૂઝ પણ મળ્યા છે.
કેટલાક યુઝર્સને આ પરફોર્મન્સ અશ્લીલ પણ લાગી રહ્યું છે. વીડિયોમાં મેડમ ભોજપુરી ગીત પર બેફિક્ર ડાન્સ કરતી જોવા મળે છે. આ રીલ @vishoo_50 નામના યુઝરે ઈન્સ્ટાગ્રામ પર પોસ્ટ કરી છે. વીડિયોના સબટાઈટલમાં યૂઝરે વીડિયો પર કમેન્ટ કરતા ‘આજ કલ કી મેડમ’ લખ્યું છે.
