Raghav Chadha Nose Job : બોલિવુડ એક્ટ્રેસ પરિણીતી ચોપરા અને આપ નેતા રાઘવ ચઢ્ઢાની સગાઈને લગભગ પંદરેક દિવસ થઈ ગયા છે. પરંતુ આજે પણ તેમની સગાઇની ચર્ચા થઈ રહી છે. આ પહેલા સગાઇની તસવીરોએ હોબાળો મચાવ્યો હતો. પરંતુ હવે એક વીડિયોએ સોશિયલ મીડિયા પર ખળભળાટ મચાવી દીધો છે. નવી દિલ્હીના કપૂરથલા હાઉસમાં સગાઈના કેટલાક અદ્રશ્ય વીડિયો સોશિયલ મીડિયા પર વાયરલ થયા હતા પરંતુ પછીથી તેને ડિલીટ કરવામાં આવ્યા હતા. આખરે એમાં શું હતું, ચાલો જણાવીએ.
પરિણીતી અને રાઘવની સગાઈનું શૂટિંગ કરનાર ફોટોગ્રાફરે એક વીડિયો પોસ્ટ કર્યો હતો, જો કે બાદમાં તેને ડિલીટ કરવામાં આવ્યો હતો. વીડિયોમાં રાઘવ ચઢ્ઢા એવું કહી રહ્યા હતા કે તેણે સગાઈ પહેલા તેના નાકની સર્જરી કરાવી હતી. વીડિયોમાં પરિણીતી પણ રાઘવને રોકતી પણ જોવા મળે છે. જો કે હવે આ વીડિયો ડિલીટ કરી દેવામાં આવ્યો છે. તેમ છતાં રાઘવનું નિવેદન સોશિયલ મીડિયા પર ચર્ચાનો વિષય બની ગયું છે.
આ વાત ત્યારે સામે આવી જ્યારે રાઘવ-પરિણીતીની સગાઈની વીડિયોગ્રાફી કરનારે એક વીડિયો પોસ્ટ કર્યો. તે વીડિયોમાં રાઘવ પરિણીતીના પરિવારના એક સભ્ય સાથે વાત કરી રહ્યો છે. રાઘવ કહે છે કે તેનું નાક તેની માતા જેવું હતું, પરંતુ તેને તેના પિતાનું નાક પસંદ હતું. તેથી જ તેણે સર્જરી દ્વારા તેના પિતાની જેમ પોતાનું નાક કરાવ્યું. પાર્ટીમાં હાજર એક મહિલાએ રાઘવને પૂછ્યું કે શું તે બોડી સાથે કંઈ કરાવ્યુ છે.
જવાબમાં રાઘવ કહે છે- હા આંટી, નોઝ જોબ (નાકની સર્જરી). આ દરમિયાન પરિણીતી રાઘવને વચ્ચેથી કહેતી જોવા મળે છે કે ચારે બાજુ કેમેરા લગાવેલા છે, આવી વાતો ના કરો. સોશિયલ મીડિયા પર આ વીડિયો વાયરલ થતા જ લોકોની અલગ-અલગ પ્રતિક્રિયાઓ આવી રહી છે. જો કે, આ વીડિયો સાચો છે કે નહીં તેની પુષ્ટિ થઈ નથી. ફોટોગ્રાફરે પોતાની સાઈટ પરથી આ વીડિયો ડિલીટ કરી દીધો છે.
ઉલ્લેખનીય છે કે, રાઘવ અને પરિણીતીની સાગઇ દિલ્હીમાં થઇ હતી અને હવે આ કપલ રાજસ્થાનના જયપુર અથવા ઉદયપુરમાં લગ્ન કરી શકે છે. પરિણીતી શનિવારે સવારે ઉદયપુર પહોંચી હતી, જ્યાં તેણે વેડિંગ વેન્યુની મુલાકાત લીધી હતી. પરિણીતી ઉદયપુરના ધ લીલા પેલેસમાં રોકાઈ રહી છે જ્યારે તેના પરિવારના સભ્યો ઉદયવિલાસ હોટલમાં રોકાયા છે. પરિણીતીએ શનિવારે સવારે ઉદયવિલાસ ખાતે તેના સંબંધીઓ સાથે લંચ કર્યું હતું.
આ પછી તે હોટેલ લીલા પેલેસ જવા રવાના થઈ ગઈ. ઉદયપુર બાદ પરિણીતી જયપુર જાય તેવી પણ શક્યતા છે. પરિણીતીની બહેન અને ગ્લોબલ સ્ટાર પ્રિયંકા ચોપરાએ જોધપુરમાં રોયલ વેડિંગ કર્યા હતા. આવી સ્થિતિમાં, એવી અટકળો લગાવવામાં આવી રહી છે કે પરિણીતી પણ રાજસ્થાનમાં ઉદયપુર અથવા જયપુરમાંથી કોઈ એક જગ્યાએ લગ્ન કરી શકે છે.
