વિકી કૌશલનો દીવાનો ! ‘છાવા’ જોવા માટે થિયેટરમાં ઘોડો લઇ પહોંચ્યો- પબ્લિક રહી ગઇ હેરાન

છત્રપતિ શિવાજી મહારાજના મોટા પુત્ર સંભાજી મહારાજનો જન્મ 14 મે 1657ના રોજ થયો હતો. 11 માર્ચ 1689ના રોજ માત્ર 31 વર્ષની ઉંમરે ઔરંગઝેબે તેમની હત્યા કરી હતી. સંભાજી મહારાજ અને ઔરંગઝેબ વચ્ચેનું યુદ્ધ આજે પણ ઇતિહાસમાં પ્રખ્યાત છે. તેમણે મુઘલો સામે શરણાગતિ સ્વીકારવાને બદલે લડવાનું પસંદ કર્યું અને છેલ્લા શ્વાસ સુધી સ્વતંત્રતા માટે લડતા લડતા શહીદ થયા.

આ ઐતિહાસિક ઘટના પર આધારિત ફિલ્મ ‘છાવા’ હાલમાં સિનેમાઘરોમાં રાજ કરી રહી છે. જેમાં વિકી કૌશલે સંભાજી મહારાજની ભૂમિકા ભજવી છે. જ્યારે રશ્મિકા મંદાનાએ ફિલ્મમાં તેમની પત્ની યેસુબાઈ ભોસલેની ભૂમિકા ભજવી છે. આ ફિલ્મ જોવા માટે થિયેટરમાં પહોંચેલા એક વ્યક્તિએ એવી એન્ટ્રી કરી જેનો વીડિયો ઇન્ટરનેટ પર વાયરલ થઈ રહ્યો છે.

વાયરલ વીડિયોમાં એક વ્યક્તિ સંભાજી મહારાજના ગેટઅપમાં ઘોડા પર સવાર થઈને થિયેટરમાં પ્રવેશ કરે છે. આ જોઈને પોતાની સીટ પર બેઠેલા પ્રેક્ષકો પણ ચોંકી જાય છે અને પોતાની સીટ પરથી ઉભા થઈ જાય છે. લોકો આ ક્ષણને પોતાના કેમેરામાં કેદ કરવાનું શરૂ કરે છે. ફિલ્મ જોવા આવેલા વ્યક્તિની આ અનોખી પદ્ધતિ ઇન્ટરનેટ યુઝર્સને ખૂબ જ મનોરંજક લાગી રહી છે. આ ક્લિપ જોઈને કેટલાક યુઝર્સ શરૂઆતમાં વિચારે છે કે કદાચ વિક્કી કૌશલ આવ્યો જો કે પાછળથી તે સત્યનો સામનો કરે છે.

આ ઘટનાના બે વીડિયો ઇન્ટરનેટ પર વાયરલ થયા છે. પહેલી ક્લિપમાં ઘોડા પર સવાર એક માણસ પ્રવેશ કરે છે ત્યારે ફિલ્મ શરૂ થાય છે. જ્યારે બીજો વિડીયો પોસ્ટ ક્રેડિટ સીનનો છે. X પર આ વીડિયો પોસ્ટ કરતી વખતે, @SandipKapde નામના યુઝરે લખ્યું- સંભાજીરાજેના વેશભૂષામાં પહેરેલો એક યુવક ઘોડા પર સવાર થઈને ‘છાવા’ ફિલ્મ જોવા આવ્યો હતો. સીધો સિનેમા હોલમાં પ્રવેશ્યો.