મહેંદી સેરેમની કેમેરામાં કેદ કરવા આવેલા પેપ્સ પર નીતા અંબાણીએ વરસાવ્યો પ્રેમ, “જય શ્રી કૃષ્ણ” કહીને પૂછ્યું કે..જુઓ વીડિયો

અનંત રાધિકાના લગ્નમાં નીતા અંબાણીએ બતાવી દરિયાદિલી, દિલ જીતી રહ્યો છે વીડિયો

Nita Ambani asked the paparazzi : અનંત અંબાણી તેની ગર્લફ્રેન્ડ રાધિકા મર્ચન્ટ સાથે 12 જુલાઈ 2024ના રોજ લગ્ન કરવા જઈ રહ્યા છે. તે પહેલા કપલ લગ્ન પહેલાની ઘણી ઉજવણીઓનું આયોજન કરી રહ્યું છે. તમને જણાવી દઈએ કે ગતરોજ 10 જુલાઈ 2024ના રોજ અંબાણી પરિવાર એક ભવ્ય મહેંદી સેરેમનીનું આયોજન કર્યું.

સેલિબ્રિટી મહેંદી આર્ટિસ્ટ વીણા નાગડા પહેલેથી જ સ્થળ પર પહોંચી ગઈ હતી અને મહેમાનો અને પરિવારના સભ્યોના આગમનથી ઉત્સાહ સ્પષ્ટપણે જોઈ શકાય છે. કપલની મહેંદી સેરેમનીના ફોટા અને વીડિયો પણ સોશિયલ મીડિયા પર વાયરલ થઈ રહ્યા છે. આ દરમિયાન નીતા અંબાણીનો એક વીડિયો પણ વાયરલ થઈ રહ્યો છે, જેમાં તે પેપ્સનું સ્વાગત કરતી જોવા મળી રહી છે.

ગઈકાલે રાત્રે રણવીર સિંહ, સંજય દત્ત, જ્હાન્વી કપૂર, અનન્યા પાંડે અને અનંત અંબાણી અને રાધિકા મર્ચન્ટ સહિત ઘણા સેલેબ્સ મહેંદી ફંક્શનમાં સામેલ થયા હતા. તેની તસવીરો પણ સોશિયલ મીડિયા પર વાયરલ થઈ રહી છે. લગ્ન સમારોહ પહેલા, અંબાણી પરિવારે તેમના મુંબઈના ઘરે શિવ શક્તિ પૂજાનું પણ આયોજન કર્યું હતું, જ્યાં પરિવારના સભ્યોએ તેમની પૂજા માટે ઘણા સ્ટાર્સને આમંત્રણ આપ્યું હતું.

તે જ સમયે વરરાજાની માતા નીતા અંબાણીએ પેપરાઝીને ખબર અંતર પૂછવા  માટે થોડી મિનિટો કાઢી હતી. તેનો આ વીડિયો સોશિયલ મીડિયા પર વાયરલ થઈ રહ્યો છે. સોશિયલ મીડિયા પર એક વીડિયો પણ વાયરલ થઈ રહ્યો છે જેમાં બિઝનેસ વુમન નીતા અંબાણી પૂછતી જોવા મળી હતી કે શું મુંબઈમાં વરસાદ વચ્ચે પેપરાઝીઓને લગ્ન સ્થળ પર આરામદાયક રાખવામાં આવ્યા હતા કે નહીં.

આ દરમિયાન તેમણે ‘જય શ્રી કૃષ્ણ…’ કહ્યું અને ફોટોગ્રાફરને કહ્યું કે આજે શિવશક્તિની પૂજા છે, તેથી હું તમારા માટે પ્રસાદ મોકલી રહી છું. શું તમે અહીં રોકાવવાના છો? ઠીક છે, તો હું તમારા બધા માટે પ્રસાદ મોકલું છું. તમારો ખૂબ ખૂબ આભાર,’ લગ્નના કાર્યક્રમ વચ્ચે વરસાદમાં પેપરાઝી શૂટિંગ અંગે ચિંતા વ્યક્ત કરતાં નીતાએ પૂછ્યું, “તમે આરામદાયક છો?” પેપ્સે એમ પણ કહ્યું કે તે ઠીક છે.