ડીઝીટલ જમાનાનો ડીઝીટલ પ્રેમ : વીડિયો કોલમાં પ્રેમીની કરી પૂજા, પ્રદક્ષિણા ફરી અને દૂધનો અભિષેક પણ કર્યો, વીડિયો વાયરલ થતા જ લોકોએ માથું પકડ્યું.. જુઓ
Lover worship in video call : આજે જમાનો ડીઝીટલ બની ગયો છે અને આપણે ક્યારેય કલ્પના પણ નહોતી કરી તેવી વસ્તુઓ પણ હવે ઓનલાઇન થવા લાગી છે. આજે તહેવારો પણ ઓનલાઇન મનાવાય રહ્યા છે તો સંબંધો પણ ઓનલાઇન જ બંધાતા હોય છે. તમે ઘણા લોકોને ઓનલાઇન સગાઈ કરતા પણ જોયા હશે, લોકોએ હવે વીડિયો કોલ દ્વારા જ પૂજા કરવાનું શરૂ કરી દીધું છે. આવો જ એક વીડિયો સોશિયલ મીડિયા પર વાયરલ થઈ રહ્યો છે, જેમાં એક યુવતી તેના પ્રેમીના લાંબા આયુષ્ય માટે અજીબોગરીબ કામ કરતી જોવા મળી રહી છે.
આ વીડિયો રિંકુ રોય નામની યુવતીએ ઈન્સ્ટાગ્રામ પર શેર કર્યો છે અને વીડિયોનું કેપ્શન લખ્યું છે, મેરા અલબેલા શિવ. વાયરલ થઈ રહેલા આ વીડિયોમાં જોઈ શકાય છે કે યુવતી વીડિયો કોલ સાથે જોડાયેલ છે. બીજી બાજુ એક છોકરો દેખાય છે. આવી સ્થિતિમાં, લાલ સાડી પહેરેલી આ છોકરી મોબાઇલ પર ફૂલ ચઢાવે છે, પછી દૂધથી અભિષેક પણ કરે છે અને ખુરશીની પ્રદક્ષિણા પણ ફરે છે. તેણે મોબાઈલની સામેની ખુરશી પર ફૂલ અને અગરબત્તી પણ મૂકી છે.
બીજી તરફ મોબાઈલ પર હાજર છોકરો આ બધું જોઈ રહ્યો છે અને ક્યારેક તેનો ચહેરો બીજી દિશામાં ફેરવી રહ્યો છે. યુવતીએ વાળમાં ગજરો પણ લગાવ્યા છે. વીડિયો પરની કોમેન્ટ્સ અનુસાર, તે મહાશિવરાત્રી સાથે સંબંધિત છે. જો કે આ બાબત ક્યાં છે તે અંગેની માહિતી ઉપલબ્ધ નથી. પરંતુ વિડિયોનું કેપ્શન બંગાળીમાં લખેલું છે, તેથી કહી શકાય કે તે પશ્ચિમ બંગાળના કોઈ સ્થાનનો છે. લોકો આ અંગે જોરદાર કોમેન્ટ કરી રહ્યા છે.
કેટલાક લોકો આ જોડીને છપરી-છપરા કહી રહ્યા છે તો કેટલાક મોબાઈલને દૂધ પ્રુફ કહી રહ્યા છે. એક યુઝરે લખ્યું છે કે આ પ્રેમ છે, આ રીતે કોઈનું અપમાન ન કરો. એકે લખ્યું છે કે લોંગ ડિસ્ટન્સ રિલેશનશિપ. તો કોઈ આ છોકરીને પાપાની પરી કહી રહ્યું છે. તમને જણાવી દઈએ કે આ વીડિયોને અત્યાર સુધીમાં 3 કરોડથી વધુ વખત જોવામાં આવ્યો છે, એટલું જ નહીં આ વીડિયોને 10 લાખ 34 હજારથી વધુ લોકોએ લાઈક કર્યો છે અને 29 હજારથી વધુ કમેન્ટ્સ આવી છે.
