હવેથી રોજ રાશિફળ,જોક્સ-સુવિચાર,ન્યુઝ સીધા જ તમારા મોબાઈલમાં મેળવવા → અહીં ક્લિક કરીને જોડાઓ ગુજ્જુરોક્સ વૉટ્સએપ ગ્રુપમાં.
લૂંટેરી દુલ્હન નીકળી HIV પોઝિટિવ, 5 યુવકો સાથે લગ્ન કર્યા બાદ રોકડ અને ઘરેણાં લઈને થઇ ગઈ હતી ફરાર, લોકોમાં મચ્યો ફફડાટ
Looteri Dulhan Found Hiv Positive :ગુજરાત સમેત દેશભરમાં લૂંટેરી દુલ્હનના ઘણા મામલાઓ સામે આવતા હોય છે, જેમાં લગ્ન ઇચ્છુક યુવકોને મળતીયાઓ દ્વારા આવી લૂંટેરી દુલ્હનના ચક્કરમાં ફસાવવામાં આવે છે અને લગ્નના થોડા સમય બાદ જ દુલ્હન રોકડ રૂપિયા અને ઘરેણા લઈને ફરાર થઇ જાય છે, પરંતુ હાલ એક એવી લૂંટેરી દુલ્હનનો કિસ્સો સામે આવ્યો છે જેને પાંચ-પાંચ મુરતિયાઓને ફસાવ્યા અને હવે સામે આવ્યું છે કે દુલ્હન HIV પોઝિટિવ છે, જેના બાદ હડકંપ મચી ગયો. (તમામ તસવીરો પ્રતીકાત્મક છે.)
આ ઘટના સમયે આવી છે મુજ્જફરનગરમાંથી. લગ્નના નામે છેતરપિંડી કરવાના આરોપમાં પોલીસે મે મહિનામાં જ મહિલાની ધરપકડ કરી હતી અને તેને જેલમાં મોકલી દીધી હતી. જેલમાં બિમારી બાદ લક્ષણોના આધારે કરાયેલા ટેસ્ટમાં મહિલા HIV પોઝીટીવ હોવાનું બહાર આવતાં હોબાળો મચી ગયો હતો. લગ્નના નામે છેતરપિંડી કરીને મહિલા પાંચ વખત એક રાતની દુલ્હન બની છે. કાઉન્સેલિંગ બાદ મહિલાના સંપર્કમાં આવેલા લોકોની પણ હવે તપાસ કરવામાં આવી રહી છે.
ટિટાવી પોલીસ સ્ટેશન વિસ્તારના ખેડી દુદાધારીના રહેવાસી એક વ્યક્તિએ 1 માર્ચના રોજ ઉત્તરાખંડના ઉધમ સિંહ નગર જિલ્લાની રહેવાસી યુવતી સાથે લગ્ન કર્યા હતા. વિદાય બાદ કન્યા તેના ભાઈ સાથે તેના સાસરે આવી હતી. રાત્રે બધા સૂઈ ગયા. સવારે બંને ભાઈ-બહેન ઘરે મળ્યા ન હતા. ઘરમાં રાખેલા દાગીના, રોકડ, મોબાઈલ અને સામાન ગાયબ હતો. પીડિતાએ આરોપી વિરુદ્ધ કેસ દાખલ કર્યો હતો. 6 મેના રોજ પોલીસે કન્યા સહિત સાત આરોપીઓની ધરપકડ કરીને ગેંગનો પર્દાફાશ કર્યો હતો. ત્યારથી કન્યા જિલ્લા જેલમાં બંધ છે.
તાજેતરમાં, તેણીની ખરાબ તબિયતને કારણે, કન્યાએ જેલ પ્રશાસનને HIV માટે પરીક્ષણ કરાવવાનું કહ્યું. આ અંગે તપાસ કરવામાં આવતા તે પોઝિટિવ બહાર આવી હતી. એઇડ્સની પુષ્ટિ થતાં જ દુલ્હનની સારવાર શરૂ કરવામાં આવી હતી. પોલીસ તપાસમાં સામે આવ્યું છે કે એક રાત માટે દુલ્હન બનેલી મહિલાએ અત્યાર સુધીમાં પાંચ લગ્ન કર્યા છે. એ જ રીતે તે સામાન લઈને ભાગી જાય છે. અત્યાર સુધીમાં આ કેસમાં બે આરોપીઓની જામીન અરજી પણ કોર્ટે સ્વીકારી લીધી છે.
