ગરમીથી છુટકારો મેળવવા આ ભાઈએ ઘરમાં જ ઈંટોથી ચણીને બનાવ્યું એવું ગજબનું કુલર કે જોઈને તમે પણ હેરાન રહી જશો, વાયરલ થયો વીડિયો
Jugad of Permanent Cooler : આપણા દેશની અંદર તમને ઘણા બધા જુગાડી લોકો મળી જશે જે પોતાની જરૂરિયાત અનુસાર એવી વસ્તુઓ બનાવી દેશે જેને જોઈને સૌ કોઈ હેરાન પણ રહી જાય, તો ઘણી વાર આવા જુગાડના વીડિયો વાયરલ પણ થતા હોય છે. હાલ ઉનાળાની કાળઝાળ ગરમી પડી રહી છે અને લોકો ગરમીથી બચવા માટે પણ અવનવા જુગાડ કરતા હોય છે. ત્યારે હાલ એક ભાઈનો કુલર બનાવતો વીડિયો ખુબ જ વાયરલ થઇ રહ્યો છે, જેમાં એ ભાઈએ એવું કુલર બનાવ્યું કે સૌ કોઈ જોઈને હક્કાબક્કા રહી ગયા.
આ વ્યક્તિએ પોતાના ઘરમાં કાયમી કુલર બનાવ્યું. હવે તમે વિચારતા હશો કે કાયમી કૂલર શું છે? ઈન્સ્ટાગ્રામ હેન્ડલ @kushwah_ji_ke.chore પર એક વીડિયો વાયરલ થઈ રહ્યો છે જેમાં આપણે જોઈશું કે ઈંટ અને પથ્થરમાંથી દેશી કૂલર બનાવવાનો પ્રયાસ કરવામાં આવ્યો છે. વિડિયોમાં તમે જોશો કે બારી પાસે જ જમીન પરથી એક દીવાલ બનાવવામાં આવી રહી છે.
કૂલરની જેમ બારી સાથે જોડાઈને બે દીવાલો બનાવવામાં આવે છે. કૂલર પેડને સમાવવા માટે પાછળની દિવાલને ફરીથી ગોઠવવામાં આવી છે. તેમાં નીચે પાણી નાખવાની વ્યવસ્થા કરવામાં આવી છે. બારીમાં નાનો પંખો પણ લગાવવામાં આવ્યો છે. જો કે અમે આ કૂલર કેટલું અસરકારક છે તે વિશે માહિતી આપી શકતા નથી, અમે ચોક્કસપણે કહી શકીએ છીએ કે તે ખરેખર એક આશ્ચર્યજનક વિચાર છે.
આ વીડિયોને યુઝર્સ તરફથી ખૂબ જ મિશ્ર પ્રતિક્રિયા મળી રહી છે. કેટલાક લોકો તેની પ્રશંસા કરી રહ્યા છે, તો ઘણા વપરાશકર્તાઓ આ આર્ટવર્કને પચાવી શકતા નથી. ઘણા યુઝર્સે લખ્યું છે કે આ બહુ મોંઘો ઉપાય છે, 5 હજાર રૂપિયામાં કુલર ખરીદવું વધુ સારું છે. ઘણા યુઝર્સે એમ પણ લખ્યું છે કે આ માત્ર પૈસા બરબાદ કરવાનો વિચાર છે. જોકે ઘણા લોકો તેને સારું પણ કહી રહ્યા છે.
