એવું માનવામાં આવે છે કે દરેક વ્યક્તિનું ભવિષ્ય પહેલાથી જ નક્કી હોય છે. તેની કિસ્મતમાં કેટલું અને ક્યારે મળશે તે વિધિ નિર્મિત હોય છે. તેમજ વ્યક્તિનો લગ્ન યોગ પણ ક્યારે છે તે પહેલાથી જ નિર્ધારિત હોય છે. ઘણા લોકો લગ્નની ઈચ્છા રાખતા હોય છે, પરંતુ તેમના લગ્નની અંદર કોઈને કોઈ અડચણ આવતી હોય છે અને ઘણા લોકોના લગ્ન પાછળ પણ ઠેલાતાં જતા હોય છે, તો ઘણા લોકો એવા પણ હોય છે જેમના લગ્ન બહુ મોટા પણ થાય છે. આજે અમે તમને એવી રાશિના જાતકો વિશે જણાવીશું જેમના લગ્નમાં મોડું થતું હોય છે.
1. મેષ:
આ રાશિના જાતકોના લગ્નમાં મોટાભાગે મોડું થતું જોવા મળે છે. જેની પાછળનું કારણ તેમનો સ્વભાવ અને વારંવાર બદલાતો મૂડ હોય છે. આ લોકો સ્વતંત્ર જિંદગી જીવવાનું પસંદ કરે છે. જેના કારણે તે નક્કી નથી કરી શકતા કે તેમને લગ્ન કરવા છે કે નહિ.
2. મિથુન:
આ રાશિના જાતકો પોતાના પાર્ટનરના મામલામાં ખુબ જ સજાગ રહે છે અને પોતાના ગમતા પાર્ટનર સાથે જ લગ્ન કરવા ઈચ્છે છે. જેના કારણે તેમના લગ્નમાં મોડું થાય છે. સાથે જ આ લોકો પોતાના કેરિયરને લઈને પણ ખુબ જ મહત્વકાંક્ષી હોય છે. ઘણીવાર આ કારણના લીધે પણ તેમના લગ્ન્નમાં મોડું થાય છે.
3. વૃશ્ચિક:
આ રાશિના લોકો સ્વભાવમાં રહસ્યવાદી હોય છે અને પોતાની વાતો કોઈને નથી જણાવતા. એ જ રીતે લગ્ન ના કરવાનું કારણ પણ તે કોઈને નથી જણાવતા. હકીકતમાં તે ત્યાં સુધી લગ્ન કરવા માટે હા નથી ક્હેતા જ્યાં સુધી તેમને તેમનું મનગમતું સાથી નથી મળી જતું.
4. ધન:
આ રાશિના જાતકો પોતાના જીવનમાં આઝાદી પસંદ કરે છે અને પોતાની સ્થિતિ સાથે સમાધાન નથી કરવા ઇચ્છતા. આ લોકો એવું પાર્ટનર શોધે છે જે તેમની સારી અને ખરાબ બધી બાબતોનો સ્વીકાર કરે અને જિંદગીમાં કોઈપણ પ્રકારનો હસ્તક્ષેપ ના કરે.
5. કુંભ:
આ રાશિના જાતકો ભલે લગ્ન કરવામાં મોડું કરી દે પરંતુ પોતાના પાર્ટનરની સાથે સારી રીતે સંબંધ નિભાવે છે. આ રાશિના જાતકોના જીવનમાં સંઘર્ષ ખુબ જ રહે છે. એવામાં આ જાતકો કોઈપણ નિર્ણય ખુબ જ સમજી વિચારીને લે છે અને તેમાં જ તે ખુબ જ સમય લગાવે છે.
(નોંધ: આ લેખમાં આપવામાં આવેલી માહિતી સામાન્ય જાણકારી અને માન્યતાઓ ઉપર આધારિત છે. ગુજ્જુરોક્સ તેની પુષ્ટિ નથી કરતું.)
