આજે ઘણા યુવકો સોશિયલ મીડિયામાં ફેમસ થવા માટે અવનવા હથકંડા અપનાવતા હોય છે. ઘણા યુવાનો બાઈક સાથે પણ ગજબના સ્ટંટ કરતા હોય છે, પણ ઘણીવાર તેમના આવા જ સ્ટન્ટ તેમના ઉપર ભારે પડી જતા હોય છે.સ્ટન્ટ કરવાના ચક્કરમાં ઘણા લોકો અકસ્માતનો ભોગ બનતા હોય છે તો ઘણા જીવથી પણ હાથ ધોઈ બેસતા હોય છે. ત્યારે હાલ એવો જ એક વીડિયો સામે આવ્યો છે જેમાં યુવકને રોડ ઉપર ચાલુ બાઇકે સ્ટન્ટ કરવો ભારે પડી ગયો.
વીડિયોની શરૂઆતમાં તમે એક વ્યક્તિ રસ્તા પર બાઇક ચલાવીને સ્ટંટ કરતો દેખાઇ રહ્યો છે. આ દરમિયાન બાઇકની સ્પીડ પણ ખૂબ જ વધારે હોય છે તે આડા અવળી કટ મારીને નીકળતો વીડિયોમાં જોવા મળી રહ્યો છે. વીડિયોમાં આગળ જોવા મળી રહ્યું છે કે તે જેવો જ થોડે દૂર સુધી જાય છે કે હવામાં વાતો કરતું તેનું બાઈક જમીન ઉપર જોરદાર રીતે પછડાય છે.
બાઈક તે યુવકથી ખુબ જ આગળ ઢસડાઈ ગયુ અને વ્યક્તિ પાછળ ઘસડાતો જોવા મળ્યો. વીડિયોમાં એ પણ જોવા મળી રહ્યું છે કે તે વ્યક્તિએ હેલ્મેટ પહેર્યું હોવાના કારણે તેને માથામાં વાગતું નથી, પરંતુ શરીર ઉપર તેને બીજી જગ્યાએ ઈજાઓ ચોક્કસ થઇ હશે, આ દિલધડક વીડિયો દિલ્હી ટ્રાફિક પોલીસે ઓફિશિયલ ટ્વિટર હેન્ડલ પરથી શેર કર્યો છે.
Road par nahi chalegi TUMHARI MARZI,
Aise stunts karoge toh jodne ke liye bhi nahi milega KOI DARZI!#SpeedKills #RoadSafety pic.twitter.com/RFF7MR26Ao— Delhi Traffic Police (@dtptraffic) August 3, 2022
વીડિયો શેર કરવાની સાથે તેમને કેપ્શન દ્વારા લોકોને સુરક્ષિત રહેવા અને વધુ ઝડપે વાહન ન ચલાવવાની અપીલ પણ કરી હતી. દિલ્હી ટ્રાફિક પોલીસે લખ્યું, ‘તમારું રસ્તા પર ચાલશે નહીં. જો તમે આવા સ્ટંટ કરો છો, તો જોડવા માટે નહિ મળે કોઈ દર્દી !” આ વીડિયોને અત્યાર સુધીમાં 77 હજાર કરતા પણ વધારે લોકોએ જોયો છે અને રોડ ઉપર સ્ટન્ટ કરતા પહેલા સાવચેતી રાખવા માટે પણ ઘણા લોકો કોમેન્ટ કરી રહ્યા છે.