ખબર

“હમ દિલ દે ચુકે સનમ” ફિલ્મ જેવી કહાની : પતિએ જ કરાવ્યા પત્નીના તેના પ્રેમી સાથે લગ્ન અને પછી જાતે જ બનાવ્યો વીડિયો

ઘણા વર્ષો પહેલા એક ફિલ્મ આવી હતી “હમ દિલ દે ચુકે સનમ” આ ફિલ્મની અંદર ઐશ્વર્યા રાયનો પતિ અજય દેવગન તેના પ્રેમી સલમાન ખાન સાથે ભેટો કરાવવા માટે ખુબ જ મહેનત કરે છે, પરંતુ જો રિયલ લાઇફમાં જોવા જઇએ તો આવું થતુ નથી. જો પત્નીના અન્ય કોઇ સાથેના સંબંધોની જાણ પતિને થઇ જાય તો તેના ભયાનક પરિણામો પણ આપણે આવતા જોયા છે. પરંતુ હાલ સોશિયલ મીડિયામાં એક વીડિયો વાયરલ થયો છે, જેમાં “હમ દિલ દે ચુકે સનમ” જેવી જ કહાની જોવા મળી રહી છે.

તસવીર સૌજન્ય : એબીપી ન્યુઝ

મીડિયા રિપોર્ટ અનુસાર આ ઘટના બિહારના જમુઈમાંથી સામે આવી છે. જ્યાં બેંગલુરુમાં એક પતિએ તેની જ પત્નીના લગ્ન કરાવ્યા, અને તેમના લગ્નનો વીડિયો પણ પતિએ જ બનાવ્યો. પત્નીના પ્રેમી સાથે લગ્ન કરાવવાની આ ઘટના ગયા અઠવાડિયાની છે, પરંતુ તેનો વીડિયો હાલ સોશિયલ મીડિયામાં વાયરલ થઇ રહ્યો છે. વીડિયોમાં જણાવ્યા પ્રમાણે પતિનું નામ વિકાસ કુમાર છે, જેની પહેલી પત્નીનું મોત થઇ ગયું હતું. વિકાસે શિવાની નામની છોકરી સાથે બીજા લગ્ન કર્યા હતા અને જમુઈથી બેંગલુરુ રહેવા લાગ્યો.

અહીંયા તે નોકરી કરવા લાગ્યો પરંતુ થોડા દિવસ બાદ તેમની કહાનીમાં સચિન નામના એક યુવકનો પ્રવેશ થયો, જેના બાદ પ્રેમની આ સરળ કહાનીમાં એક નવો વળાંક આવી ગયો. લગ્નના થોડા દિવસ બાદ શિવાનીના સામાનમાંથી વિકાસને સચિનની એક તસવીર મળી. પરંતુ તે સમયે તો વિકાસે આ તસવીર વિશે કોઈ પુછપરછ ના કરી પરંતુ થોડા દિવસ બાદ સચિન પણ બેંગલુરુ પહોંચી ગયો.

પ્રતિકાત્મક તસવીર

સચિન તેના કાકાના ઘરે રહેવા લાગ્યો અને સંતાઈ સંતાઈને શિવાનીને મળવા લાગ્યો. જયારે આ વાતની ખબર વિકાએને પડી તો તેને શિવાનીને સમજાવવાનો ખુબ જ પ્રયત્ન કર્યો અને બંનેના મળવા ઉપર વિરોધ પણ વ્યક્ત કર્યો. તે છતાં પણ સચિન અને શિવાની મળતા જ રહ્યા. જેના બાદ વિકાસને જ આ બંનેના પ્રેમ સામે હાર માનવી પડી.

પ્રતિકાત્મક તસવીર

વિકાસે સચિન અને શિવાનીના લગ્ન કરાવવાનો નિર્ણય કર્યો અને શિવાનીને આ નિર્ણય વિશે જણાવ્યું. જેના ઉપર તેને પણ હા કહ્યું. જેના બાદ બેગલુરૂમાં જ વિકાસે સચિનને બોલાવીને શિવાની સાથે તેના લગ્ન કરાવી દીધા. સમાજની સામે થયેલા આ લગ્નમાં વિકાસે વીડિયો પણ બનાવ્યો જે સોમવારના રોજ વાયરલ થઇ ગયો.