દેશભરમાં હત્યાના મામલાઓ સતત સામે આવી રહ્યા છે, ઘણીવાર કોઈની અંગત અદાવતમાં હત્યા કરી નાખવામાં આવે છે તો ઘણીવાર પરિવારમાં આંતિરક ઝઘડા પણ હત્યાનું કારણ બનતા હોય છે, પરંતુ હાલ જે મામલો સામે આવ્યો છે તે ખરેખર રૂંવાડા ઉભા કરી દેનારો છે. આજે મોટાભાગના લોકો સોશિયલ મીડિયામાં નામના વધારવા માંગે છે,
ત્યારે એવા જ એક મા દીકરીને પણ સોશિયલ મીડિયામાં ગ્લેમર બતાવવાનું ઘેલું લાગ્યું અને પતિને આ બાબતે પત્ની ઉપર શંકા થતા જ પાવડાથી બંનેની કરપીણ હત્યા કરી નાખી. આ ઘટના સામે આવી છે ગાઝિયાબાદના સિહાની ગામના સાદિકનગરમાંથી ગત શુક્રવારના રોજ. જ્યાં સવારે લગભગ 4 વાગ્યે 35 વર્ષીય રેખા પાલ અને 14 વર્ષની તાશુની હત્યા કરવામાં આવી હતી. આ આરોપ પતિ સંજય પાલ પર છે જે ઈ-રિક્ષા ડ્રાઈવર છે.
જ્યારે બપોરે 1 વાગ્યે પકડાયો ત્યારે તેણે પોતાનો ગુનો કબૂલી લીધો અને પોલીસને જણાવ્યું કે તેને રેખાને કોઈની સાથે પ્રેમ સંબંધ હોવાની શંકા હતી. જ્યારે તેને આ વાતની જાણ થઈ ત્યારે તેણે તેને આવું કરવાની મનાઈ કરી હતી, પરંતુ તેણીએ સાંભળ્યું નહીં.
14 વર્ષની દીકરી તાશુ પણ રેખાને સપોર્ટ કરતી હતી, જેથી તે ગુસ્સે થઈ ગયો અને તેણે તેનો જીવ પણ લઈ લીધો. પહેલા પાવડા વડે રેખાનું ગળું કાપી નાખ્યું અને પછી ઓશીકા વડે મોઢું દબાવી દીધું. જે બાદ ત્રીજા માળે ટેરેસ પર સૂતી દીકરીને પણ મારી નાખી હતી. જ્યારે બંનેના મોત થયાની પુષ્ટિ થતાં તે ઘરે તાળું મારીને નીકળી ગયો હતો. પોલીસે જણાવ્યું કે બપોરે 12 વાગ્યાની આસપાસ એક યુવકે ફોન પર માહિતી આપી કે સિહાની ગામના રહેવાસી સંજયપાલે તેની પત્ની અને પુત્રીની હત્યા કરી છે, જે જૂના બસ સ્ટેન્ડ પાસે છે.
પોલીસે તરત જ ઘટનાસ્થળે જઈને તેની ઓળખ કરી, તેને કસ્ટડીમાં લીધો અને પોલીસ સ્ટેશન લાવી પૂછપરછ કરી. માહિતી આપનાર યુવક સંજય પાલનો ઓળખીતો હતો. પોલીસે સંજયની પૂછપરછ કરતાં તેના લગ્ન 20 વર્ષ પહેલા થયા હતા. તેને ચાર-પાંચ વર્ષથી શંકા હતી કે તેની પત્નીનું નોઈડામાં કોઈ સાથે અફેર છે. ઘણી વખત તે તેની પાછળ ગયો, પછી તે નોઈડા અને અન્ય ઘણી જગ્યાએ જતી હતી. ત્યાંના ગાર્ડને પૂછતાં તેની શંકા વિશ્વાસમાં બદલાઈ ગઈ. છેલ્લા એક વર્ષથી તે તેની દીકરીને પણ પોતાની સાથે લઈ જવા લાગી હતી. તેનાથી તેનો ગુસ્સો વધુ વધી ગયો.
સંજય પાલે એક કૂતરો પણ રાખ્યો છે. સંજયે પોલીસને જણાવ્યું કે રેખા કૂતરાને પોતાની સાથે લઈ જતી હતી. શુક્રવારે વહેલી સવારે જ્યારે સંજયે આ ઘટનાને અંજામ આપ્યો ત્યારે કૂતરો ભસતો રહ્યો પણ સંજયને દયા ન આવી. જ્યારે કૂતરો ભસ્યો ત્યારે પાડોશમાં રહેતા કોઈ પણ વ્યક્તિએ હુમલા પછી રેખા અને તાશુની ચીસો સાંભળી ન હતી. એસપી સિટી નિપુણ અગ્રવાલે જણાવ્યું કે આ કેસમાં આરોપી પતિ સંજયની ધરપકડ કરવામાં આવી છે.
