ખબર ખેલ જગત

આખરે વિરાટ કોહલીને શા કારણે આવ્યો ગુસ્સો ? ડ્રેસિંગ રૂમમાં જતા જ દરવાજા ઉપર પછાડ્યો જોરથી પોતાનો હાથ

ભારતીય ટીમના કપ્તાન અને સ્ટાર બેટ્સમેન વિરાટ કોહીલીની રમતના કરોડો લોકો દીવાના છે. છતાં પણ છેલ્લા ઘણા સમયરથી વિરાટના શતકની ચાહકો રાહ જોઈ રહ્યા છે. વિરાટ ઓવલ ટેસ્ટની બીજી પારીમાં સારી શરૂઆત બાદ 44 રન બનાવીને આઉટ થઇ ગયો. જયારે પહેલી પારીમાં તેને અડધી સદી ફટકારી હતી.

હિટમેન રોહિત શર્માએ ઓવલ ટેસ્ટની બીજી પારીમાં 127 રનની શાનદાર પારી રમી પરંતુ ટિમ ઇન્ડિયાના કપ્તાન વિરાટ કોહલીના શતકનો હજુ દુકાળ જ ચાલી હર્યો છે. ત્યારે હાલ વિરાટ  કોહલીનો એક વીડિયો સોશિયલ મીડિયામાં ખુબ જ વાયરલ થઇ રહ્યો છે. જેમાં વિરાટ ડ્રેસિંગ રૂમના દરવાજા ઉપર ગુસ્સામાં હાથ પછાડતો  જોવા મળે છે.

વિરાટના ગુસ્સાનું કારણ તેની જ ભૂલ હતી. ઈનિંગની 111મી ઓવરના છેલ્લા બોલ પર વિરાટ કોહલી 44 રન કરી આઉટ થયો હતો. મોઇન અલીએ તેની ઓવરનો છેલ્લો બોલ ગુડ લેન્થ પર આઉટ સાઇડ ઓફ સ્ટમ્પની લાઇન પર નાખ્યો હતો. જેને ડિફેન્ડ કરવા જતા સ્લિપમાં ઓવર્ટનના હાથે કેચ આઉટ થયો હતો.

આઉટ થયા બાદ વિરાટને તેની ભૂલનો અહેસાસ થયો હતો, જેના બાદ પેવેલિયનની અંદર પોતાના ડ્રેસિંગ રૂમમાં જતા વખતે તેને ગુસ્સામાં પોતાનો હાથ દીવાલ ઉપર પછાડ્યો હતો. હવે આ ઘટનાનો વીડિયો સોશિયલ મીડિયામાં ખુબ જ વાયરલ થઇ રહ્યો છે.