સચિન તેંડુલકરનો બાળપણનો મિત્ર ઘણી ગંભીર બીમારીઓનો સામનો કરી રહ્યો છે. તેની આર્થિક સ્થિતિ પણ સારી નથી. તાજેતરમાં તે કોચ રમાકાંત આચરેકરના સ્મારક કાર્યક્રમ દરમિયાન જોવા મળ્યો હતો, ત્યારબાદ કપિલ દેવે મદદ માટે એફર કરી હતી. કાંબલીએ તેમની વાત સ્વીકારી લીધી છે.
વિનોદ કાંબલી તાજેતરમાં બાળપણના કોચ રમાકાંત આચરેકરના સ્મારક કાર્યક્રમ દરમિયાન સચિન સાથે જોવા મળ્યો હતો. ત્યારથી, તેમની સ્થિતિ વિશે ઘણી ચિંતા વ્યક્ત કરવામાં આવી હતી. ત્યારબાદ ટીમ ઈન્ડિયાના દિગ્ગજ ક્રિકેટર કપિલ દેવે 1983ના વર્લ્ડ કપના સાથી ખેલાડીઓ સાથે કાંબલીને પુનર્વસન માટે મદદની ઓફર કરી હતી. હવે, કાંબલીએ પ્રથમ વખત તેના સ્વાસ્થ્ય, સચિન સાથેના સંબંધો અને પુનર્વસન વિશે પ્રતિક્રિયા આપી છે. તેણે પોતાના સ્વાસ્થ્ય અને આર્થિક સ્થિતિ અંગે પણ ખુલાસો કર્યો.
કાંબલીએ કપિલ દેવની ઓફર સ્વીકારી
52 વર્ષના વિનોદ કાંબલીએ હાલમાં જ વિકી લાલવાણીની યુટ્યુબ ચેનલ પર એક ઈન્ટરવ્યુ આપ્યું છે. આ દરમિયાન, તેણે કપિલ દેવની ઓફર સ્વીકારી અને તેમની મદદ માટે આભાર વ્યક્ત કર્યો. કાંબલીએ કહ્યું કે ‘હું પુનર્વસન માટે જવા તૈયાર છું. હું જવા માંગુ છું કારણ કે મને કોઈ વાતનો ડર નથી. મારો પરિવાર મારી સાથે છે.’ એટલે કે તે 15મી વખત રિહેબમાં જવા માટે તૈયાર છે. આ પહેલા તેના નજીકના મિત્રએ જણાવ્યું હતું કે કાંબલી 14 વખત રિહેબમાં ગયો હતો. હવે તેમને પાછા લેવાનો કોઈ અર્થ નથી.તે જ સમયે, કપિલ દેવને મદદ કરતા પહેલા, તેમને એક શરત રાખવામાં આવી હતી કે તેઓ પોતે આ માટે પહેલ કરે.
કાંબલીએ જણાવ્યું કે તે ગંભીર યુરિન ઈન્ફેક્શનથી પીડિત છે, જેના કારણે તે ગયા મહિને બેભાન થઈ ગયો હતો અને વીડિયો વાયરલ થયો હતો. કાંબલીના કહેવા પ્રમાણે, તેની પત્ની, પુત્ર અને પુત્રી મળીને તેની સંભાળ રાખે છે અને તેને આ બીમારીમાંથી બહાર લાવવામાં મદદ કરે છે. કાંબલીએ એ પણ ખુલાસો કર્યો કે તેની આર્થિક સ્થિતિ ઘણી ખરાબ છે. BCCI તરફથી મળતું પેન્શન તેની આવકનો એકમાત્ર સ્ત્રોત છે, જ્યાંથી તે દર મહિને 30 હજાર રૂપિયા કમાય છે.
