સંસ્કારી નગરીમાં હિંદુ યુવતી સાથે મિત્રતા કરી, વારંવાર દુષ્કર્મ આચર્યું, ફેક્ટરી હોવાનું કહીને લાખો…જાણો સમગ્ર મામલો

MS યુનિવર્સિટીમાં ભણતી વિદ્યાર્થીની સાથે બીજા ધર્મના યુવકે વારંવાર દુષ્કર્મ આચર્યું, દીકરીઓના માં-બાપ માટે આ આંખ ઉઘાડનાર કિસ્સો છે

ગુજરાતમાંથી અવાર નવાર દુષ્કર્મના કિસ્સા સામે આવે છે. ઘણીવાર બીજા ધર્મના યુવક દ્વારા લગ્નની લાલચે કે અન્ય કોઇ લાલચે હિંદુ યુવતિને ફસાવી તેની સાથે જબરદસ્તી દુષ્કર્મ આચરવામાં આવતુ હોય છે. ત્યારે હાલમાં વડોદરામાંથી આવો કિસ્સો સામે આવ્યો છે. વડોદરાના મકરપુરામાં રહેતી અને એમ.એસ.યુનિવર્સિટીમાં અભ્યાસ કરતી વિદ્યાર્થિની સાથે એક બીજા ધર્મના યુવકે ઇન્સ્ટાગ્રામ પર મિત્રતા કેળવી અને તેની સાથે વારંવાર દુષ્કર્મ આચરી તેની પાસેથી લાખો રૂપિયા પણ પડાવી લીધા. વિદ્યાર્થિનીએ આ મામલે પોલીસ ફરિયાદ કરી છે. (તમામ તસવીરો પ્રતિકાત્મક છે)

તેણે ફરિયાદમાં જણાવ્યું છે કે તે મૂળ ઉત્તરાખંડના દેહરાદૂનની રહેવાસી છે અને તેના માતા-પિતા વડોદરામાં નોકરી કરતાં હોવાને કારણે તે વર્ષોથી વડોદરામાં સ્થાયી છે. ત્યારે પિતાએ BSNLમાંથી સ્વૈચ્છિક નિવૃત્તિ લીધા બાદ બીમારીને કારણે તેમનું મોત થયું હતું, અને માતા સ્કૂલમાં પ્રિન્સિપાલ રહ્યાં રાજીનામું આપી દીધુ અને હવે ખાનગી ટ્યૂશન ક્લાસ ચલાવે છે. જ્યારે 2017-18માં વિદ્યાર્થિની ધોરણ 10માં અભ્યાસ કરતી ત્યારે ઇન્સ્ટા પર માહિર નામના એક વ્યક્તિએ તેને ફ્રેન્ડ રિક્વેસ્ટ મોકલી અને તેણે એક્સેપ્ટ પણ કરી.

જે બાદ બંને વચ્ચે ઓનલાઇન વાતો શરૂ થઇ અને એક દિવસ માહિરે વિદ્યાર્થિનીને માંજલપુર ઇવામોલ ખાતે મળવા બોલાવી. આ દરમિયાન બંનેએ થિયેટરમાં ફિલ્મ જોઇ અને પછી વારંવાર એકબીજાને મળતાં રહ્યા, આ ઉપરાંત બંને ફોન પર ઓનલાઇન વાતો પણ કરતા. ત્યારે વિદ્યાર્થિની જ્યારે લગભગ 18 વર્ષથી થોડી વધારે ઉંમરની હતી ત્યારે માહિર યુવતીના ઘરે આવ્યો, આ દરમિયાન યુવતિની માતા ઉપરના માળે વિદ્યાર્થીઓને ટ્યૂશન ક્લાસમાં ભણાવતી હતી. આનો જ ફાયદો તેણે ઉઠાવ્યો અને વિદ્યાર્થીનીને કહ્યુ કે, તે તેની સાથે લગ્ન કરશે.

પોતાની વાતોમાં ફસાવી આરોપીએ વિદ્યાર્થીની સાથે મરજી વિરુદ્ઘ શરીરસંબંધ બાંધ્યા અને કહ્યુ કે, જો આ અંગે તે કોઈને જાણ કરશે તો જાનથી મારી નાખશે. ત્યારે આ દરમિયાન વિદ્યાર્થિની માતા ઉપરના માળેથી નીચે આવી ત્યારે માહિર ત્યાં બેઠો હતો અને આ અંગે તેની માતાએ પૂછપરછ કરી અને પછી માહિરને ઘરે નહીં આવવા સમજાવ્યો. જો કે તે બાદ જ્યારે પણ વિદ્યાર્થીની માતા ટ્યૂશન ક્લાસમાં જાય ત્યારે માહિર ઘરે આવતો અને અવાર નવાર બળજબરી શરીરસંબંધ બાંધતો. વિદ્યાર્થિની જિમમાં જતી તો ત્યાં પણ માહિરે તેનો પીછો ન છોડ્યો અને ત્યાં જ જીમ જોઇન કર્યું.

આ દરમિયાન જિમમાં બંનેની વચ્ચે ઝઘડો પણ થયો પણ સમાધાન થતાં ફરી એકબીજા સાથે મિત્રતા થઇ. ત્યારે સમાધાન બાદ ફરી ફોન પર વાતચીત શરૂ થઇ હતી અને બંને એકબીજાને મળતા રહ્યા. ત્યારે જાન્યુઆરી 2023માં જ્યારે પીડિતાએ જેતલપુર રોડ પર આવેલ ખાનગી ક્લાસીસમાં સ્પર્ધાત્મક પરીક્ષા માટે ક્લાસ જોઇન કર્યો તો માહિર ત્યાં પણ આવી ગયો અને જ્યારે પણ યુવતીની માતા ક્લાસીસમાં ભણાવવા માટે જાય ત્યારે તે ઘરે પહોંચી જતો અને સ્પર્ધાત્મક પરીક્ષાના ક્લાસીસમાં સાથે લઇ જતો.

આ દરમિયાન એકલતાનો લાભ લઇ તે બે-ત્રણ દિવસે બળજબરીથી સંબંધ બાંધતો અને આ સિલસિલો ફેબ્રુઆરી 2023 સુધી ચાલ્યો. જો કે, ઓગસ્ટ 2021માં માહિરે યુવતીને કહ્યું કે તેને પૈસાની જરૂર છે અને તેને એક કંપની ચાલુ કરવી છે. આ વાતમાં ફસાઇ યુવતિએ તેને ગૂગલ એપથી 1 લાખ 77 હજાર 810 આપ્યા અને તેણે યુવતીની માતા પાસેથી પણ ફેક્ટરી માટે રૂપિયાની જરૂર છે એમ કહી 1 લાખ 20 હજાર ચેક દ્વારા લીધા. ત્યારે બંને મા-દીકરી પાસેથી આરોપી માહિર અજમેરીએ 2 લાખ 97 હજાર 810 રૂપિયા પડાવ્યા અને પછી પરત ન કરતા યુવતીએ તેના વિરુદ્ઘ દુષ્કર્મ અને વિશ્વાસઘાતની ફરિયાદ મકરપુરા પોલીસ સ્ટેશનમાં નોંધાવી.