વડોદરામાં ડોક્ટરને યુવતીએ ઘરે મસાજ કરાવવા બોલાવી ન કરવાનું કર્યું, એવો ગંદો ખેલ રચાયો કે…જાણો આખી કહાની
ગુજરાતમાંથી ઘણીવાર હનીટ્રેપના મામલા સામે આવે છે જેમાં યુવતિઓ અને મહિલાઓ દ્વારા યુવકોને ફસાવી તેમને બ્લેકમેઇલ કરી પૈસા પડાવવામાં આવતા હોય છે. ત્યારે હાલમાં વડોદરા શહેર નજીક આવેલ ખાનગી કંપનીમાં મેડિકલ ઓફિસર તરીકે ફરજ બજાવતા યુવાન સાથે પણ આવી જ ઘટના બની હોવાનું સામે આવ્યુ છે. આ યુવાનને મહિલા પાસે મસાજ કરાવવું ભારે પડ્યુ છે. યુવતીએ ડોક્ટરને ઈન્સ્ટાગ્રામમાં ‘HI’ નો મેસેજ કર્યો હતો અને પોતાનો ફોન નંબર આપી મસાજ માટે સંપર્ક કરવા જણાવ્યું હતું.
આ પછી ડોક્ટર પણ યુવતીના ઘરે મસાજ માટે પહોંચ્યો, જ્યાં યુવતીએ ડોક્ટરને નગ્ન કરતાંની સાથે જ નકલી પોલીસ આવી અને રેડ કરી. આ પછી ડોક્ટરના નગ્ન ફોટા પાડી બ્લેકમેઇલ કરી તેની પાસેથી 10 લાખ રૂપિયા પડાવવા પ્રયાસ પણ કરવામાં આવ્યો. જો કે, આ મામલે ડોક્ટરે યુવતી સહિત ચાર વ્યક્તિ સામે ગોત્રી પોલીસ મથકમાં ફરિયાદ નોંધાવતાં પોલીસે તમામ આરોપીઓની ધરપકડ કરી છે. પ્રાપ્ત જાણકારી અનુસાર, પત્ની સહિતના પરિવાર સાથે રહેતા 30 વર્ષીય ડોક્ટર શહેર નજીકની એક ખાનગી કંપનીમાં મેડિકલ ઓફિસર તરીકે ફરજ બજાવે છે.
લગભગ દસેક દિવસ પહેલાં તેમને ફેસબુક પર જુહી લબાના નામથી ફ્રેન્ડ રિકવેસ્ટ આવી અને તેમણે એક્સેપ્ટ પણ કરી. આ પછી તેણે ‘HI’ કરીને મેસેજ કર્યો અને જણાવ્યું કે તે મસાજનું કામ કરે છે અને તમારે મસાજ કરાવવું હોય તો કહેજો. આ સાથે તેણે મેસેજમાં પોતાનો મોબાઇલ નંબર પણ આપ્યો હતો. આ પછી ડોક્ટરે મસાજનો ભાવ પૂછ્યો અને જુહીએ એક કલાકના 1,000 રૂપિયા ભાવ જણાવ્યો.
ડોક્ટરે મસાજ કરાવવાની તૈયારી બતાવતાં જુહીએ તેને એક બિલ્ડિંગના ત્રીજા માળનું સરનામું આપ્યું. આ પછી 11 એપ્રિલના રોજ રાત્રે 8 વાગ્યે ડોક્ટર જુહીના ઘરે મસાજ કરાવવા માટે પહોંચ્યા અને આ પછી જુહી તેને બેડરૂમમાં લઇ ગઇ અને મસાજ માટે કપડાં કાઢવા કહ્યુ. ડોક્ટરના કપડા કાઢતાની સાથે જ બે વ્યક્તિ રૂમમાં આવ્યા અને તેમાંથી એકે પોતાની ઓળખ પોલીસ તરીકે આપી. આ પછી એ જ હાલતમાં તેમણે ડોક્ટરનો વીડિયો ઉતાર્યો અને કહ્યુ કે તમારા ઘરમાં ગોરખધંધા ચાલે છે, રાત્રે છોકરાઓ આવે છે.
તમારા વિરુદ્ધ સોસાયટીના લોકોએ અરજી કરી છે. આ ઉપરાંત હાથથી લખેલી અરજી પણ બતાવી અને ધમકીઓ આપી. આ દરમિયાન ગભરાઇ ગયેલા ડોક્ટરે આજીજી કરતાં પોલીસ બનીને આવેલા શખ્સ સહિત બંનેએ પોલીસથી બચવા માટે 10 લાખની માગણી કરી અને ડોક્ટરે ઓછા કરવા માટે જણાવતાં ડુપ્લિકેટ પોલીસે ગોહિલ સાહેબ સાથે વાત કરી લવ એમ જણાવ્યુ અને કોઇને ફોન કર્યો.
આ પછી 2 લાખ આપવા કહ્યુ અને આબરૂ જાય એવા ડરથી ગભરાયેલા ડોક્ટરે હાલ રૂપિયા નથી, ATM કાર્ડ ઘરે છે, એમ જણાવતાં જુહીના બંને સાગરીતો ડોક્ટરને બાઇક ઉપર બેસાડી તેના ઘરે લઇ ગયા અને ATM કાર્ડ લઇ 1 લાખ ઉપાડી ડોક્ટરે તેમને આપ્યા. જો કે, બાકીના બીજા દિવસે આપવા જણાવાયુ. જુહીએ ડોક્ટરને કહ્યું કે રાત્રે 8 વાગ્યા સુધીમાં 1 લાખ નહિ આપે તો તારા સામે પોલીસ ફરિયાદ કરી દઇશ અને તારા વીડિયો સોશિયલ મીડિયામાં વાઇરલ કરી દઇશ.
આ પછી ડોકટર ગભરાયા અને તેમણે થોડી હિંમત કરી પત્નીને જાણ કરી. પત્નીએ પણ ફસાઇ ગયેલા પતિને હિંમત આપી અને ગોત્રી પોલીસ મથકમાં મસાજ કરાવવાના નામે ફસાવનાર જુહી લબાના અને તેના ત્રણ સાગરીતો સામે ફરિયાદ નોંધાવી. આ પછી પોલીસે ફરિયાદના આધારે ગુનો દાખલ કર્યો અને ચાર લોકોની ધરપકડ કરી.
