ઠેર ઠેર ડાયરાઓનો માહોલ ચાલી રહ્યો છે અને ગુજરાતના સુપ્રસિદ્ધ કલાકારો ઠેર ઠેર ડાયરા કાર્યક્રમો કરી અને શ્રોતાઓને મદહોશ કરી રહ્યા છે. ત્યારે આ દરમિયાન ડાયરાઓના ઘણા બધા વીડિયો પણ સામે આવી રહ્યા છે, જેમાં કલાકારો ઉપર થતો નોટોનો વરસાદ પણ જોવા મળતો હોય છે.
ત્યારે હાલમાં જ ઉર્વશીબેન રાદડીયાના ડાયરામાં એવો જ માહોલ જોવા મળ્યો હતો, જ્યાં તેમના ડાયરામાં એક કરોડ કરતા વધારે રૂપિયાની નોટોનો વરસાદ થયેલો જોવા મળ્યો હતો. આ ડાયરો કેશોદમાં યોજાયો હતો, જેનું આયોજન કેશોદ આહીર યુવા મંચ દ્વારા કરવામાં આવ્યું હતું. ડાયરામાં ઉર્વશીબેનના અવાજથી શ્રોતાગણો પણ મંત્રમુગ્ધ બન્યા હતા.
ઉર્વશીબેન રાદડિયા ઉપરાંત આ ડાયરામાં માયાભાઈ આહીર, બીરજુ બારોટ પણ રંગ જમાવવા અને ચાહકોને ઝુમાવવા માટે હાજર રહ્યા હતા. આ ડાયરામાં 25 હજારથી વધુ લોકો એકત્ર થયા હતા. જયારે ગાયક દ્વારા ગાવાનું બંધ કરવામાં આવ્યું ત્યારે પણ શ્રોતાગણો નોટોનો વરસાદ કરતા જોવા મળ્યા હતા.
આ ડાયરામા આહીર સમાજના ઘણા અગ્રણીઓ પણ હાજર રહ્યા હતા, તેમના ઉપર પણ આ ડાયરામાં નોટોનો વરસાદ થતો જોવા મળી હર્યો હતો. ઉર્વશીબેન રાદડિયાએ પણ આ કાર્યક્રમ બાદ કેશોદ આહીર યુવા મંચ અને તમામ શ્રોતાગણોનો આભાર પણ વ્યક્ત કર્યો હતો. આ ડાયરાના ઘણા બધા વિડીયો પણ સોશિયલ મીડિયામાં સામે આવ્યા છે.
