અમેરિકાના રાષ્ટ્રપતિ ડોનાલ્ડ ટ્રમ્પ બે દિવસની ભારતનું મુલાકાતે છે ત્યારે 24 ફેબ્રુઆરીએ તેઓ અમદાવાદ આવ્યા હતા અને એ પછી તેઓ આગ્રાની મુલાકાતે ગયા હતા. આગ્રામાં અમેરિકન રાષ્ટ્રપતિ ડોનાલ્ડ ટ્રમ્પે પત્ની મિલાનિયા સાથે તાજમહેલ જોવા પહોંચ્યા હતા.
આ પહેલા આગ્રા પહોંચવા પર એરપોર્ટ પર તેમની આગેવાની મુખ્યમંત્રી યોગી આદિત્યનાથ અને ઉત્તરપ્રદેશના રાજ્યપાલ આનંદીબેન પટેલે કરી. આ પછી તેઓ પરિવાર સાથે તાજમહેલ નિહાળવા પહોંચ્યા હતા.
રાષ્ટ્રપતિ ડોનાલ્ડ ટ્રમ્પે પરિવાર સાથે તાજમહેલ જોયો, આ દરમ્યાન તેમની દીકરી ઇવાન્કા અને તેમના પતિ જેરડ કુશનરે પણ તાજમહેલ જોયો. ટ્રમ્પ અને તેમની પત્ની મિલાનિયાએ તાજમહેલ વિશે જાણકારી પણ લીધી. આ દરમ્યાન બંને ઉત્સુકતાથી ગાઈડની વાત સાંભળતા જોવા મળ્યા હતા.
તાજમહેલ જોયા પછી ટ્રમ્પે વિઝિટર બુકમાં લખ્યું – ‘તાજમહેલ આપણને સૌને પ્રેરિત કરે છે. આ ભારતની સમૃદ્ધ અને વિવિધતા પૂર્ણ સંસ્કૃતિનું જીવંત ઉદાહરણ છે. આભાર ભારત.’
US President Donald Trump’s message in the visitor’s book at the Taj Mahal- “Taj Mahal inspires awe, a timeless testament to the rich and diverse beauty of Indian culture! Thank you, India”. pic.twitter.com/QtD87OeiYk
— ANI (@ANI) February 24, 2020
આગ્રા પહોંચવા પર ટ્રમ્પના સ્વાગતમાં સાંસ્કૃતિક કાર્યક્રમનું આયોજન કરવામાં આવ્યું હતું. ટ્રમ્પ અને ફર્સ્ટ લેડી મિલાનિયાએ તાજમહેલ સામે તસ્વીરો પણ ક્લિક કરાવી. સાથે જ બીજા લોકો પણ આ સમયે હાજર હતા.
ડોનાલ્ડ ટ્રમ્પ પહેલા, અમેરિકાના રાષ્ટ્રપતિ બિલ ક્લિન્ટને 2000માં અને 1959માં ડી આઇઝનહાવરે તાજમહલની મુલાકાત લીધી હતી.
Author: GujjuRocks Team
આવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકલાડીલું પેજ GujjuRocks લાઈક કરી જોડાઓ.