ટીવી ઉપર દર્શકોનો સૌથી મનગમતો શો તારક મહેતા કા ઉલ્ટા ચશ્મા આજે દરેક ઘરની પહેલી પસંદ છે. જેટલો આ શો દર્શકો વચ્ચે લોકપ્રિય છે એટલા જ આ શોના કલાકારો પણ દર્શકો વચ્ચે લોકપ્રિય છે. આ શો ના કલાકારોના જીવન પણ વિશે પણ જાણવામાં ચાહકોને ખુબ જ રસ હોય છે, તો આજે અમે તમને તારક મહેતાના કલાકારોના વૈભવી જીવનમાં તેઓ કઈ કઈ લક્ઝુરિયસ કાર લઈને ફરે છે તેના વિશે જણાવીશું.
1. દિશા વાંકાણી:
તારક મહેતાની અંદર દયાબેનનું પાત્ર નિભાવી રહેલા દિશા વાંકાણી છેલ્લા ઘણા સમયથી આ શોમાં નથી જોવા મળ્યા, ના શોના મેકર્સ દયાબેનને રિપ્લેસ કરી શક્યા છે, છતાં પણ તેમની લોકપ્રિયતા આજે પણ દર્શકોમાં એટલી જ જોવા મળી રહી છે. વાત કરીએ દિશા વાંકાણીના કાર કલેક્શનની તો મીડિયા રિપોર્ટ અનુસાર તેમની પાસે ઓડી ક્યુ 7 છે. જેની કિંમત 84. 44 લાખ રૂપિયા છે.
2. દિલીપ જોશી:
તારક મહેતા શોનું મુખ્ય પાત્ર દિલીપ જોશી એટલે કે જેઠાલાલ પણ દર્શકોને ભરપૂર મનોરંજન કરાવે છે, જેઠાલાલ પણ કારના ખુબ જ શોખીન છે. હાલમાં જ દિવાળીના અવસર ઉપર તેમને એક લકઝરી કિયા સેલ્ટોસ કાર ખરીદી. જેની કિંમત 12.29 લાખ રૂપિયા છે. આ ઉપરાંત મીડિયા રિપોર્ટ અનુસાર જેઠાલાલ પાસે 80 લાખની ઓડી ક્યુ 7 અને 14 લાખની ટોયોટો ઇનોવા પણ છે.
3. ભવ્ય ગાંધી:
તારક મહેતાની અંદર જુના ટપુનો અભિનય કરનાર અભિનેતા ભવ્ય ગાંધીના ચાહકો પણ આજે તેને ખુબ પ્રેમ આપે છે. જો કારના શોખની વાત કરવામાં આવે તો ભવ્ય ગાંધીને લકઝરી કારનો ખુબ જ શોખ છે. મીડિયા રિપોર્ટ અનુસાર તેની પાસે 47 લાખની ઓડી છે.
4. અમિત ભટ્ટ:
શોમાં બાપુજીનું પાત્ર નિભાવી રહેલા અભિનેતા અમિત ભટ્ટ પણ ગાડીઓના ખુબ જ શોખીન છે. મીડિયા રિપોર્ટ અનુસાર તેમની પાસે 23 લાખ રૂપિયાની કિંમતની શાનદાર ટોયોટા ઇનોવા ક્રિસ્ટા કાર છે.
5. શૈલેષ લોઢા:
તારક મહેતામાં લેખક તારક મહેતા તરીકેનું પાત્ર નિભાવી રહેલા અભિનેતા શૈલેષ સોઢા પણ લકઝરી કારણ ખુબ જ શોખીન છે. મીડિયા રિપોર્ટ અનુસાર તેમની પાસે મર્સીડીઝ બેન્ઝ 350 છે. જેની કિંમત 80 લાખ રૂપિયા છે.
6. તનુજ મહાશબ્દે:
જેઠાલાલ સાથે હંમેશા જેનો 36નો આંકડો રહે છે એવા અય્યર એટલે કે તનુજ મહાશબ્દે પણ આ શોમાં ખુબ જ લોકપ્રિય છે. તે સાઉથ ઇન્ડિયન સ્ટાઈલમાં દર્શકોને ખુબ જ મનોરંજન કરાવે છે. વાત કરીએ તેમના કારના શોખની તો મીડિયા રિપોર્ટ અનુસાર તનુજ પાસે બીએમડબ્લ્યુ 3 સિરીઝની કાર છે. આ કારની કિંમત પણ લાખોમાં છે.
7. સોનાલિકા જોશી:
તારક મહેતાના એકમાત્ર સેક્રેટરી આત્મારામ તુકારામ ભીડેની પત્ની માધવીના રોલમાં જોવા મળતી અભિનેત્રી સોનાલિકા જોશી પણ લક્ઝુરિયસ લાઈફ જીવે છે. તેને કારનો પણ ખુબ જ શોખ છે. મીડિયા રિપોર્ટ અનુસાર તેના કાર કલેક્શનમાં એમજી હેકટર અને ટોયોટા ઈટિયોસ જેવી મોંઘી ગાડીઓ સામેલ છે.
