કોણ છે નવા નટુકાકા કિરણ ભટ્ટ, જુના નટુકાકા સાથે ખાસ કનેક્શન છે નવા નટુકાકાનું…જાણીને ચોંકી જશો
છેલ્લા 14 વર્ષથી ટીવીનો સૌથી વધુ જોવાયેલ કોમેડી શો તારક મહેતા કા ઉલ્ટા ચશ્મા આજે ઘર-ઘરમાં જાણીતો બની ગયો છે. આનું દરેક પાત્ર દર્શકોના દિલોદિમાગમાં છવાઈ ગયું છે. દયાભાભીથી લઈને આત્મારામ ભીડે, હંસરાજ હાથી, બાઘા, બાવરી અને નટુકાકા સુધી તમામ પાત્રો લોકોના દિલમાં ખાસ સ્થાન ધરાવે છે. પહેલા ડૉ. હંસરાજ હાથી અને પછી જેઠાલાલની દુકાનમાં કામ કરતા નટુકાકાનું અવસાન થયું હતુ. નટુકાકાના નિધનને પણ નવ મહિના જેટલો સમય થઇ ગયો છે, ત્યારથી કોઈ નવા ચહેરાએ તેમના સેટમાં પ્રવેશ કર્યો નથી. ત્યારે હાલમાં જ શોના નિર્માતા અસિત કુમાર મોદીને નટુકાકાના રૂપમાં નવો ચહેરો મળ્યો છે.
હવે ફરી એકવાર નટુ કાકા બધાને હસાવવા આવ્યા છે. કેટલાક દિવસ પહેલા જ અસિત કુમાર મોદીએ એક વીડિયો શેર કર્યો હતો. આ વીડિયોમાં તે પહેલા જેઠાલાલની દુકાનની અંદર જાય છે અને આખી દુકાનનું નિરીક્ષણ કરે છે. તે બાદ અસિત મોદી બધાને નવા નટુકાકા સાથે મળાવે છે અને તેઓ કહે છે કે, 3 ઓક્ટોબર 2021ના રોજ નટુકાકાનું અવસાન થયું હતુ. તે એવા કલાકાર હતા જેને ભૂલવામાં નહીં આવે. પરંતુ છેલ્લા 13 વર્ષથી નટ્ટુ કાકાનું પાત્ર ભજવી રહેલા ધનશ્યામ નાયકને બદલવા સરળ નહોતા, પરંતુ પાત્ર ક્યારેય મરતું નથી. નવા નટુકાકાનો પરિચય આપતાં તેમણે કહ્યું કે જૂના નટુ કાકાએ નવા નટુ કાકાને મોકલ્યા છે.
જેમ તમે તેમને તમારો પ્રેમ આપ્યો છે તેમ નવા નટુકાકાને પણ ઘણો પ્રેમ આપજો. જણાવી દઇએ કે, નવા નટુકાકાના પાત્રમાં છે અભિનેતા આવ્યા છે, તેમનું નામ કિરણ ભટ્ટ છે. કિરણ ભટ્ટ એક પ્રખ્યાત ગુજરાતી અભિનેતા-નિર્માતા-નિર્દેશક છે. ગુજરાતી રંગભૂમિના જાણીતા અભિનેતા, નિર્માતા અને દિગ્દર્શક કિરણ ભટ્ટ હવે શોમાં નટુકાકાનું પાત્ર નિભાવી રહ્યા છે.રસપ્રદ વાત એ છે કે, રિયલ લાઈફમાં કિરણ ભટ્ટ અને ઘનશ્યામ નાયક બંને એકબીજાના ખૂબ સારા મિત્રો હતા, જે થિયેટરના દિવસોથી સાથે હતા. આ વિશે વાત કરતાં કિરણ ભટ્ટે કહ્યું- “લગભગ જૂના નટુ કાકાની જેમ જ નવા નટુ કાકા આવી રહ્યા છે અને હું મારા પ્રિય મિત્ર ઘનશ્યામની ભૂમિકા ભજવીને ખુશ છું.
તે મારા માટે ખૂબ જ ભાવનાત્મક ભૂમિકા છે અને મને આશા છે કે હું ઘનશ્યામની ભૂમિકાને ન્યાય આપવા માટે શરૂઆતથી જ પ્રમાણિક રહીશ.” આજતક સાથેની એક્સક્લુઝિવ વાતચીતમાં કિરણ કહે છે, મેં શૂટિંગ શરૂ કરી દીધું છે અને એપિસોડ ટેલિકાસ્ટ પણ થઈ ગયો છે. હું ખૂબ જ ખુશ અને નર્વસ છું કે લોકો મને નટુ કાકા તરીકે કેવી રીતે સ્વીકારશે. બસ આશા છે કે લોકોને મારું કામ ગમશે. પહેલા દિવસના શૂટિંગ દરમિયાન મને કેમેરાની સામે કહેવામાં આવ્યું હતું કે કોઈની નકલ કર્યા વિના જે ઈચ્છો તે કરો, અહીંથી નટુની સફર શરૂ થઈ છે.
શોમાં જોડાવા પર કિરણ કહે છે કે, હું, અસિત મોદી, દિલીપ જોશી, ઘનશ્યામ નાયક જી બધા ગુજરાતી થિયેટર બેકગ્રાઉન્ડમાંથી આવ્યા છીએ. અમારી પાસે લાંબી મુસાફરી છે. હું આ શો સાથે સારા સંબંધ અને જોડાણના આધારે જોડાયેલી છું. હું જાણું છું કે નટુકાકાનું પાત્ર શોમાં કેટલું મહત્ત્વનું છે. ઘનશ્યામજી મારા નાટકમાં કામ કરતા. તે મારા કરતા ઘણા સિનિયર પણ હતા. મને તેમના પાત્રની ઓફર મળી તો મારા માટે આનાથી વધુ ખુશીની વાત શું હોઈ શકે. હું એ વિચારીને કરી રહ્યો છું કે ચાલો તેમની યાદોને દર્શકોમાં જીવંત રાખીએ.
અસિત અને મારી મિત્રતા હોવા છતાં, મેં આ પાત્ર માટે ઓડિશન આપ્યું હતું અને લુક ટેસ્ટમાંથી પસાર થયો હતો. વાસ્તવમાં, અસિત કુમાર નટુકાકાના પાત્ર સાથે કોઈ સમાધાન ઈચ્છતા ન હતા. કિરણ ભટ્ટ કહે છે કે, તારક મહેતા સાથે જોડાયા ત્યાં સુધી અમે સાથે કામ કર્યું. અમે 20 વર્ષથી વધુ સમયથી જાણીતા હોવા જોઈએ.તમને જણાવી દઈએ કે, TMKOCમાં અભિનયની સાથે કિરણ ભટ્ટ આ દિવસોમાં ગુજરાતી થિયેટરમાં એક શોનું નિર્દેશન પણ કરી રહ્યા છે.
