ખબર

ફક્ત 10 સેકન્ડના ટ્રેન્ડ માટે બાળકીની થઇ ગઈ એવી હાલત કે કરાવી પડી શકે છે પ્લાસ્ટિક સર્જરી, જાણો

એક 10 વર્ષની છોકરી રાત્રે તેના મિત્રો સાથે પજામા પાર્ટી કરવા પહોંચી હતી. અહીં દરેક વ્યક્તિ ટિકટોક ટ્રેન્ડને અનુસરીને મજા માણવા માંગતી હતી પણ તેને ક્યાં ખબર હતી કે આ મજા તેના માટે ખતરનાક સાબિત થશે. આ ટ્રેન્ડ મુજબ તમારે તમારા હાથને બર્ફીલી ઠંડીનો અનુભવ કરાવવા માટે ડિઓડ્રેંટનો ઉપયોગ કરવો પડશે.

યુવતીએ લગભગ 10 સેકન્ડ સુધી તેના હાથ પર ડિઓડ્રેંટ સ્પ્રેનો ઉપયોગ કર્યો. તેની માતાએ જણાવ્યું કે 10 સેકન્ડની આ મૂર્ખતાને કારણે બાળકીને બે વર્ષ સુધી પીડા સહન કરવી પડી શકે  છે. પ્લાસ્ટિક સર્જરી કરાવવાની પણ જરૂર પડી શકે છે. 24 કલાકની મહેનત બાદ પરિવાર બાળકીને હોસ્પિટલ લઈ ગયો. પ્રથમ 24 કલાક હર્ટફોર્ડશાયરમાં ઘરે દાઝી જવા અને પીડાનો સામનો કરવાનો પ્રયાસ કર્યા પછી પરિવાર બીજા દિવસે હોસ્પિટલમાં લઇ ગયા હતા.

ડૉક્ટરે તેને પ્લાસ્ટિક સર્જરીની ટીમ પાસે મોકલી અને કહ્યું કે ઘાને સંપૂર્ણ રીતે રૂઝાવવામાં 18 મહિનાથી બે વર્ષનો સમય લાગી શકે છે. છોકરીને પ્લાસ્ટિક સર્જરીની જરૂર પડી શકે છે. મીડિયા રિપોર્ટ અનુસાર બાળકોની માતાએ કહ્યું કે તેને લાગ્યું કે બધા મજા કરી રહ્યા છે પરંતુ જ્યારે છોકરીનો ખરાબ રીતે દાઝી ગયેલ હાથ જોયો તો તે પણ ચોંકી ગઈ હતી. તેણે કહ્યું કે આ પહેલા તેના મિત્રએ પણ આ જ ટ્રેન્ડ ફોલો કર્યો હતો પરંતુ આટલા લાંબા સમય સુધી નહીં. તેની માતાએ કહ્યું કે તે એટલી બેદરકાર છોકરી નથી કદાચ તે સમયે તેની બુદ્ધિ ભ્રષ્ટ થઇ ગઈ હતી.

છોકરીને દાઝેલા હાથને સૂર્યથી બચાવવાનો છે. બાળકીની માતાએ જણાવ્યું કે અકસ્માત બાદ તે ખૂબ જ શાંત છે અને વધારે વાત નથી કરતી. તેમણે આગળ કહ્યું કે તેમના બાળકોની સુરક્ષાને ધ્યાનમાં રાખીને માતા પિતાએ તેમને આવા બેકાર ટ્રેન્ડનો ભાગ ન બનવા દેવા જોઈએ. અન્ય માતાપિતાને ચેતવણીમાં તેમણે કહ્યું: “તેમને ફક્ત આ પ્રકારની મૂર્ખ પ્રવૃત્તિઓમાં ભાગ ન લેવાનું યાદ કરાવતા રહો તે 10 સેકન્ડે તેના આગામી થોડા વર્ષો બરબાદ કરી દીધા.”