બોલિવૂડ ઈન્ડસ્ટ્રીમાંથી એક ચોંકાવનારા સમાચાર સામે આવ્યા છે. બોલિવુડના લખન કહેવાતા અનિલ કપૂરની પુત્રી અને અભિનેત્રી સોનમ કપૂર અને તેના પતિ આનંદ આહુજાના દિલ્હીના ઘરમાં ચોરીની ઘટના સામે આવી છે. લેટેસ્ટ માહિતી અનુસાર સોનમના દિલ્હીના ઘરમાંથી લગભગ 1.50 કરોડ રૂપિયાની ચોરી થઈ છે. સોનમ કપૂર વતી તેના દાદી સાસુએ તુગલક રોડ પોલીસ સ્ટેશનમાં ફરિયાદ નોંધાવી હતી. આ કેસ હાઈ પ્રોફાઈલ હોવાને કારણે પોલીસે તેને ખૂબ જ ગંભીરતાથી લીધો છે અને તાત્કાલિક અસરથી સર્ચ ટીમો બનાવવામાં આવી છે. લગભગ 37 નોકર સોનમ કપૂરના દિલ્હીના ઘરની સંભાળ રાખે છે.
જેના કારણે પોલીસ સતત પૂછપરછ કરી રહી છે અને તે તમામ નોકરો પર નજર રાખી રહી છે. સ્થાનિક પોલીસ ઉપરાંત ક્રાઈમ બ્રાન્ચ અને એફએસએલની ટીમ પણ આ મામલે કામે લાગી છે. પોલીસે આ મામલાને મીડિયાથી છુપાવવાનો પ્રયાસ કર્યો હતો, પરંતુ મામલો બધાની સામે આવી ગયો. તમને જણાવી દઈએ કે સોનમનું દિલ્હીનું ઘર 22 અમૃતા શેરગિલ માર્ગ પર છે. પરંતુ સોનમ તેના પતિ સાથે લંડનમાં રહે છે. આનંદની 86 વર્ષીય દાદી અને તેમનો પુત્ર હરીશ આહુજા અને પુત્રવધૂ પ્રિયા આહુજા દિલ્હીના ઘરે રહે છે.
ચોરીની જાણ થતાં દાદી પોલીસ સ્ટેશને પહોંચ્યા હતા. આ ચોરીનો મામલો 23 ફેબ્રુઆરીનો છે. સોનમના દાદી-સાસુએ પોલીસને જણાવ્યું કે રૂમના કબાટમાંથી 1 કરોડ 41 લાખ રૂપિયાના દાગીના અને થોડી રોકડ રકમ ગાયબ છે. તમને જણાવી દઈએ કે થોડા દિવસો પહેલા જ સોનમ કપૂરે તેના ફેન્સને એક સારા સમાચાર આપ્યા છે. તેણે તેના સોશિયલ મીડિયા પર એક પોસ્ટ કરીને તેના માતા બનવાના સમાચાર આપ્યા.
તસવીરમાં સોનમ તેના બેબી બમ્પ સાથે જોવા મળી હતી અને તેની સાથે પતિ આનંદ આહુજા પણ હતા. ઉલ્લેખનીય છે કે, હાલમાં જ શુક્રવારના રોજ રાત્રે રાની મુખર્જી જુહુમાં અનિલ કપૂરના ઘરની બહાર જોવા મળી હતી. આ દરમિયાન રાની મુખર્જી મેકઅપ વગર જોવા મળી હતી. ફોટોગ્રાફર્સે કારની અંદરથી રાની મુખર્જીની તસવીરો ક્લિક કરી હતી, જેમાં તેને ઓળખવી મુશ્કેલ હતી. રાની મુખર્જી તેના મોબાઈલ પર વ્યસ્ત જોવા મળી હતી.
View this post on Instagram
જો કે આ દરમિયાન તેના ચહેરા પરના હાવભાવ જોઈને લાગતું હતું કે તે ખૂબ જ સીરીયસ છે. રાની મુખર્જીના ચહેરા પર ઉદાસી સ્પષ્ટ દેખાતી હતી. તમને જણાવી દઈએ કે રાની મુખર્જી છેલ્લે 2021માં આવેલી ફિલ્મ ‘બંટી ઔર બબલી 2’માં જોવા મળી હતી. જોકે આ ફિલ્મ ફ્લોપ સાબિત થઈ હતી.
