આપણે ગુજરાતીઓ ખાવાના ખુબ જ શોખીન હોઈએ છીએ, સવારે નાસ્તાથી લઈને રાત્રે જમવા સુધી અલ અલગ વાનગીઓ ખાતા હોઈએ છીએ. ખાંડવી પણ આપણને ખાવી ખુબ જ ગમે છે, પરંતુ ઘરે કેવી રીતે બને તે ઘણા બધા લોકોને નથી ખબર, તો ચાલો આજે અમે તમને સ્વાદિષ્ટ ખાંડવી ઘરે જ બનાવવાની એકદમ સરળ રીત જણાવીશું.
ખાંડવી બનાવવાની સામગ્રી:
- બેસન-1 કપ
- દહીં ફેંટેલુ- 1 કપ
- આદુની પેસ્ટ
- હળદર – 1/4 ચમચી
- અડધી ચમચી રાઈ
- લીલા મરચાં- એક ચમચી (બારીક કાપેલા)
- તેલ- બે ચમચી
- મીઠું- સ્વાદ અનુસાર
- બે ડેબલ સ્પૂન બારીક કાપેલું નારિયેળ
- ઝીણા બારીક કાપેલા ધાણા
ખાંડવી બનાવવાની રીત:
- ખાંડવી બનાવવા માટે સૌથી પહેલા બેસનનો ઘોલ તૈયાર કરી લેવો.
- તેના માટે એક મોટા બાઉલની અંદર બેસન, દહીં, મીઠું, આદુની પેસ્ટ અને હળદર નાખીને સારી રીતે ભેળવો, જ્યાં સુધી બેસનના બધા જ ગાંગડા છુટ્ટા ના પડી જાય.
- હવે તેમાં બે કપ પાણી ઉમેરીને ફરીથી ભેળવો.
- હવે એક વાસણની અંદર બેસનનો ઘોલ નાખીને ત્યાં સુધી પકાવો જ્યાં સુધી તે પોતાની સપાટી છોડવા ના લાગે.
- એ વાતનું પણ ધ્યાન રાખવું કે એ દરમિયાન સતત ઘોલને હલાવતા રહેવાનું છે.
- હવે આ ઘોલને જમાવવા માટે એક પ્લેટ કે ટ્રે લઈને તેના ઉપર તેલ લગાવી લેવી અને પછી ઘોલને તેની અંદર ફેલાવીને જમાવી લેવો.
- લગભગ 5-10 મિનિટમાં તે જામી જશે.
- હવે તેને ચાકુની મદદથી કાપી લેવા અને તેના ગોળ ગોળ રોલ વાળી એક પ્લેટમાં મુકતા જવું.
- રોલ તૈયાર થઇ જાય ત્યારબાદ તેને વઘાર માટે તૈયાર કરી લેવા.
- તેના માટે તમારે કઢાઈમાં બે નાની ચમચી તેલ નાખવું. ત્યારબાદ તેમાં રાઈ નાખવી. રાઈ તતડી ગયા બાદ તેને ખાંડવીની ઉપર નાખી દેવું.
- છેલ્લે તેમાં લીલા ધાણા, બારીક કાપેલું નારિયેળ, અને લીલા મરચા અને ધાણા પણ નાખવા.
- તૈયાર છે તમારી ખાંડવી
આ રેસિપી તમને કેવી લાગી કોમેન્ટ કરીને જરૂર જણાવજો. જેથી આવી જ સરસ મઝાની ચટાકેદાર રેસિપી અમે તમારા માટે લાવતા રહીએ.
Author: GujjuRocks Team
આવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકલાડીલું પેજ GujjuRocks લાઈક કરી જોડાઓ.
