સ્વરા ભાસ્કરે કરાવ્યુ મેટરનિટી ફોટોશૂટ, બેબી બંપ કર્યો ફ્લોન્ટ, પણ ભગવા થીમ પર થઇ ગઇ ટ્રોલ…
Swara Bhaskar Troll For Maternity Shoot: બોલિવૂડ અભિનેત્રી સ્વરા ભાસ્કર ટૂંક સમયમાં જ માતા બનવા જઈ રહી છે. હાલમાં સ્વરા તેના પતિ ફહાદ સાથે પ્રેગ્નેંસી પીરિયડ એન્જોય કરી રહી છે. ત્યારે તાજેતરમાં જ અભિનેત્રીએ ગ્લેમરસ અને બોલ્ડ મેટરનિટી ફોટોશૂટ કરાવ્યું. સ્વરાએ તેના ઈન્સ્ટાગ્રામ પર આ શૂટની ઘણી તસવીરો પણ શેર કરી.
ભગવા થીમ પર સ્વરા ભાસ્કરે કરાવ્યુ ફોટોશૂટ
જો કે, સ્વરાને તેના મેટરનિટી શૂટની તસવીરો સોશિયલ મીડિયા પર શેર કરવી ભારે પડી અને આ શૂટને કારણે હવે તેને ઘણી ટ્રોલ કરવામાં આવી રહી છે. જણાવી દઈએ કે સ્વરા ભાસ્કરે આ વર્ષે ફહાદ સાથે લગ્ન કર્યા હતા અને થોડા જ મહિનામાં તેણે તેની પ્રેગ્નેંસીની જાહેરાત કરીને બધાને ચોંકાવી દીધા.
તસવીરો શેર કર્યા બાદથી થઇ રહી છે ટ્રોલ
હવે અભિનેત્રીએ તેના મેટરનિટી ફોટોશૂટની તસવીરો શેર કરી છે જે ખૂબ વાયરલ થઈ રહી છે. આ તસવીરોમાં સ્વરા ભગવો ડ્રેસ પહેરેલી જોવા મળી રહી છે અને બેકગ્રાઉન્ડ પણ ભગવા રંગનું જ છે. આ તસવીરો શેર કરવાની સાથે અભિનેત્રીએ કેપ્શનમાં લખ્યું કે, “જેંટલ રીમાઇન્ડર પ્રેગ્નેંસી કોઇ પણ અન્ય સમયની જેમ જ ગ્લેમર માટે પણ સારો સમય છે.
લોકોએ આપી આવી પ્રતિક્રિયા
ત્યારે હવે ભગવા થીમ પર ફોટોશૂટ કરાવવા બદલ સ્વરા ઘણી ટ્રોલ થઈ રહી છે. એક યુઝરે લખ્યું, “બેકગ્રાઉન્ડમાં પણ ભગવો, તમે કેટલું અપમાનિત કરશો.” જ્યારે એક યુઝરે લખ્યું, “આ સનાતની સંસ્કૃતિ નથી, તમને શરમ આવે છે.” અન્ય ઘણા યુઝર્સે પણ સ્વરાને ટ્રોલ કરી છે.
લગ્નના થોડા જ મહિનામાં પ્રેગ્નેંસી કરી હતી એનાઉન્સ
જો કે, કેટલાકે અભિનેત્રીને અભિનંદન આપ્યા તો કેટલાકે તેના લુકના વખાણ કર્યા. ઉલ્લેખનીય છે કે, સ્વરા અને તેના પતિ ફહાદે 6 જૂન 2023ના રોજ પ્રેગ્નેંસી એનાઉન્સ કરી હતી. ત્યારથી અભિનેત્રી તેના ચાહકો સાથે તેની જર્નીની કેટલીક ઝલક શેર કરી રહી છે.
View this post on Instagram
