ફિલ્મી દુનિયા

શાહરુખ ખાનની ઓનસ્ક્રિન માતા અને દિગ્ગજ અભિનેત્રીનું થયું નિધન, જાણો વધુ

બોલિવૂડ અને સાઉથ સિનેમાની દિગ્ગજ અભિનેત્રી કિશોરી બલાલનું નિધન થયું છે. અભિનેતા શાહરૂખ ખાનની ફિલ્મ સ્વદેસમાં કાવેરી અમ્માના પાત્ર માટે વધુ જાણીતી અભિનેત્રી કિશોરી બલાલ છેલ્લા લાંબા સમયથી બીમાર હતા. તેમને બેંગલુરુની એક હોસ્પિટલમાં અંતિમ શ્વાસ લીધા. તેમના મૃત્યુની જાણકારી બોલિવૂડના નિર્માતા-દિગ્દર્શક આશુતોષ ગોવારિકરે આપી છે.

Image Source

આશુતોષ ગોવારિકરે કિશોરી બલાલની ઘણી તસ્વીરો શેર કરીને ટ્વિટર પર શ્રદ્ધાંજલિ આપી છે. કિશોરી બલાલને શ્રદ્ધાંજલિ આપીને તેમણે ટ્વિટર પર લખ્યું, ‘ખૂબ જ દુઃખદ. કિશોરી બલાલજીના અવસાનના સમાચારથી મને ખૂબ દુઃખ થયું છે. કિશોરીજી, તમને તમારા ઉમદા અને પ્રેમાળ વ્યક્તિત્વ માટે યાદ કરવામાં આવશે. સ્વદેસમાં તમારી કાવેરી અમ્માવાળી પરફોર્મન્સ યાદ રહેશે. તમે ખૂબ જ યાદ આવશો.’ તમામ સોશિયલ મીડિયા યુઝર્સ અને કિશોરી બલાલના ચાહકો આ ટ્વીટ પર પોતાની પ્રતિક્રિયા આપી રહ્યા છે.

કિશોરી બલાલની વાત કરીએ તો તેમણે વર્ષ 1960માં ફિલ્મની સફર શરૂ કરી હતી. તેણે બોલિવૂડની ફિલ્મો સિવાય અનેક પ્રાદેશિક ફિલ્મોમાં પોતાના અભિનયથી લાખો દિલો જીત્યાં. કિશોરી બલાલે 2004માં શાહરૂખ ખાનની ફિલ્મ સ્વદેસમાં કામ કર્યું હતું. આ ફિલ્મમાં તેણે શાહરૂખ ખાનની અમ્માની ભૂમિકા ભજવી હતી, જે દર્શકોને ખૂબ પસંદ આવી હતી. આ સિવાય કિશોરી બલાલે આયા અને લફંગે પરિંદે પણ કામ કર્યું હતું.

Author: GujjuRocks Teamઆવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકલાડીલું પેજ GujjuRocks લાઈક કરી જોડાઓ.