ક્યારેય ખાધો છે સ્પાઇડરમેન ઢોસો ? આંટીના હાથનો ટેસ્ટ જોઈને તો તરત ખાવાનું મન થઇ જશે.. જુઓ વાયરલ થયેલો વીડિયો
ઇન્ટરનેટ પર ખાણી-પીણીને લઈને રોજ ઢગલાબંધ વીડિયો વાયરલ થતા હોય છે. જેમાં ઘણા વીડિયોની અંદર ખાણી-પીણીની એવી એવી વસ્તુઓ પણ જોવા મળે છે જેની આપણે કલ્પના પણ ના કરી હોય. ઘણા લોકો પરંપરાગત વાનગીઓ સાથે પણ એવા નુસખા કરતા હોય છે કે તેને જોઈને પણ ખાવાનું મન થઇ જાય.
આજકાલ બજારમાં એવા ઢોસાની ચર્ચા છે, જેને જોઈને લોકો મુંઝવણમાં મુકાઈ ગયા છે. જો કે, આ કોઈ સામાન્ય ઢોસા નથી. તેનું નામ ‘સ્પાઈડરમેન ઢોસા’ છે. ઘણા લોકો આ ઢોસાને એકવાર ચાખવા માંગતા હોય છે. જ્યારે કેટલાક એવા છે જેઓ કહે છે કે તેને ઢોસા ન કહેવાય, તેને લેટીસ સેન્ડવિચ કહેવી જોઈએ. આ બાબતે લોકોના અલગ અલગ મંતવ્યો જોવા મળી રહ્યા છે.
વાયરલ વિડિયોમાં આપણે જોઈ શકીએ છીએ કે એક મહિલા કરોળિયાના જાળાની જેમ બે તવા પર ઢોસાનું બેટર ફેલાવી રહી છે. તે પછી તે બંને ઢોસા પર તેલ રેડે છે અને બાદમાં માત્ર એક ઢોસા પર ઈંડુ, મસાલા અને પનીર ફેલાવે છે. જલદી મસાલાવાળા ઢોસા પકાવવા આવે છે, તે તેના પર સાદો ઢોસા મૂકે છે અને એક ખાસ પ્રકારનો ઢોસા બનાવે છે.
View this post on Instagram
અંતે તે ઢોસાને ચાર ભાગોમાં કાપે છે, તેના પર ટામેટાની ચટણીની મદદથી સુંદર સ્માઈલી બનાવે છે અને તેને સુંદર રીતે સર્વ કરે છે. આ વીડિયો ‘નમસ્તે ઈન્ડિયા’ નામના ઈન્સ્ટાગ્રામ પેજ દ્વારા પોસ્ટ કરવામાં આવ્યો હતો, જેના કેપ્શનમાં તેણે લખ્યું હતું – ‘સ્પાઈડરમેન ઢોસા’. આ ક્લિપને અત્યાર સુધીમાં 6 લાખથી વધુ લાઈક્સ અને 16 મિલિયનથી વધુ વ્યૂઝ મળ્યા છે.
