25 વર્ષનો એકનો એક પુત્ર અને બે બહેનના ભાઈનું એક્સીડંટ થતા પરિવાર આઘાતમાં- જાણો વિગત
ગુજરાત : પાટણ નગરપાલિકાના પૂર્વ કોર્પોરેટરના દીકરાનું ગઇકાલે સાંજે અકસ્માતમાં મોત થયું છે. મૃતકના પિતા દ્વારા આ મામલે પોલીસ ફરિયાદ પણ નોંધાવવામાં આવી છે. ઘટનાની વિગત અનુસાર ઊંઝા હાઇવે પર આવેલા હાસાપુર-ડુંગરીપુરા માર્ગ પર સાંજના અરસામાં કોર્પોરેટરના એકના એક દીકરાનું મોત થયુ હતુ.
ન.પાના પૂર્વ કોર્પોરેટર અને નેળીયા વિસ્તારમાં રહેતા જશીબેનનો 25 વર્ષિય દીકરો વિશ્વ પટેલ ગઇકાલે સાંજે ઊંઝા હાઇવે પર આવેલા હાસાપુર-ડુંગરીપુરા પરથી પસાર થઇ રહ્યો હતો અને ગાડીના સ્ટેયરિંગ પરથી કાબૂ ગુમાવતા સ્વીફ્ટ ડિઝાયર ગાડી ઝાડ સાથે અથડાઇ હતી અને વિશ્વ પટેલને ગંભીર ઇજાઓ પહોંચી હતી, જેને કારણે તેનું મોત થઇ ગયુ હતુ.
પરિવારમાં વિશ્વ એકનો એક દીકરો અને બે બહેનોનો એકનો એક ભાઇ હતો. તેના મોતથી પરિવાર પણ શોકમાં ગરકાવ થઇ ગયો છે. પિતા દ્વારા આ મામલે પોલિસ ફરિયાદ પણ નોંધવામાં આવી છે. વિશ્વ પાટીદાર એકતા સમિતીનો સભ્ય હતો અને તે સક્રિય પણ હતો તેમજ હોસ્પિટલમાં જે મોસંબી જ્યુસનું વિતરણ 15 દિવસ માટે શરૂ કરવામાં આવ્યુ હતુ તેમાં પણ તે સક્રિય હતો.
વિશ્વ પટેલ ગઇકાલે સાંજના સુમારે સ્વીફ્ટ ડિઝાયર ગાડી (નં G-J-24-K-3996)લઈને ઊંઝા હાઇવે પર આવેલા હાસાપુર-ડુંગરીપુરા માર્ગ પરથી પસાર થઈ રહ્યો હતો. ત્યારે કોઈ અગમ્ય કારણોસર ગાડીના સ્ટેરિંગ પરનો કાબુ ગુમાવતા ગાડી રોડ સાઈડ આવેલા ઝાડ સાથે ધડાકાભેર અથડાતા ગંભીર ઈજાઓના કારણે વિશ્વ પટેલ મોત નીપજ્યું હતું.
આ બનાવને પગલે હાઇવે પરથી પસાર થતાં વાહન ચાલકો તેમજ ખેતરોમાં કામ કરતા લોકો ઘટના સ્થળે દોડી આવ્યા હતા અને મૃતકના પરિવારજનોને અકસ્માતની જાણ કરતા તે પણ ધટના સ્થળે દોડી આવતાં કરૂણ દ્રશ્યો સર્જાયા હતા. આ અકસ્માતમાં બે બહેનોએ પોતાના વ્હાલસોયા ભાઈને ગુમાવ્યો હતો.
તો પિતાએ પોતાના એકના એક દીકરાને ગુમાવતા તેમને પણ આઘાત લાગ્યો હતો. મૃતક વિશ્વ પટેલ એક પાટીદાર એકતા સમિતિનો સક્રિય સભ્ય હતો. ડિપ્લોમા કરી પોતાના ઘરની આગળ કારીયાણાની દુકાન બેસતો હતો. કોરોનાના કપરા સમયમાં પણ તે સમાજ સેવાના કાર્યોમાં અગ્રેસર રહેતો હતો. તેના નિધનથી આસપાસમાં રહેતા લોકોમાં પણ ઊંડો શોક વ્યાપી ગયો હતો. સૌએ આંખમાં અશ્રુઓ સાથે વિશ્વ પટેલને શ્રદ્ધાંજલિ આપી હતી.
