ટીવી જગતમાંથી એક ખુશીના સમાચાર સામે આવી રહ્યા છે. ટીવીની સૌથી લોકપ્રિય સિરિયલ ‘કુંડલી ભાગ્ય’માં પ્રીતાનો રોલ કરનાર શ્રદ્ધા આર્યા માતા બની ગઈ છે. શ્રદ્ધાએ જોડિયા બાળકોને જન્મ આપ્યો છે, જેમાં એક પુત્ર અને એક પુત્રીનો સમાવેશ થાય છે. તેણે ઈન્સ્ટાગ્રામ પર એક પોસ્ટ શેર કરીને પોતાના બાળકોની પહેલી ઝલક પણ બતાવી છે.
શ્રદ્ધાએ એક વીડિયો શેર કર્યો છે, જેમાં તે તેના જોડિયા બાળકોને ખોળામાં લઈને બેબી બોય અને બેબી ગર્લ લખેલી જોવા મળી રહી છે. તેણે પોસ્ટ પર કેપ્શન લખ્યું – ખુશીના બે બંડલે અમારો પરિવાર સંપૂર્ણ બનાવ્યો. અમારું દિલ બમણી ખુશીઓથી ભરાઈ ગયું છે. નોંધનીય છે કે, શ્રદ્ધાએ 2021માં ઈન્ડિયન નેવી ઓફિસર રાહુલ નાગલ સાથે લગ્ન કર્યા હતા. શ્રદ્ધા તેના પતિ સાથે દિલ્હીમાં રહે છે.
કુંડલી ભાગ્યને કહ્યું અલવિદા
શ્રધ્ધા આર્યા અને રાહુલ નાગલે વર્ષ 2021 માં લગ્ન કર્યા હતા. બંનેએ આ વર્ષે સપ્ટેમ્બરમાં જાહેરાત કરી હતી કે તેઓ માતા-પિતા બનવાના છે. પ્રેગ્નન્સીને કારણે શ્રદ્ધા આર્યાને ‘કુંડલી ભાગ્ય’ને પણ અલવિદા કહેવું પડ્યું હતું. તેણે લગભગ સાત વર્ષ સુધી આ શોમાં કામ કર્યું.
શ્રદ્ધા આર્યા પર અભિનંદનનો વરસાદ
ટીવી સેલેબ્સની સાથે ચાહકો પણ શ્રદ્ધા આર્યાને ટ્વિન્સની માતા બનવા બદલ અભિનંદન આપી રહ્યા છે. સંજય ગગનાનીએ લખ્યું- ખૂબ ખૂબ અભિનંદન, તમને શુભેચ્છાઓ, ઘણો પ્રેમ. કૃષ્ણ મુખર્જીએ લખ્યું- ઓહ માય ગોડ! ઘણી બધી શુભેચ્છાઓ. પૂજા બેનર્જીએ લખ્યું- ઓહ માય ખૂબ જ સુંદર..નવા માતા-પિતાને અભિનંદન..બંને એન્જલ્સને ખૂબ પ્રેમ અને આશીર્વાદ. ધીરજ ધૂપરે લખ્યું- ઘણી બધી શુભકામનાઓ. સુપ્રિયા શુક્લાએ લખ્યું- વાહ વાહ…શ્રદ્ધા ડબલ ડબલ ખુશી, હું તમારા માટે ખૂબ જ ખુશ છું. શ્રીતિ ઝા, પૂનમ પ્રીત, મુગ્ધા ચાપેકર, અંજુમ ફકીહે પણ શ્રદ્ધાને અભિનંદન પાઠવ્યા હતા. તેવી જ રીતે ચાહકોએ પણ શ્રદ્ધાને અભિનંદન પાઠવ્યા હતા. શ્રદ્ધાએ 29 નવેમ્બરે જોડિયા બાળકોને જન્મ આપ્યો હતો.
View this post on Instagram
