શનિ અને સૂર્ય બંને મોટા ગ્રહોમાંથી એક છે, તેમના આશીર્વાદ મેળવવા માટે દરેક વ્યક્તિ વિવિધ ઉપાયો અપનાવવાનું પસંદ કરે છે. જ્યારે ગ્રહોની બદલાતી સ્થિતિ વ્યક્તિને શુભ ફળ આપી શકે છે. વૈદિક જ્યોતિષ અનુસાર, સૂર્ય અને શનિ એકબીજાથી 60 ડિગ્રી પર સ્થિત છે. 5 જાન્યુઆરી, 2025 ના રોજ બંને ગ્રહનો લાભદ્રષ્ટિ યોગ સર્જાશે. આ દિવસથી 3 રાશિના લોકોના જીવનમાં અપાર ધનનો વરસાદ થઈ શકે છે. કારણ કે આ દિવસે સૂર્ય અને શનિની વિશેષ યુતી સર્જાશે. ચાલો જાણીએ આ ભાગ્યશાળી રાશિઓ કઈ છે.
લાભદ્રષ્ટિ યોગ
5 જાન્યુઆરીએ સવારે 4.03 કલાકે સૂર્ય અને શનિ એકબીજાથી 60 ડિગ્રી પર હશે. બંને ગ્રહ એકબીજાથી ત્રીજા અને 11 માં ભાવમાં સ્થિત હશે જેના કારણે આ યોગનું નિર્માણ થશે. આ યોગ ત્રણ રાશિના જાતકોને ઉત્તમ ફળ આપશે.
મેષ રાશિ
મેષ રાશિ માટે સૂર્ય અને શનિની લાભદ્રષ્ટિ ફળદાયી રહેશે. સફળતાને નવા દરવાજા ખુલશે અને ધનવૃદ્ધિ સાથે સમાજમાં માન સન્માન વધશે. જીવનમાં ખુશીઓનું આગમન થશે અને વેપાર વધશે. લવ લાઈફ સારી રહેશે. જીવનસાથી સાથે સંબંધ મજબૂત થશે. સમાજમાં માન-સન્માન વધશે.
સિંહ રાશિ
સિંહ રાશિ માટે પણ લાભદ્રષ્ટિ યોગ ઉત્તમ સાબિત થશે. અપાર ધંધા થઈ શકે છે. વેપારીઓ માટે સારો સમય. કામકાજમાં વૃદ્ધિ થશે. ધન સંપત્તિના બાબતે વૃદ્ધિ થઈ શકે છે. ઘર ખરીદવાની યોજના બની શકે છે. વિદેશ યાત્રા પર જઈ શકો છો. જીવનમાં ખુશીઓ આવશે. સ્વાસ્થ્ય સારું રહેશે અને મન પણ પ્રસન્ન રહેશે.
મકર રાશિ
મકર રાશિ માટે પણ લાભદ્રષ્ટિ યોગ શુભ છે. કારકિર્દીથી લઈને વેપાર ક્ષેત્રે સફળતા પ્રાપ્ત થશે. નોકરી કરતા લોકોના પ્રમોશનની વાત આગળ વધી શકે છે. આત્મવિશ્વાસ પહેલા કરતા વધશે. ઘરમાં ખુશીઓનું વાતાવરણ રહેશે. લાંબા સમયથી અટકેલા કામ પૂરા થવા લાગશે. વાણીથી અન્યને આકર્ષિત કરશો.
(નોંધ: ઉપરોક્ત માહિતી સામાન્ય માન્યતાઓ અને જાણકારીઓ પર આધારિત છે, ગુજ્જુરોક્સ આની પુષ્ટિ કરતું નથી.)
