આ છે બધા સાંઢિયાનો બાપ… જેનું વીર્ય વેચાય છે અધધધ લાખ રૂપિયામાં, જાણો શેમાં કરશે વીર્યનો ઉપયોગ
દુનિયાભરમાં ઘણીવાર એવી એવી ઘટનાઓ સામે આવતી હોય છે કે તેને જોઈને કોઈને પણ હેરાન થઇ જાય. ઘણીવાર કેટલાક પ્રાણીઓ પણ ચર્ચામાં આવે છે અને ઘણા પ્રાણીઓ તેમની કિંમતને લઈને આખી દુનિયામાં ચર્ચાનું કેન્દ્ર પણ બનતા હોય છે, પરંતુ હાલ એક સાંઢ તેની કિંમતને લઈને નહિ પરંતુ તેના વીર્યને લઈને ચર્ચામાં આવ્યો છે.
હરાજીમાં એક સાંઢનું વીર્ય લાખોની કિંમતમાં વેચાયું છે. તેના ખરીદદારોએ કહ્યું કે તેઓ સાંઢના વીર્ય માટે વધુ કિંમત ચૂકવવા માટે પણ તૈયાર છે. આખલાના વીર્યની લગભગ 20 લાખ રૂપિયામાં હરાજી કરવામાં આવી હતી. ઓસ્ટ્રેલિયા સ્થિત પશુપાલકો માર્ક અને પામ પ્રિચાર્ડ તેમના પશુઓ માટે નાવિકની શોધમાં હતા. જે બાદ તેણે Big Country Brahman Saleમાં આ સાંઢનું વીર્ય ખરીદ્યું. તેણે સીમેનના 10 સ્ટ્રો ખરીદ્યા.
આ સાંઢ વર્ષ 2017માં ત્યારે ચર્ચામાં આવ્યો હતો જ્યારે તેને 2 કરોડ 68 લાખ રૂપિયાની ઐતિહાસિક કિંમતે વેચવામાં આવ્યો હતો. આ સાંઢને રોજર અને લોરેના જેફરીઝે ખરીદ્યો હતો, જેઓ બ્રીડર કંપની Elrose Brahman Stud ચલાવે છે. ત્યારે આ સાંઢની કિંમતે જૂનો રાષ્ટ્રીય રેકોર્ડ તોડ્યો હતો. ઓસ્ટ્રેલિયામાં આ સાંઢ તેની કિંમતને કારણે ખૂબ જ લોકપ્રિય છે.
Semen from Australia’s most expensive bull sells for $24,000 https://t.co/RDQfhAvAOS
— Daily Mail Online (@MailOnline) February 7, 2023
એબીસી ન્યૂઝ સાથે વાત કરતા ખરીદનાર પામ પ્રિચાર્ડે કહ્યું કે તે ઘણા દિવસોથી આ સાંઢને જોઈ રહ્યો હતો. હવે તેનું વીર્ય મેળવ્યા પછી આપણા પ્રાણીઓની જીનેટીક્સ સારી થઈ જશે. અમે સૌથી વધુ ખુશ છીએ કે અમે સીમેન ખરીદ્યા છે. આ અનોખી હરાજી ક્વીન્સલેન્ડના ગ્રામીણ વિસ્તારમાં થઈ હતી. જ્યાં વીર્ય અને ભ્રૂણ ખરીદવા માટે પશુપાલકો વચ્ચે હરીફાઈ થઈ હતી.