લાખો રૂપિયાના સિક્કા ભેગા કરીને આ યુવાન પહોંચ્યો શો રૂમમાં, મેનેજર અને સ્ટાફ જોઈને હક્કાબક્કા રહી ગયા, ખરીદી ડ્રિમ બાઈક, જુઓ વીડિયો
આજકાલ મોટાભાગના યુવાનોનું સપનું એક સ્પોર્ટ્સ બાઈક ખરીદવાનું હોય છે, પરંતુ સ્પોર્ટ્સ બાઈકની કિંમત પણ ખુબ જ વધારે હોય છે અને તેના કારણે તે પોતાના આ સપનાને પુરા નથી કરી શકતા, પરંતુ હાલ એક એવા વ્યક્તિનો વીડિયો વાયરલ થઇ રહ્યો છે જેને પોતાના સપનાને પૂર્ણ કરવા માટે એક એક રૂપિયો ભેગો કર્યો અને પોતાની ડ્રિમ બાઈક ખરીદી.
ટીપે ટીપે સરોવર ભરાય એ કહેવત તો તમે સાંભળી જ હશે, પરંતુ આજે તમે તેને સાકાર થતા જોઈ શકો છો. આવો જ એક કિસ્સો તામિલનાડુના સાલેમમાં પ્રકાશમાં આવ્યો છે જ્યાંના રહેવાસી વી બૂબાથીએ પાઈ-પાઈ ભેગી કરીને તેમની મનપસંદ બાઇક બજાજ ડોમિનાર 400 ખરીદી છે. બુબાથીએ 3 વર્ષથી દરરોજ 1 રૂપિયાના સિક્કા ભેગા કર્યા અને આ બાઇક ખરીદી, મજાની વાત ત્યારે શરૂ થઈ જ્યારે ડીલરશિપે તેના સિક્કા ગણવાનું શરૂ કર્યું.
1 રૂપિયાના એટલા બધા સિક્કા હતા કે ડીલરશિપને તેની ગણતરી કરવામાં 10 કલાકનો સમય લાગ્યો હતો. આ માહિતી ઈન્ડિયા એજન્સીના મેનેજર મહાવિક્રાંતે આપી છે. બુબાથી બીસીએનો સ્નાતક છે અને 4 વર્ષ પહેલા તેની યુટ્યુબ ચેનલ શરૂ કરતા પહેલા તે એક ખાનગી કંપનીમાં કોમ્પ્યુટર ઓપરેટર તરીકે કામ કરતો હતો.
ત્રણ વર્ષ પહેલા તેણે બજાજ ડોમિનાર 400 ખરીદવાનું સપનું જોયું હતું, પરંતુ તે સમયે બાઇકની કિંમત 2 લાખ રૂપિયા હતી અને તેની પાસે એટલા પૈસા નહોતા. તેણે તેની યુટ્યુબ ચેનલ દ્વારા મળેલી રકમમાંથી એક-એક રૂપિયાના સિક્કા એકઠા કરવાનું શરૂ કર્યું જેથી તે પોતાનું સપનું પૂરું કરી શકે. બુબાથીએ કહ્યું, “મેં લગભગ ત્રણ વર્ષથી મંદિરો, હોટેલો, ચાના સ્ટોલ પરથી નોટોના બદલામાં સિક્કા લીધા હતા.”
તેણે બાઈક ખરીદતા પહેલા જ તેને ખબર પડી કે બજાજ ડોમિનાર 400ની ઓન-રોડ કિંમત રૂ.2.6 લાખ સુધી જઈ રહી છે. પછી તેણે જમા કરાવેલા સિક્કાઓ ગણવાનું શરૂ કર્યું અને સદભાગ્યે આ રકમ તેના સ્વપ્નને પૂર્ણ કરવા માટે પૂરતી નીકળી. આ રકમ લઈને તે ભારત એજન્સીના મેનેજર મહાવિક્રાંત પાસે પહોંચ્યો હતો અને સિક્કામાં બાઇકની કિંમત ચૂકવવાનું કહ્યું હતું.
શરૂઆતમાં મેનેજરે ઇનકાર કર્યો અને કહ્યું કે બેંક 2 હજાર રૂપિયાની નોટ પર 1 લાખ રૂપિયાની ગણતરી કરવા માટે 140 રૂપિયા કમિશન લે છે, પરંતુ બાદમાં તેણે બુબાથીનું સપનું પૂરું થતું જોઈને મંજૂરી આપી. બુબાથીનો એક વીડિયો સોશિયલ મીડિયામાં જોરદાર વાયરલ થઈ રહ્યો છે. લોકો તેમની ભાવનાને સલામ કરી રહ્યા છે, કારણ કે તેણે જે રીતે એકાગ્રતા અને સપનું સાકાર કરવા માટે મહેનત દાખવી તે પોતાનામાં બેજોડ છે.
