છેલ્લા કેટલાક મહિનાઓથી ફિલ્મ અને ટીવી ઇન્ડસ્ટ્રીમાંથી ઘણી ખુશખબરીઓ સામે આવી રહી છે. છેલ્લા મહિનામાં જ એટલે કે ગત એપ્રિલ મહિનામાં મશહૂર કોમેડિયન ભારતી સિંહે દીકરાને જન્મ આપ્યો છે, ત્યાં ટીવીના રામ અને સીતા એટલે કે દેબિના બેનર્જી અને ગુરમીત ચૌધરી બંને એક સુંદર દીકરીના પેરેન્ટ્સ બન્યા છે. ત્યારે હવે વધુ એક ફિલ્મ અભિનેત્રીના પ્રેગ્નેટ હોવાના સમાચાર સામે આવ્યા છે. કન્નડ ફિલ્મ અભિનેત્રી સંજના ગલરાની આ દિવસોમાં તેની પ્રેગ્નન્સીનો આનંદ માણી રહી છે.
અભિનેત્રી ખૂબ જ ટૂંક સમયમાં માતા બનવા જઈ રહી છે અને તેણે તેના બેબી બમ્પને ફ્લોન્ટ કરતી વખતે ચાહકો સાથે તેનું લેટેસ્ટ ફોટોશૂટ શેર કર્યું છે. સંજના ગલરાનીની આ તસવીરો પર બધાની નજરો થંભી ગઈ છે.ડિલિવરીના થોડા દિવસો પહેલા જ ફિલ્મ સ્ટાર સંજના ગલરાનીએ મેટરનિટી ફોટોશૂટ કરાવ્યું છે. જેમાં ફિલ્મ અભિનેત્રી તેના બેબી બમ્પને ફ્લોન્ટ કરતી જોવા મળે છે. એક્ટ્રેસના મેટરનિટી ફોટોશૂટની જે તસવીરો સામે આવી છે તે આ સમયે સોશિયલ મીડિયા પર ખૂબ વાયરલ થઈ રહી છે.
અભિનેત્રી સંજના ગલરાનીએ તાજેતરમાં સોશિયલ મીડિયા પર તેની લેટેસ્ટ તસવીરો શેર કરી છે. આ તસવીરોમાં અભિનેત્રીએ તેના મેટરનિટી ફોટોશૂટની ઝલક દેખાડી છે. ડ્રેસનો કટ ખોલતી વખતે અભિનેત્રીએ જે રીતે પોતાની બોલ્ડ સ્ટાઈલ બતાવી છે તે બધાને પસંદ આવી રહી છે. આ ફોટોશૂટમાં અભિનેત્રીએ તેના બેબી બમ્પને ફ્લોન્ટ કર્યો છે. જેમાં અભિનેત્રીએ ખૂબ જ સુંદર ફ્રન્ટ ઓપન મરૂન કલરનો ડ્રેસ પહેર્યો છે. આ તસવીરોમાં અભિનેત્રી ખૂબ જ સુંદર લાગી રહી છે.
ઉલ્લેખનીય છે કે, સંજના ગલરાનીનું નામ ચંદન ડ્રગ કૌભાંડમાં આવ્યું હતું. સંજના ગલરાની રિયાલિટી શો ‘બિગ બોસ કન્નડ’માં જોવા મળી હતી. આ પછી તે હિન્દી રિયાલિટી શો ‘મુઝસે શાદી કરોગે’માં જોવા મળી હતી. પારસ છાબરા સાથે લગ્ન કરવા માટે સંજનાએ શોમાં પ્રવેશ કર્યો હતો. જે બાદ તે તેના વાસ્તવિક લગ્નને લઈને ચર્ચામાં આવી. સંજના ગલરાનીએ ડૉ. અઝીઝ પાશા સાથે સાત ફેરા લીધા છે. જે બેંગ્લોરમાં કાર્ડિયો સર્જન છે.
તમને જણાવી દઈએ કે થોડા વર્ષો પહેલા સંજનાએ પોતાનું નામ બદલીને માહિરા રાખ્યું હતું. દસ્તાવેજમાં સંજનાનું નામ અર્ચના મનોહર ગલરાની લખવામાં આવ્યું છે. મીડિયા રિપોર્ટ્સ અનુસાર, ધર્મ પરિવર્તન પહેલા આ તેનું અસલી નામ હતું. સંજનાએ વર્ષ 2006માં ફિલ્મ ગાંડા હેન્ડાથીથી કન્નડ કરિયરની શરૂઆત કરી હતી. આ પછી સંજનાએ ઘણી કન્નડ ફિલ્મોમાં કામ કર્યું. અભિનેત્રીએ તેલુગુ અને મલયાલમ ફિલ્મોમાં પણ કામ કર્યું છે.
