ભારતીય કોમેડિયન સમય રૈના આજકાલ પોતાના શો “ઇન્ડિયાઝ ગોટ લેટેન્ટ”ને લઈ ચર્ચામાં છે. સમય રૈના તેના યુટ્યુબ ચેનલ પર હાસ્ય વિડીયો પોસ્ટ કરે છે, જે લોકોમાં લોકપ્રિય બની જાય છે. તેમના વિડિયો હંમેશા વાયરલ થઈ જાય છે, અને તેમનો સંદેશ એ છે કે લોકો હસી શકે અને મજા કરી શકે. ત્યારે, રણવીર અલ્હાબાદિયાની એક વાંધાજનક ટિપ્પણીની સોશિયલ મીડિયા પર આકરી ટીકા થઈ રહી છે. સમય રૈનાએ પહેલીવાર આ અંગે પોતાની પ્રતિક્રિયા આપી છે.
એક વીડિયોનો વિવાદ પ્રકાશમાં આવ્યો, જેમાં અનેક લોકોની લાગણીઓને ઠેસ લાગી. આ વિવાદમાં સમય રૈના સાથે રણવીર અલ્હાબાદિયા પણ સામેલ થયા છે.’ઇન્ડિયાઝ ગોટ લેટેન્ટ’ શો દરમિયાન રણવીરે માતાપિતા સાથે સંકળાયેલી એક અશ્લીલ પ્રશ્ન પૂછ્યો હતો, જે ઘણા લોકોને મનોવૈજ્ઞાનિક રીતે ઠેસ પહોંચાડી ગયો. આ પ્રશ્ન પછી, સોશિયલ મીડિયા પર આ વિડીયો પોસ્ટ કર્યો અને થોડી જ ક્ષણમાં આ વિડીયો વાઈરલ થયો. લોકોની લાગણીઓ પર અસર થઇ અને આ વિડીયોને લઈને ઘણી નિંદાઓ, વિમર્શો થયા. આ વિવાદ એટલો વધી ગયો કે શો આયોજક, રણવીર અને સમય રૈના સામે ફરિયાદ દાખલ કરવામાં આવી.
સમય રૈનાનું નિવેદન
આ સમગ્ર મામલાની ગંભીરતા અને વિવાદની વકરતી સ્થિતિને ધ્યાનમાં રાખીને, સમય રૈનાએ પોતાના ચેનલ પરથી તમામ ‘ઇન્ડિયાઝ ગોટ લેટેન્ટ’ના વિડીયો હટાવવાનો નિર્ણય લીધો. તેમણે એક પોસ્ટ શેર કરી, જેમાં તેમણે સ્પષ્ટપણે જણાવ્યું કે “જે કંઈ થઈ રહ્યું છે તે મારા માટે ખૂબ જ મુશ્કેલ છે. મેં મારા ચેનલ પરથી તમામ વિડીયો હટાવી દીધા છે. મારું એકમાત્ર ઉદ્દેશ્ય લોકોને હસાવવાનો અને મજા કરવાનું હતું. હું પુરી રીતે એજન્સી સાથે સહકાર આપીશ જેથી તપાસ નિષ્પક્ષ રીતે થાય.” આ નિવેદનનો અર્થ એ છે કે, સમય રૈના પોતાની ભૂલ માને છે અને તેઓ તપાસમાં સંપૂર્ણ સહકાર આપી રહ્યા છે. તે વ્યક્તિગત રીતે નથી ઇચ્છતા કે તેમની શો દ્વારા કોઈપણ પ્રકારે અન્ય લોકોની લાગણીઓને ઠેસ પહોંચે.
Everything that is happening has been too much for me to handle. I have removed all Indias Got Latent videos from my channel. My only objective was to make people laugh and have a good time. I will fully cooperate with all agencies to ensure their inquiries are concluded fairly.…
— Samay Raina (@ReheSamay) February 12, 2025
