મુંબઈ એરપોર્ટ પર ખુશખુશાલ દેખાઈ પુષ્પાની આઈટમ ગર્લ સામંથા, ફોટા પાડવા એરપોર્ટ પર થઈ પડાપડી
સાઉથ ફિલ્મ ઈન્ડસ્ટ્રીની સુપર ટેલેન્ટેડ, ખૂબસુરત અને સુપર એક્ટ્રેસ સામંથા રૂથ પ્રભુને આજે કોઇ ઓળખની જરૂર નથી, તેને દુનિયાભરમાં પસંદ કરવામાં આવે છે. ખાસ કરીને અલ્લુ અર્જુનની ફિલ્મ ‘પુષ્પા ધ રાઇઝ’માં તેનું આઈટમ સોંગ જોયા બાદ દરેક લોકો તેના દિવાના થઈ ગયા છે. ત્યાં ધ ફેમિલી મેન 2 દ્વારા ઉત્તર ભારતના લોકોના હૃદયમાં એક અલગ જગ્યા બનાવનાર સામંથાને હાલમાં જ થોડા સમય પહેલા રાત્રે મુંબઈ એરપોર્ટ પર સ્પોટ કરવામાં આવી હતી. આ દરમિયાન પેપરાજીએ તેને કેમેરામાં કેદ કરી લીધી હતી અને તેના ડાઉન ટુ અર્થ નેચરને જોઈને ચાહકોના દિલ પણ ખુશ થવા લાગ્યા.
પ્રસિદ્ધ સેલિબ્રિટી ફોટોગ્રાફર વિરલ ભયાણીએ તેના ઈન્સ્ટાગ્રામ પર એક વીડિયો શેર કર્યો છે, જેમાં સામંથા મુંબઈ એરપોર્ટ પર જોવા મળે છે. આ દરમિયાન તેણે બ્લુ ડેનિમ જીન્સ અને ઓરેન્જ કલરની લાંબી સ્લીવ ટી-શર્ટ પહેરી હતી. અભિનેત્રીએ કોરોના સેફ્ટી પ્રોટોકોલ હેઠળ માસ્ક પણ પહેર્યું હતું. પરંતુ જ્યારે તેના ફેન્સ એક્ટ્રેસ પાસે ગયા અને ફોટો લેવા લાગ્યા તો તેણે માસ્ક હટાવીને બધા સાથે તસવીરો પણ ક્લિક કરાવી હતી. સામંથાનો આ વિડિયો ઈન્ટરનેટ પર ખૂબ જ હિટ થઈ ગયો છે અને ચાહકો તેના પર કોમેન્ટ કરીને પ્રેમ આપતા પણ જોવા મળી રહ્યા છે.
એક યુઝરે કહ્યું, ‘પુષ્પા ફિલ્મ પછી તે ભારતના લોકોની લેટેસ્ટ ક્રશ બની ગઇ છે.’ બીજાએ લખ્યું, ‘મૅમ તમે હંમેશા સુંદર દેખાશો.’ સામંથા રૂથ પ્રભુની સોશિયલ મીડિયા પર જબરદસ્ત ફેન ફોલોઈંગ છે. જ્યાં તે પોતાની હોટ તસવીરો અને વીડિયો શેર કરીને ઈન્ટરનેટનું તાપમાન વધારતી જોવા મળે છે. વર્કફ્રન્ટની વાત કરીએ તો, સામંથા રૂથ પ્રભુ હાલમાં હરિ શંકર અને હરીશ નારાયણની યશોદા માટે શૂટિંગ કરી રહી છે, જેમાં વરલક્ષ્મી સરથકુમાર અને ઉન્ની મુકુંદન સહ-અભિનેતા છે.
ત્યાં, સમંથાએ દિગ્દર્શક ગુણશેખરની ફિલ્મ ‘શકુંતલમ’નું શૂટિંગ પૂર્ણ કર્યું છે, જેમાં દેવ મોહન અને અલ્લુ અર્હા (અલ્લુ અર્જુનની પુત્રી) તેના સહ કલાકાર હશે. તમને જણાવી દઈએ કે અભિનેત્રીએ ગયા વર્ષે અભિનેતા નાગા ચૈતન્ય સાથે છૂટાછેડા લીધા હતા, સામંથા ટૂંક સમયમાં બહુપ્રતિક્ષિત ફિલ્મ કાથુ વકુલા રેંદુ કાધલમાં જોવા મળશે. વિજય સેતુપતિ અને નયનથારા સહ-અભિનેતા રોમેન્ટિક કોમેડી ડ્રામા 28 એપ્રિલ, 2022ના રોજ સિલ્વર સ્ક્રીન પર આવશે.
View this post on Instagram
વર્ષ 2021 સામંથા માટે બ્લોકબસ્ટર સાબિત થયું છે કારણ કે તેને વર્ષની સૌથી મોટી વેબ સિરીઝ – ધ ફેમિલી મેન 2 માં પાત્ર ભજવવાની તક મળી છે. અભિનેત્રીએ ફિલ્મ ‘પુષ્પા’ના આઈટમ સોંગમાં તેના ડાન્સ મૂવ્સથી સિલ્વર સ્ક્રીનને દંગ કરી દીધી હતી.
