જયપુરમાં NCPના દિગ્ગજ નેતા અને પૂર્વ મંત્રી પ્રફુલ પટેલના પુત્ર પ્રજય પટેલના ડેસ્ટિનેશન વેડિંગમાં બોલિવૂડથી લઈને ક્રિકેટ સુધીની તમામ મોટી હસ્તીઓએ હાજરી આપી હતી. આ લગ્નના તમામ અંદરના વીડિયો સોશિયલ મીડિયા પર સામે આવ્યા છે, જે ઝડપથી વાયરલ થઈ રહ્યા છે. આ લગ્નમાં સુપરસ્ટાર સલમાન ખાન, અનિલ કપૂર અને શિલ્પા શેટ્ટી પણ ખૂબ જ શાનદાર અંદાજમાં ભાગ લેવા પહોંચ્યા હતા અને ત્રણેય સ્ટાર્સે જોરદાર ધૂમ મચાવી હતી. પ્રફુલ પટેલના પુત્ર પ્રજય પટેલના લગ્નમાં સલમાન ખાન, અનિલ કપૂર અને શિલ્પા શેટ્ટીનો ડાન્સ કરતા બેસ્ટ વીડિયો સોશિયલ મીડિયા પર વાયરલ થયા છે.
વીડિયોમાં તમે જોઈ શકો છો કે આ સ્ટાર્સ ‘જુમ્મે કી રાત’ અને ‘ગલ્લા ગુડિયા’ જેવા પાર્ટી ગીતો પર રંગ જમાવતા જોવા મળ્યા. વીડિયોમાં દબંગ સ્ટાર સલમાન ખાન સૂટમાં, શિલ્પા શેટ્ટી લાલ આઉટફિટમાં અને અનિલ કપૂર બ્લેક આઉટફિટમાં જોવા મળી રહ્યા છે. સલમાન ગીતના હૂક ડાન્સ સ્ટેપ્સ કરતો જોવા મળી રહ્યો છે. તમને જણાવી દઈએ કે એનસીપી નેતા, રાજ્યસભા સાંસદ અને પૂર્વ કેન્દ્રીય મંત્રી પ્રફુલ પટેલના પુત્ર પ્રજય પટેલના લગ્ન જયપુરની રામબાગ પેલેસ હોટલમાં થઈ રહ્યા છે.
ઉદ્યોગપતિ અનિલ અંબાણી અને ગૌતમ અદાણી સહિત ઘણા ઉદ્યોગપતિઓ, ફિલ્મ સ્ટાર્સ અને ખેલૈયાઓ પ્રજય પટેલના લગ્ન પહેલાના સમારોહમાં હાજરી આપી રહ્યા છે. લગ્નમાં વિવિધ પક્ષોના દિગ્ગજ નેતાઓ પણ હાજરી આપશે. બોલિવૂડ સ્ટાર્સની વાત કરીએ તો લગ્નના ફંક્શનમાં હાજરી આપવા માટે સલમાન ખાન, શિલ્પા શેટ્ટી અને અનિલ કપૂર સહિત ઘણા લોકો જયપુર પહોંચી ગયા. આ સિવાય ક્રિકેટર મહેન્દ્ર સિંહ ધોની અને તેની પત્ની સાક્ષી ધોની સહિત ઘણા ખેલાડીઓ પણ ત્યાં હાજર છે.
પૂર્વ નાગરિક ઉડ્ડયન મંત્રી પ્રફુલ પટેલના પુત્રના લગ્ન સમારોહમાં બોલિવૂડ સ્ટાર્સે ધૂમ મચાવી હતી. આ દિવસોમાં સલમાન ખાન એક થા ટાઈગર ફ્રેન્ચાઈઝીની ફિલ્મને પૂર્ણ કરવાનો પ્રયાસ કરી રહ્યો છે. ત્યાં, અનિલ કપૂરે હાલમાં જ ફિલ્મ જુગ જુગ જિયોનું શૂટિંગ પૂર્ણ કર્યું છે. બીજી તરફ શિલ્પા શેટ્ટીની વાત કરીએ તો તે રિયાલિટી શો ઈન્ડિયાઝ ગોટ ટેલેન્ટમાં વ્યસ્ત છે.
આ બધી બાબતો વચ્ચે સલમાન ખાન સાથે જોવા મળેલી એક વિદેશી ઘણી ચર્ચામાં રહી હતી. આ યુવતી બીજુ કોઇ નહિ પરંતુ હોલિવૂડ ગેરી લૉકવુડની દીકરી સામંથા લૉકવુડ છે. તે બોલિવૂડમાં ડેબ્યુ કરવાની તૈયારી કરી રહી છે. માનવામાં આવે છે કે સલમાન ખાન સામંથાને બોલિવૂડમાં બ્રેક આપવાનો છે. હવે જોવાનું એ છે કે સલમાન કઈ ફિલ્મથી સામંથાને લૉન્ચ કરે છે. બોલિવૂડમાં એવી પણ ચર્ચા થઈ રહી છે કે સામંથા એ સલમાનની નવી વિદેશી ગર્લફ્રેન્ડ છે.
સામંથાની વાત કરીએ તો, તેણે હોલિવૂડની 30થી વધુ ફિલ્મમાં કામ કર્યું છે. તે હાલમાં હિંદી શીખી રહી છે અને ઇન્ડિયન ટ્રેડિશન તથા ગ્રુમિંગની પણ ટ્રેનિંગ લઈ રહી છે. ઉલ્લેખનીય છે કે સલમાન ખાનનું નામ અત્યાર સુધી ઘણી અભિનેત્રીઓ સાથે જોડાઇ ચૂક્યુ છે, જેમાં સંગીતા બિજલાણી, સોમી અલી, ઐશ્વર્યા રાય, કેટરીના કૈફ અને લુલિયા વન્તુર સામેલ છે. હવે મીડિયા રીપોર્ટ અનુસાર એવી ચર્ચા થઇ રહી છે કે આ નામમાં વધુ એક નામ ઉમેરાઇ ગયુ છે અને તે છે અભિનેત્રી સામંથા લોકવુડ.
View this post on Instagram
