ગુજરાત સહિત સમગ્ર દેશમાંથી અવાર નવાર લૂંટેરી દુલ્હનના કિસ્સાઓ સામે આવતા રહે છે. ઘણીવાર કેટલાક દલાલો દ્વારા લગ્ન ઇચ્છુક યુવકોને ફસાવવામાં આવે છે અને તેમના લગ્ન
થોડા ઘણા પૈસા લઇને કરાવવામાં આવતા હોય છે.
જે બાદ દુલ્હન સાસરે જઇ મોકો મળતા જ ઘરેણા અને રોકડ લઇ ફરાર થઇ જતી હોય છે. મધ્યપ્રદેશના સાગરમાંથી લૂંટેરી દુલ્હનનો કિસ્સો સામે આવ્યો છે, જેમાં એક યુવકનો પરિવાર લૂંટેરી દુલ્હનના કાવતરાનો શિકાર બન્યો છે. આ વખતે મામલો અલગ છે. જેમાં યુવતી દુલ્હન બનીને સાસરે આવે તે પહેલા જ તેણે સાસરે રાત્રી રોકાણ કર્યું હતું અને પોતાના હાથે ભોજન બનાવીને સાસરિયાઓને ખવડાવ્યું હતું.
તેમાં નશીલો પદાર્થ ભેળવવામાં આવયો હતો. ઘરના તમામ સભ્યો ખાવાનું ખાઇ બેહોશ થઈ ગયા અને રાત્રીના અંધારામાં ઘરની વહુ બનતા પહેલા જ લૂંટેરી દુલ્હન રોકડ, સોના-ચાંદીના દાગીનાની લૂંટ ચલાવી ફરાર થઇ ગઇ. જ્યારે પરિવાર ભાનમાં આવ્યો ત્યારે તમામને હોસ્પિટલમાં દાખલ કરવામાં આવ્યા હતા.
સાગર જિલ્લાના બીનાના ખીમલાશા પોલીસ સ્ટેશન વિસ્તારમાં રહેતી રમ્મા સેન તેના પુત્ર દુર્ગેશના લગ્ન કરાવવા માટે છોકરીની શોધમાં હતી. આ દરમિયાન તેમના એક પરિચિતે મધ્યસ્થી કરીને કહ્યું કે ઓરિસ્સાથી એક પરિવાર બીના આવ્યો છે, તેમને તેમની છોકરીના લગ્ન કરાવવા છે. જો ગમે તો મળીએ.
રમ્મા સેન પુત્રના લગ્નને લઈને ગંભીર હતા, તેથી છોકરીના માતા-પિતાને મળવા ગયા. રમ્મા અને તેની પત્ની માલતી સેન બીના પહોંચ્યા અને છોકરી અને તેની સાથે આવેલા કથિત સંબંધીઓ સાથે વાત કરી અને જો છોકરી તેને ગમતી હોય, તો આગળના આયોજન અને લગ્નની તૈયારીઓ વિશે વાત કરવા માટે તેમને તેમના ગામ ઘરે લઈ આવ્યા.
સાંજ સુધીમાં યુવતીએ તેની ભાવિ સાસુ અને પરિવારના અન્ય સભ્યો સાથે વાત કરવાનું શરૂ કર્યું. ઓરિસ્સાથી બીના આવેલા પરિવારમાં કાજલ નામની છોકરીને વહુ બનાવવાની ઈચ્છા સાથે ઘરે લાવેલી રમ્મા સેન ઘરે પહોંચ્યા પછી વાતચીતમાં સૌને પ્રભાવિત કરી.
સાંજે તેણે કહ્યું કે હું પરિવારના તમામ સભ્યો માટે ભોજન બનાવીશ. રસોઈ બનાવતી વખતે કાજલે તેની ભાવિ નણંદ મોનિકાને કોઈ કામ માટે બહાર મોકલી હતી. બાદમાં કાજલે આખા પરિવાર માટે ભોજન બનાવ્યું અને પોતાના હાથે દરેકને ભોજન પીરસ્યું.
ભોજન કર્યા પછી એક પછી એક ઘરના બધા સભ્યો ઊંઘવા લાગ્યા અને ક્યારે સૂઈ ગયા તેની કોઈને ખબર જ ન પડી. જ્યારે આંખ ખુલી તો તમામને હોસ્પિટલમાં દાખલ કરવામાં આવ્યા હતા. લૂંટેરી દુલ્હન કાજલે રસોઈ બનાવતી વખતે તેમાં નશીલો પદાર્થ ભેળવી દીધો હતો.
જેના કારણે આખો પરિવાર 18 કલાકથી વધુ સમય સુધી બેભાન રહ્યો હતો. પીડિત રમ્મા સેને પોલીસને જણાવ્યું કે ભોજન કર્યાના થોડા સમય બાદ તે અચાનક ગાઢ નિંદ્રામાં સરી પડ્યો. ઓરિસ્સાની જે યુવતીને તેઓ તેની વહુ બનાવવા ઘરે લાવ્યા હતા, તેના આધાર કાર્ડમાં તેનું નામ કાજલ સિંહ અને તે ઓરિસ્સાના હરિપાડા સંબલપુરના મંગળા પાડાપરાની રહેવાસી હોવાનું હતુ. યુવતી સાથે એક વ્યક્તિ પણ આવ્યો હતો, જેણે લગ્ન માટે 70 હજાર રૂપિયા લીધા હતા.
