રીવા અરોરા નેટવર્થ: આજકાલ બાળ કલાકારો કમાણીના મામલે મોટા અભિનેતાઓને પણ પાછળ છોડી રહ્યા છે. આવી જ એક બાળ કલાકાર પોતાની ઉંમર અંગે અવારનવાર ચર્ચામાં રહે છે. સોશિયલ મીડિયા પર તેના લાખોમાં ફોલોવર્સ છે. ‘ઉરી’ અને ‘ગુંજન સક્સેના’ ફિલ્મોમાં પોતાની અભિનયથી દિલો પર છાપ છોડનાર આ બાળ કલાકાર કરોડપતિ છે. આપણે વાત કરી રહ્યા છીએ સોશિયલ મીડિયા ક્વીન રીવા અરોરાની.
ઇન્સ્ટાગ્રામ પર છે લાખો ફોલોવર્સ
રીવા અરોરા ટીવીનું એક જાણીતું નામ છે. તાજેતરમાં નાની ઉંમરમાં લિપ સર્જરી કરાવ્યા બાદ રીવા ચર્ચામાં આવી ગઈ હતી. ઇન્સ્ટાગ્રામ પર તેણે ટ્રોલ્સનો પણ સામનો કરવો પડ્યો હતો. રીવાએ નાના પડદાથી લઈને મોટા પડદા પર કામ કર્યું છે. જાણકારી અનુસાર રીવાની સંપત્તિ 8 કરોડની છે. આનાથી તે દેશની સૌથી અમીર બાળ કલાકાર બની ચૂકી છે.
રીવાએ તાજેતરમાં 40 લાખની લક્ઝરી ઓડી કાર ખરીદી. રીવાએ તેની ફોટો પોતાના સોશિયલ મીડિયા પર પણ શેર કરી હતી. ઇન્સ્ટા પર 10 મિલિયન ફોલોવર્સ પૂરા થવાની ખુશીમાં રીવાએ આ કાર પોતાની કમાણીથી ખરીદી હતી. આ પછી રીવા સોશિયલ મીડિયા પર છવાઈ ગઈ હતી. ચારે તરફ તેની ચર્ચા થઈ રહી હતી. 14 વર્ષની ઉંમરમાં આવી મોટી સિદ્ધિ મેળવવી નાની વાત નથી.
રીવાના ફિલ્મી કરિયરની વાત કરીએ તો તેણે વિક્કી કૌશલની ફિલ્મ ‘ઉરી-ધ સર્જિકલ સ્ટ્રાઇક’થી પોતાના કરિયરની શરૂઆત કરી હતી. આમાં રીવાના અભિનયની પણ પ્રશંસા થઈ હતી. ફિલ્મમાં તેના પાત્રે દર્શકોને ભાવુક થવા મજબૂર કરી દીધા હતા. આ પછી રીવાએ બોલિવૂડમાં પોતાની ઓળખ બનાવી લીધી હતી.
રીવાએ ઘણી ફિલ્મોમાં કામ કર્યું છે. ‘ભારત’, ‘સેક્શન 375’, ‘ગુંજન સક્સેના: ધ કારગિલ ગર્લ’ જેવી ફિલ્મોમાં નાના-નાના પાત્રો ભજવ્યા છે. જ્યારે ઓટીટી પર તેણે ‘બંદિશ બેન્ડિટ્સ’ અને ‘ટીવીએફ ટ્રિપલિંગ’ જેવી વેબ સિરીઝમાં પણ કામ કર્યું છે. રીવા રકુલ પ્રીત સિંહ સ્ટારર ફિલ્મ ‘છતરીવાલી’માં છેલ્લે જોવા મળી હતી.
રીવાની ઉંમર અંગે તેણે કહ્યું હતું – હું આ અંગે શું કહું? જે લોકો મારી ઉંમર અને હું જે કરી રહી છું તે અંગે શંકા કરી રહ્યા છે તેમના માટે મારી પાસે કહેવા માટે કંઈ નથી. જે લોકો મને પ્રેમ આપે છે તે મારા માટે પૂરતા છે. જણાવી દઈએ કે 2022માં રીવાની અભિનેતા કરણ કુંદ્રા સાથે રોમાન્સ કરતી એક રીલ્સ વાયરલ થઈ હતી, જેને લઈને ઘણો વિવાદ થયો હતો. કરણ કુંદ્રાને બાળ કલાકાર સાથે મ્યુઝિક વીડિયોમાં રોમાન્સ કરવા બદલ ટ્રોલિંગનો સામનો કરવો પડ્યો હતો.
જાણકારી મુજબ, ડીએનએના રિપોર્ટ અનુસાર, અભિનેત્રીની નેટવર્થ લગભગ 8.2 કરોડ છે. રીવા અરોરા લક્ઝરી લાઇફસ્ટાઇલ મેન્ટેન કરે છે. તેને લક્ઝરી કાર્સનો શોખ છે. રીવા પાસે 40 લાખની ઓડી છે.
