બ્રિટનના નવા વડાપ્રધાન ઋષિ સુનકે ઈતિહાસ રચ્યો છે. તેઓ બ્રિટનના સૌથી યુવા અને પ્રથમ અશ્વેત અને બિન ઈસાઈ વડાપ્રધાન છે. પરંતુ આટલું જ નહીં ઋષિ સુનકને બ્રિટનના સૌથી અમીર વડાપ્રધાન પણ કહેવામાં આવી રહ્યા છે. સુનક પાસે બ્રિટનના રાજા ચાર્લ્સ તૃતીય કરતાં વધુ મિલકત છે. ઋષિ સુનક અને તેમની પત્ની અક્ષતા મૂર્તિ પાસે £73 મિલિયન (રૂ. 6818.93 કરોડ)ની સંપત્તિ છે, જે બ્રિટિશ રાજા કરતાં બમણી છે.
બ્રિટનના લેબર પાર્ટીના સાંસદ નાદિયા વિટ્ટોમે એક ટ્વિટ કર્યું છે જેમાં તેમણે લખ્યું છે કે ઋષિ સુનક અને તેમની પત્ની અક્ષતા મૂર્તિ પાસે 73 મિલિયન પાઉન્ડ (રૂ. 6818.93 કરોડ)ની સંપત્તિ છે, જે રાજા ચાર્લ્સ III કરતા બમણી છે. તેમણે લખ્યું કે કિંગ્સ ચાર્લ્સ IIIની કુલ સંપત્તિ માત્ર 38.85 મિલિયન પાઉન્ડ (3628.89 કરોડ રૂપિયા) છે.
મીડિયા રિપોર્ટ્સ અનુસાર, ઋષિ સુનક અને તેમની પત્ની અક્ષતા મૂર્તિની નેટવર્થનો મુખ્ય સ્ત્રોત દેશની અગ્રણી આઈટી કંપની ઈન્ફોસિસમાં તેમનો હિસ્સો છે. અક્ષતા મૂર્તિની તેના પિતાની આઈટી ફર્મ ઈન્ફોસિસમાં 0.9% હિસ્સો છે. BSE શેરહોલ્ડિંગ પેટર્ન મુજબ, અક્ષતા મૂર્તિ 30 સપ્ટેમ્બર, 2022ના રોજ પૂરા થયેલા ક્વાર્ટરમાં ઇન્ફોસિસના 39 મિલિયન શેર ધરાવે છે, જે કંપનીમાં 0.93 ટકા હિસ્સો ધરાવે છે. અક્ષતા મૂર્તિને 2022માં જ ઈન્ફોસિસ તરફથી ડિવિડન્ડ તરીકે રૂ. 125 કરોડ મળ્યા છે.
સન્ડે ટાઈમ્સ અનુસાર, ટેક્નોલોજી અને હેજ ફંડ તેમની આવકના મુખ્ય સ્ત્રોત છે. ચિલ્ડ્રન્સ ઇન્વેસ્ટમેન્ટ ફંડ મેનેજમેન્ટ અને થીલેમ પાર્ટનર્સ અથવા કેટામરન વેન્ચર્સના ડિરેક્ટર તરીકે £40 મિલિયનની સંપત્તિ ઋષિ સુનકે હસ્તગત કરી છે. ઋષિ સુનક રાજનીતિમાં આવ્યા પહેલા 2013 થી 2015 વચ્ચે કંપનીનું નેતૃત્વ કરી રહ્યા હતા. મીડિયા રિપોર્ટ્સ અનુસાર, આ કંપની તેમના સસરાની છે.
ઓક્સફોર્ડ યુનિવર્સિટીમાંથી સ્નાતક થયા પછી, ઋષિ સુનકે ગોલ્ડમેન સૅક્સ ઇન્વેસ્ટમેન્ટ મેનેજમેન્ટ કંપની સિવાય અન્ય બે હેજ ફંડ કંપનીઓ સાથે કામ કર્યું છે. આ હેજ ફંડનો ઉપયોગ ખાનગી રોકાણકારોના નાણાંનું સંચાલન કરવા માટે થતો હતો. આ સમયગાળા દરમિયાન તેમની સંપત્તિઓ જાણીતી નથી કારણ કે તેમણે મંત્રી પદ પર હતા ત્યારે બિન-પારદર્શક અંધ ટ્રસ્ટમાં તેમનું રોકાણ કર્યું હતું, જે જાહેર કરવું શક્ય નથી.
2009માં ઋષિ સુનકે અક્ષતા મૂર્તિ સાથે લગ્ન કર્યા હતા. અક્ષતા હજુ પણ ભારતીય નાગરિક છે. પીએમ પદ માટેના ચૂંટણી પ્રચાર દરમિયાન, ઋષિ સુનક બ્રિટનમાં વિપક્ષી પાર્ટીઓના નિશાના પર પણ રહ્યા છે, કારણ કે તેમની અને તેમની પત્નીની એક ભવ્ય ઘર, મોંઘા સૂટ અને શૂઝ સહિતની અપાર સંપત્તિ છે. તેમની પાસે યોર્કશાયરમાં હવેલી તેમજ લંડનમાં સુનક અને અક્ષતા પાસે ટાઉન હાઉસ છે. તેનું કેલિફોર્નિયામાં પેન્ટહાઉસ પણ છે.
Rishi Sunak and his wife sit on a fortune of £730,000,000.
That’s around twice the estimated wealth of King Charles III.
Remember this whenever he talks about making “tough decisions” that working class people will pay for.
— Nadia Whittome MP (@NadiaWhittomeMP) October 24, 2022