ભગવનની ભક્તિ કરવા માટે આપણે અઠવાડિયાનો કોઈપણ દિવસ યોગ્ય માનીએ છીએ પરંતુ સોમવારના દિવસે આપણે ખાસ શંકર ભગવનની પૂજા કરતા હોઈએ છીએ, શંકર ભગવાનને આપણે ભોળાનાથ તરીકે ઓળખીએ છીએ અને એમ પણ માનીએ છીએ કે શિવજી આપણી મનોકામના પૂર્ણ કરે છે.
તો શિવજીની પૂજામાં સોમવારના દિવસે કેટલીક ખાસ બાબતોનું ધ્યાન રાખવાં આવે તો તેમની કૃપા અચૂક બને છે અને તમારા ઘરમાં પણ ધન અને સમૃદ્ધિનો વાસ થાય છે. ચાલો જાણીએ સોમવારના દિવસે કરવામાં આવતા ઉપાયો.
લગ્નમાં આવતી અડચણો માટે:
સોમવારના દિવસે ભગવાન શંકરના મંદિરે જઈને તેમના શિવલિંગ ઉપર દૂધની અંદર કેસર મેળવીને અભિષેક કરવાથી લગ્નમાં આવતી અડચણો દૂર થાય છે, અને લગ્ન કરવાનો યોગ પણ જલ્દી બને છે.
ધન પ્રાપ્તિ માટે:
ધન પ્રાપ્તિ માટે સોમવારના દિવસે માછલીઓને લોટની ગોટીઓ બનાવી ખવડાવવી શુભ માનવામાં આવે છે, પરંતુ એક ખાસ વાતનું ધ્યાન રાખવું કે ગોટીઓ ખવડાવતી વખતે તમારે ભગવાન શિવનું ધ્યાન ધરવું જરૂરી છે.
ઈચ્છા પૂરતી માટે:
તમારા મનમાં જાગેલી કોઈ સાચી અને શુદ્ધ ઈચ્છા પૂરતી માટે સોમવારના દિવસે 21 બીલીપત્રો લેવા, તેના ઉપર ચંદનથી ૐ નમઃ શિવાય લખવું અને ત્યારબાદ એ બિલિપત્રોને એક પછી એક ૐ નમઃ શિવાય ના ઉચ્ચાર સાથે શિવલિંગ ઉપર અર્પણ કરવા.
સુખ સમૃદ્ધિ માટે:
જો તમે પણ જીવનમાં સુખ સમૃદ્ધિ લાવવા માંગતા હોય તો સોમવારના દિવસે ભગવાન શંકરના વાહન નંદીને (બળદ)ને લીલો ઘાસચારો ખવડાવવો.
અન્નની ખોટ ઘરમાં ના રહે તે માટે:
ઘરમાં હંમેશા અન્નના ભંડાર ભરેલા રહે તે માટે સોમવારના દિવસે ગરીબ લોકોને ભોજન કરાવવું શુભ માનવામાં આવે છે તેનાથી પિતૃઓ પણ રાજી રહે છે.
ધનની વૃદ્ધિ માટે:
ઘરમાં ધનની વૃદ્ધિ માટે સોમવારના દિવસે જ ઘરની અંદર પારદથી બનેલું શિવલિંગ સ્થાપિત કરવું અને તેની રોજ પૂજા પણ કરવી.
સંતાન પ્રાપ્તિ માટે:
સંતાન પ્રાપ્તિ માટે સોમવારના દિવસે લોટથી 11 શિવલિંગ બનાવવા, તેની ઉપર 11 વખત જળાભિષેક કરવાથી સંતાન પ્રાપ્તિનું સુખ પ્રાપ્ત થાય છે.
ગંભીર રોગોથી મુક્તિ માટે:
જો તમે કે તમારા કોઈ સ્નેહી સ્વજન ગંભીર રોગોથી પીડાઈ રહ્યા હોય તો સોમવારના દિવસે શિવલિંગ ઉપર 101 વખત જળાભિષેક કરવો. જળાભિષેક કરતી વખતે “ૐ જું સ:” મંત્રનો પણ જાપ કરવો.
Author: GujjuRocks Team
આવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકલાડીલું પેજ GujjuRocks લાઈક કરી જોડાઓ.
