રામાયણ સાથે સંબંધિત રહસ્યો વિશે જાણવાની ઈચ્છા દરેક વ્યક્તિને હોય જ છે. એવું માનવામાં આવે છે કે આજે પણ શ્રીલંકામાં રામાયણ અને ભગવાન રામને લગતા ઘણા ચિન્હ અને પુરાવાઓ હાજર છે, જેના વિશે દરેક વ્યક્તિ જાણવા માંગે છે. આ સ્થાન ભગવાન શ્રી રામ અને રાવણ સાથે જોડાયેલ ઘણા સત્ય જણાવે છે. નવરાત્રિ પુરી થયા પછી દસમા દિવસે દશેરા ઉજવવામાં આવે છે જેને વિજયાદશમી કહેવામાં આવે છે. એવું માનવામાં આવે છે કે ભગવાન રામે દશમીના દિવસે રાવણનો વધ કર્યો હતો.
એક સંશોધનમાં દાવો કરવામાં આવ્યો છે કે લગભગ 50 આવા સ્થળો છે જે રામાયણ સાથે સંબંધિત છે. આ સંશોધન મુજબ આજે પણ રાવણનો મૃતદેહ ડુંગરમાં બનેલી ગુફામાં સુરક્ષિત છે. આ ગુફા શ્રીલંકાના રૈંગલાના ગાઢ જંગલોમાં સ્થિત છે. એવું કહેવાય છે કે ભગવાન શ્રી રામના હાથે રાવણના વધને 10 હજારથી વધુ વર્ષો વીતી ગયા છે.
જે ગુફામાં રાવણનો મૃતદેહ રાખવામાં આવ્યો છે તે રૈગલાના જંગલોમાં 8 હજાર ફૂટની ઉંચાઈ પર સ્થિત છે. અહીં રાવણના મૃતદેહને મમી બનાવીને શબપેટીમાં રાખવામાં આવ્યો છે. તેના પર એક ખાસ પ્રકારનો કોટિંગ લગાવવામાં આવ્યો છે, જેના કારણે તે હજારો વર્ષોથી એક સરખો જ દેખાય છે.
આ સંશોધન શ્રીલંકાના આંતરરાષ્ટ્રીય રામાયણ સંશોધન કેન્દ્ર દ્વારા કરવામાં આવ્યું છે. આ રિસર્ચ મુજબ, રાવણનો મૃતદેહ 18 ફૂટ લાંબો અને 5 ફૂટ પહોળી શબપેટીમાં રાખવામાં આવ્યો છે. એવું પણ કહેવાય છે કે આ શબપેટી નીચે રાવણનો અમૂલ્ય ખજાનો છે. આ ખજાનીની રક્ષા એક ભયંકર નાગ અને ઘણા ખૂંખાર પ્રાણીઓ કરે છે.
એવું માનવામાં આવે છે કે જ્યારે ભગવાન રામે રાવણનો વધ કર્યો હતો, ત્યારે તેણે અંતિમ સંસ્કાર માટે તેનું શરીર વિભીષણને સોંપ્યું હતું. પરંતુ વિભિષણે સિંહાસન સંભાળવાની ઉતાવળમાં રાવણના અંતિમ સંસ્કાર કર્યા ન હતા અને શરીર જેમ છે તેમ છોડી દીધું હતું.
એવું કહેવામાં આવે છે કે આ પછી નાગકુલના લોકો રાવણના મૃતદેહને પોતાની સાથે લઈ ગયા, કારણ કે તેઓ માનતા હતા કે રાવણનું મૃત્યુ ક્ષણિક હતું, તે ફરીથી જીવિત થશે. પરંતુ તે ન થયું. આ પછી તેણે રાવણના મૃતદેહનું મમી બનાવી નાખ્યું, જેથી તે વર્ષો સુધી સુરક્ષિત રહે.
સંશોધનમાં એવો દાવો પણ કરવામાં આવ્યો છે કે રાવણની અશોક વાટિકા ક્યાં હતી અને તેનો પુષ્પક વિમાન ક્યાં ઉતરતુ હતુ. આ સિવાય ભગવાન હનુમાનના પગના નિશાન શોધવાનો પણ દાવો કરવામાં આવ્યો છે. પરંતુ આ તમામ બાબતોની સત્યતા હજુ સુધી સાબિત થઈ નથી.
