સાઉથના ફિલ્મ સ્ટાર્સ અલ્લુ અર્જુન અને રશ્મિકા મંદાનાની ફિલ્મ પુષ્પાઃ ધ રાઈઝનું ગીત શ્રીવલ્લીનું જયારથી ફ્લોર પર આવ્યુ છે ત્યારથી ચર્ચામાં છે. ‘પુષ્પા’ના ડાન્સ સ્ટેપ્સ અને ડાયલોગ્સ પર લોકો રીલ્સ બનાવી રહ્યા છે. તેની સાથે જોડાયેલી રીલ્સ સોશિયલ મીડિયા પર દરરોજ વાયરલ થઈ રહી છે. હવે સોશિયલ મીડિયા દ્વારા રાતોરાત સ્ટાર બની ગયેલી રાનુ મંડલ પણ ક્રમમાં જોડાઇ ગઇ છે.. તેનો એક વીડિયો સામે આવ્યો છે, જેમાં તે શ્રીવલ્લી ગીત પર ડાન્સ કરતી જોવા મળી રહી છે. આ વીડિયોમાં જોઈ શકાય છે કે તે હાથમાં લાકડી લઈને ડાન્સ કરવાનો પ્રયાસ કરી રહી છે. પરંતુ તે યોગ્ય રીતે કરી શકતી નથી. તેનો આ વીડિયો ઘણો વાયરલ થઈ રહ્યો છે. વીડિયોમાં રાનુ મંડલ ઘણા ફની સ્ટેપ્સ કરી રહી છે.
બ્લુ ટી-શર્ટ, લાલ સાડી, હાથમાં લાકડી સાથે આ ગીત પર રાનુનો ડાન્સ જોઈને લોકો તેની ખૂબ જ મસ્તી કરી રહ્યા છે. રાનુ મંડલના વીડિયો પર કમેન્ટ કરતા એક યુઝરે લખ્યું કે તેની સારવાર કરાવો, અન્ય યુઝરે લખ્યું કે તે આ કરી શકશે નહીં, તે ડાન્સ કરી રહી છે કે મજાક કરી રહી છે. રાનુ મંડલે ‘એક પ્યાર કા નગમા’ ગીત ગાઈને સોશિયલ મીડિયા પર હેડલાઈન્સ બનાવી હતી. તેણે આ ગીત પશ્ચિમ બંગાળના રાણાઘાટ રેલ્વે સ્ટેશન પર ગાયું હતું. આ વીડિયો આવતાની સાથે જ સોશિયલ મીડિયા પર છવાઇ ગયો ગતો.
ધીમે-ધીમે તે ખતરો બોલિવૂડ સુધી પણ પહોંચી ગયો. જે પછી રાનુ મંડલે હિમેશ રેશમિયા સાથે ગીતો પણ ગાયા. રાતોરાત હેડલાઇન્સમાં આવ્યા બાદ રાનૂ મંડલને તેના વર્તનને કારણે ઘણી વખત ટ્રોલ પણ કરવામાં આવી છે. થોડા સમય પહેલા જ એવી ખબર આવી હતી કે રાનુ મંડલ પર બાયોપિક બનવા જઈ રહી છે. અભિનેત્રી ઈશિકા ડે રાનુનું પાત્ર ભજવવા જઈ રહી છે. જે ફિલ્મ લાલ કપ્તાન અને વેબ સિરીઝ સેક્રેડ ગેમ્સમાં જોવા મળી છે.
