ખબર મનોરંજન

રણબીર કપૂર માટે આકાશ અંબાણીએ કેન્સલ કર્યા બધા પ્લાન, લગ્નમાં ટાઇટ સિક્યોરિટી વચ્ચે પત્ની શ્લોકા સાથે પહોંચ્યા

આખરે એ ઘડી આવી ગઈ જેની સૌ આતુરતાથી રાહ જોઈ રહ્યા હતા. રણબીર કપૂર અને આલિયા ભટ્ટ લગ્નના બંધનમાં બંધાવા જઈ રહ્યા છે. મુંબઈમાં બંનેના લગ્નની વિધિઓ ચાલી રહી છે. નીતૂ કપૂરે રણબીરના માથા પર સાફો બંધાયા બાદ તેની નજર પણ ઉતારી હતી, એટલે કે તેણે તેને ટીકો લગાવ્યો હતો. લગભગ 4 વર્ષ સુધી એકબીજાને ડેટ કર્યા બાદ રણબીર આલિયા એક થવા જઇ રહ્યા છે. સેલિબ્રિટી હોય કે ચાહકો, રણબીર આલિયાના લગ્નને લઈને દરેકમાં ભારે ઉત્સાહ છે. આ શાહી લગ્નના સાક્ષી બનવા માટે પરિવારના સભ્યો અને મહેમાનો એક પછી એક વાસ્તુ એટલે કે વેડિંગ વેન્યુ પર પહોંચવા લાગ્યા છે.

આ લગ્નની શાન વધારવા માટે આકાશ અંબાણી તેની પત્ની શ્લોકા મહેતા સાથે પહોંચ્યા છે. આકાશ અંબાણીએ પોતાની આંતરરાષ્ટ્રીય યાત્રાઓ કેન્સલ કરીને મિત્ર રણબીર કપૂરના લગ્નમાં હાજરી આપી હતી. કેટલાક મીડિયા રીપોર્ટ્સ અનુસાર, રણબીર કપૂરના લગ્નની તારીખે આકાશને ઈન્ટરનેશનલ ટ્રિપ પર જવાનું હતું. પરંતુ આકાશે રણબીર કપૂરના લગ્નમાં હાજરી આપવા માટે આ પ્લાન કેન્સલ કર્યો હતો. કડક સુરક્ષા વચ્ચે આકાશ અંબાણી અને તેની પત્ની શ્લોકા મહેતા અંબાણી સ્ટાઈલમાં આવતા જોવા મળ્યા હતા.

રણબીર અને આલિયાના લગ્નમાં હાજરી આપવા આકાશ અને શ્લોકા અંબાણી પહોંચ્યા છે. બંનેની થોડી ઝલક જોવા મળી છે જેમાં તેઓ લાઈટ પિંક કલરના આઇટફિટમાં જોવા મળી રહ્યા છે. થોડા સમય પહેલા, પેપરાજીએ દુલ્હાની સ્ટાઇલિશ માતા, નીતુ કપૂર અને તેની પુત્રી, રિદ્ધિમા કપૂર સાહનીને સ્પોટ કર્યા હતા. નીતુએ ડિઝાઇનર જોડી અબુ જાની અને સંદીપ ખોસલાનો મલ્ટીકલર લહેંગો પહેર્યો છે. ત્યાં, રિદ્ધિમા ગોલ્ડન કલરના લહેંગામાં ખૂબ જ સુંદર લાગી રહી હતી.

આ ઉપરાંત કરીના કપૂર ખાન અને સૈફ અલી ખાન લગ્ન સ્થળ પર પહોંચ્યા હતા. કરીના ગોલ્ડન એમ્બ્રોઇડરી સાથે લાઇટ પિંક કલરની સાડીમાં ખૂબ જ સુંદર લાગી રહી છે. રણબીર અને આલિયાના ભવ્ય લગ્નમાં હાજરી આપવા માટે સતત મહેમાનોના આવવાની પ્રક્રિયા ચાલી રહી છે. એવા અહેવાલો છે કે રણબીર કપૂરના લગ્નની તારીખ નક્કી થતાં જ અભિનેતાએ આકાશ અને શ્લોકાને અંગત રીતે લગ્ન માટે આમંત્રણ આપ્યું હતું.

 

View this post on Instagram

 

A post shared by Viral Bhayani (@viralbhayani)

આકાશ અંબાણીના લગ્નમાં રણબીર કપૂર પણ મહેમાન બન્યો હતો. આકાશના ભવ્ય લગ્નના તમામ ફંક્શનમાં રણબીર કપૂરે હાજરી આપી હતી. રણબીર સ્વિટ્ઝર્લેન્ડમાં આકાશ અંબાણીની બેચલોરેટનો ભાગ હોવાના અહેવાલો પણ હતા. હવે આ બધી બાબતો દર્શાવે છે કે રણબીર કપૂર અને આકાશ અંબાણી વચ્ચે કેટલી ગાઢ મિત્રતા છે. બોલિવૂડ સર્કલમાં બંનેની મિત્રતા વિશે બધા જાણે છે.

બોલિવૂડના સૌથી પાવર કપલ કહેવાતા આલિયા ભટ્ટ-રણબીર કપૂર આખરે લગ્નના બંધનમાં બંધાઈ ગયા છે. આ કપલે વાસ્તુમાં સાત ફેરા લીધા છે. લગ્નની વિધિઓ પૂર્ણ થઇ ચુકી છે. ફેન્સ જેની આતુરતાથી રાહ જોઈ રહ્યા હતા તે લગ્ન આજે પૂર્ણ થઇ ગયા છે. રણબીર સાથે સાત ફેરા લીધા બાદ આલિયા હવે મિસિસ કપૂર બની ગઈ છે.

આલિયા ભટ્ટ અને રણબીર કપૂરનાં મેરેજની વિધિ બપોરે રણબીરનાં નિવાસસ્થાન વાસ્તુ એપાર્ટમેંટ ખાતે શરૂ થઇ હતી પછી સાંજે લગ્ન વિધિનાં સમાપન બાદ નવપરણિત યુગલ સિદ્ધિ વિનાયકનાં દર્શને જવાનું જાણવા મળ્યું છે. બોલિવુડની અનેક સેલિબ્રિટી સિદ્ધિ વિનાયકમાં ઊંડી આસ્થા ધરાવે છે.

દીપિકા પાદુકોણ અને રણવીર સિંહ પણ લગ્ન પછી સિદ્ધિ વિનાયકનાં દર્શને ગયાં હતાં. અભિનેત્રી શિલ્પા શેટ્ટી અહીં અવારનવાર દર્શને આવે છે. ડાયરેક્ટર મધુર ભંડારકર પણ લગભગ દર ચોથની તિથિએ અહીં દર્શને આવે છે. તમને જણાવી દઈએ કે આ સેલિબ્રિટીના મેરેજ પંજાબી વિધિ પ્રમાણે થઇ રહ્યાં છે.

સાંજે વિધિ બાદ બંને મીડિયા સમક્ષ ઉપસ્થિત થશે અને કપલ ફોટો માટે પોઝ આપશે. આજે સવારથી જ પરિવારજનો અને મિત્રોની અવરજવરથી ઘરમાં ખુશીનો માહોલ હતો. રણબીર કપૂરની માતા નીતુ કપૂર અને તેની બહેન રિદ્ધિમા કપૂર સવારે જ સાથે જોવા મળી હતી. આ બંને સિવાય ફેમિલીના ઘણા મેમ્બર્સ મેરેજમાં સામેલ થયા હતા.

આ લગ્નમાં મુકેશ અંબાણીના પુત્ર આકાશ અંબાણી અને શ્લોકા પણ પહોંચ્યા હતા. આ લગ્નમાં બોલિવૂડના ઘણા મોટા સ્ટાર્સે પણ હાજરી આપી હતી, જેમાં કરણ જોહર, સૈફ, શાહરુખની પત્ની ગૌરી ખાન સિવાય પણ ઘણા લોકો આવ્યા હતા.

આલિયા ભટ્ટના પપ્પા અને બૉલીવુડ ફિલ્મ ડાયરેક્ટર મહેશ ભટ્ટ પણ આ મેરેજમાં પહોંચ્યા હતા. તેમણે પણ મહેંદી લગાવી હતી અને તેમાં પણ રણબીરનું નામ લખ્યું હતું. તેણે પોતાનો હાથ બતાવ્યો જેમાં રણબીરનું નામ સ્પષ્ટ દેખાતું હતું. લગ્નમાં આલિયાની માતા સોની રાઝદાન ઉપરાંત બહેન પૂજા ભટ્ટ પણ આવી હતી.

 

View this post on Instagram

 

A post shared by Pinkvilla (@pinkvilla)