ગુજરાતમાંથી ઘણીવાર ચોંકાવનારા અને અજીબોગરીબ કિસ્સા સામે આવતા હોય છે. ઘણીવાર છોકરા-છોકરીઓ એવી હરકત કરી દેતા હોય છે કે તેમના માતા-પિતાને પણ માથુ ઝુકાવવાનો વારો આવી જતો હોય છે. ત્યારે હાલમાં રાજકોટની એક કોલેજમાંથી એક છોકરા-છોકરીનો ક્લાસરૂમમાં આલિંગન કરતો કિસ્સો સામે આવ્યો છે. આ કિસ્સો વિદ્યાનું ધામ ગણાતી મારવાડી યુનિવર્સિટીમાંથી સામે આવ્યો છે. અહીંની કોલેજમાંથી ક્યારેક મારામારી તો ક્યારેક અપશબ્દનો ઉપયોગ કરવામાં આવ્યો હોય તેવું ઘણીવાર સામે આવ્યુ છે.
પરંતુ આ વખતે તો હદ જ થઇ ગઇ છે. અહીં એક યુવતી એક યુવકને આલિંગન આપી રહી છે. વીડિયોમાં એવું લાગી રહ્યુ છે કે, યુવક કોઈ બાબતથી રિસાણો છે અને તેને કોઈ પ્રકારનું દુઃખ લાગ્યું જેના કારણે યુવતિ તેને મનાવવા આવી ગંદી હરકત કોલેજના ક્લાસરૂમમાં કરી રહી છે. આ ઘટનાને કોઇએ પોતાના કેમેરામાં કેદ કરી લીધી હતી અને તે બાદ તે વાયરલ થઇ ગઇ હતી. આમ તો રાજકોટની મારવાડી યુનિવર્સિટીમાં કોલેજ કેમ્પસના દરેક પેસેજ એરિયામાં સીસીટીવી કેમેરા છે,
પણ ક્લાસરૂમમાં સીસીટીવી કેમેરા હોવાથી આ પ્રકારની ગંભીર બેદરકારી તેમજ ભૂલો વિદ્યાર્થીઓ તેમજ વિદ્યાર્થીનીઓ દ્વારા કરવામાં આવી રહી છે તે વિચારવા જેવી બાબત છે. જો કે, હાલ તો આ મામલે યુનિવર્સિટીમાંથી કોઇનું સત્તાવાર રીતે નિવેદન સામે નથી આવ્યું. મીડિયા અહેવાલ અનુસાર, મોરબી રોડ પર આવેલી ખાનગી કોલેજના ક્લાસરૂમમાં ચાલુ ક્લાસે એક વિદ્યાર્થિની અને એક યુવક આલિંગન કરવા લાગ્યા અને
આ ગંદી કરતૂતનો વીડિયો કોઇએ ઉતારી ફરતો કરી દીધો. હાલ તો આ કિસ્સો સમગ્ર રાજકોટ સહિત ગુજરાતમાં ચકચાર જગાવી રહ્યો છે. કોઇને કોઇ મુદ્દે વિવાદમાં રહેતી એક ખાનગી કોલેજના કેમ્પસનો એક વીડિયો શનિવારે ફરતો થયો હતો. ઉલ્લેખનીય છે કે, થોડા દિવસો પહેલા જ મારવાડી યુનિવર્સિટીના બિઝનેસ મેનેજમેન્ટ વિભાગમાં બે યુવતીઓ વચ્ચે મારામારીનો વીડિયો પણ વાયરલ થયો હતો.
