વૈદિક જ્યોતિષની દ્રષ્ટિએ નવ ગ્રહોમાં શનિ, રાહુ અને કેતુ અતિ ધીમી ગતિએ ચાલતા ગ્રહો છે. જ્યોતિષશાસ્ત્રના નિયમ મુજબ, ગ્રહની ગતિ જેટલી ધીમી તેટલી તેની અસર દીર્ઘકાલીન રહે છે. રાહુ એક રાશિમાં 18 મહિના અને એક નક્ષત્રમાં 6 મહિના સુધી રહે છે. શનિની જેમ રાહુની અસર પણ લાંબા સમય સુધી અનુભવાય છે. શાસ્ત્રોક્ત મત પ્રમાણે, જે વ્યક્તિની કુંડળીમાં રાહુ બળવાન અને શુભ સ્થિતિમાં હોય, તેઓ ખ્યાતિ, સંપત્તિ અને સામાજિક મોભો પ્રાપ્ત કરે છે. રાહુના પ્રભાવે વ્યક્તિ વૈજ્ઞાનિક, કલાકાર કે રાજનેતા બને છે.
પરંતુ જ્યારે રાહુ નિર્બળ કે અશુભ હોય, ત્યારે વ્યક્તિના જીવનમાં અશાંતિ, માનસિક વ્યથા અને રોગો ઉત્પન્ન કરે છે. આવી વ્યક્તિ વ્યસન, દ્યુત અને અન્ય દુર્ગુણોનો શિકાર બને છે, જે જીવનને વિનાશ તરફ દોરી જાય છે. રાહુની ગતિમાં પરિવર્તન જીવનના દરેક પાસાને પ્રભાવિત કરે છે. વૈદિક જ્યોતિષ અનુસાર, 10 નવેમ્બર 2024ના રવિવારે રાત્રે 11.31 કલાકે રાહુ ઉત્તરાભાદ્રપદ નક્ષત્રના તૃતીય પદથી દ્વિતીય પદમાં પ્રવેશશે, જ્યાં તે 12 જાન્યુઆરી 2025 સુધી વિરાજશે. આ પરિવર્તન સર્વ રાશિઓને પ્રભાવિત કરશે, પરંતુ પાંચ રાશિઓને વિશેષ ધનલાભ થશે. આવો જાણીએ આ સૌભાગ્યશાળી રાશિઓ વિશે…
વૃષભ રાશિના જાતકોનો માનસિક તણાવ ઓછો થશે અને ચિંતામુક્ત થશે. નવા આર્થિક સ્રોતો ઊભા થવાથી નાણાકીય સ્થિતિ સુદૃઢ બનશે. જીવનશૈલીમાં હકારાત્મક પરિવર્તન આવશે. નોકરીમાં બઢતીની સંભાવના છે. સહકર્મીઓ અને ઉપરીઓનો સાથ મળશે. વ્યાપારમાં વૃદ્ધિ થશે. પ્રવાસ ફળદાયી નીવડશે. રાજકીય ક્ષેત્રના લોકોને ઉચ્ચ પદ મળી શકે છે. વિદ્યાર્થીઓ અભ્યાસમાં રુચિ લેશે અને શ્રેષ્ઠ પરિણામ મેળવશે. કૌટુંબિક અને દાંપત્યજીવન આનંદમય રહેશે. સગાંવહાલાંનો સહકાર મળશે. તંદુરસ્તી જળવાઈ રહેશે.
કન્યા રાશિના જાતકોના જીવનમાં રાહુની ગતિના પરિવર્તનથી સ્થિરતા આવશે. માનસિક સ્વાસ્થ્ય પર સકારાત્મક અસર થશે. ધીરજ અને સંયમમાં વધારો થશે. રોકાણથી લાભ થતાં આર્થિક મુશ્કેલીઓ દૂર થશે. ગૃહ અને પારિવારિક જીવન સુદૃઢ થશે. વ્યવસાયમાં સ્થિરતા આવશે. પગાર વધારો કે બોનસની શક્યતા છે. વેપારી મુસાફરી ફાયદાકારક રહેશે. મહત્વપૂર્ણ કરાર થઈ શકે છે. સામાજિક કાર્યોથી પ્રતિષ્ઠા વધશે. માતા-પિતાના આશીર્વાદ મળશે. કૌટુંબિક વાતાવરણ આનંદમય રહેશે.
તુલા રાશિના જાતકો રાહુની ગતિના પરિવર્તનથી સંવાદકુશળ અને સર્જનાત્મક બનશે. માનસિક દૃઢતા વધશે અને સારા નિર્ણયો લઈ શકશે. ધંધામાં વૃદ્ધિથી આવક વધશે. કાર્યક્ષેત્રે સન્માન મળશે. વેપારમાં નફો થશે. પ્રવાસ આનંદદાયક રહેશે. વિદ્યાર્થીઓ પ્રોજેક્ટ્સમાં સફળ થશે. મિત્રોનો સાથ મળશે. તમારો સ્વભાવ અને પરોપકારી વૃત્તિ સામાજિક મોભો વધારશે. આરોગ્ય સારું રહેશે.
ધનુ રાશિના જાતકોની સંવેદનશીલતા વધશે. અન્ય પ્રત્યે સહાનુભૂતિ વધશે. ધનસંપત્તિમાં વૃદ્ધિના યોગ છે. કાર્યક્ષેત્રે માન-સન્માન વધશે. વેપારીઓ માટે આ સમય ખૂબ લાભદાયી રહેશે. નવી તકો મળશે. વ્યાપારમાં આર્થિક સ્થિતિ મજબૂત થશે. અણધાર્યો લાભ થશે. વિદ્યાર્થીઓને શિક્ષણમાં સફળતા મળશે. શૈક્ષણિક પ્રવાસ યાદગાર રહેશે. લેખકોને તેમની કૃતિ માટે પુરસ્કાર મળી શકે છે. નોંધપાત્ર ધનલાભ થશે. કુટુંબમાં શુભ પ્રસંગો ઊજવાશે. વૈવાહિક જીવન સુખમય રહેશે.
કુંભ રાશિના જાતકોમાં નવો આત્મવિશ્વાસ જાગશે. યોગ્ય નિર્ણયો લેવામાં સફળ થશે. હકારાત્મક અભિગમ કેળવાશે. નવા આવકના સ્રોતો ખૂલવાથી આર્થિક લાભ થશે. માનસિક તણાવ ઘટશે. નોકરી અને વ્યવસાયમાં સફળતા મળશે. ઉપરીઓની પ્રશંસા મેળવશે. બઢતીની શક્યતા છે. વ્યાપારિક પ્રવૃત્તિઓમાં વેગ આવશે. સોશિયલ મીડિયા માર્કેટિંગથી આવક વધશે. લગ્નજીવન સુખી રહેશે. ઘરમાં મંગળ પ્રસંગો યોજાશે. સંબંધો વધુ મજબૂત બનશે.
આ લેખમાં આપવામાં આવેલી માહિતીની વિશ્વસનીયતાની ગેરંટી નથી. જ્યોતિષ, પંચાંગ, માન્યતાઓ કે પછી ધર્મગ્રંથોમાંથી સંગ્રગિત કરી આ જાણકારી પબ્લિશ થઇ છે.
