જ્યોતિષશાસ્ત્રમાં રાહુ અને કેતુને છાયા ગ્રહો તેમજ પાપી ગ્રહો તરીકે ઓળખવામાં આવે છે. આ ગ્રહોની ગતિવિધિની અસર બારેય રાશિઓના જીવન પર કોઈને કોઈ રીતે પડે છે. રાહુ એક મંદગતિ ગ્રહ છે જે એક રાશિમાં લગભગ અઢાર મહિના સુધી રહે છે, જેથી તેની અસર દરેક રાશિના જીવનમાં લાંબા સમય સુધી અનુભવાય છે.
જ્યોતિષ મુજબ, ઓક્ટોબર 2023માં રાહુએ મીન રાશિમાં પ્રવેશ કર્યો હતો અને આ વર્ષે કોઈ પરિવર્તન થવાનું નથી. પરંતુ વર્ષ 2025માં રાહુ મીન રાશિમાંથી નીકળીને શનિની રાશિ કુંભમાં પ્રવેશ કરશે. આ ઘટના મે મહિનામાં બનશે, જેના કારણે કેટલાક રાશિના જાતકોને શારીરિક, માનસિક અને આર્થિક મુશ્કેલીઓમાંથી મુક્તિ મળશે.
દ્વિક પંચાંગ અનુસાર, રાહુ 18 મે 2025ની સાંજે 5 વાગ્યા અને 8 મિનિટે શનિના સ્વામિત્વ વાળી કુંભ રાશિમાં પ્રવેશ કરશે. આ રાશિમાં તે આગામી અઢાર મહિના સુધી રહેશે અને 5 ડિસેમ્બર 2026ના રોજ ફરી રાશિ પરિવર્તન કરશે. રાહુ હંમેશા વક્રી અવસ્થામાં ગતિ કરે છે, જેથી તે આગળ જવાને બદલે હંમેશા પાછલી રાશિમાં ગોચર કરે છે. હાલમાં રાહુ મીન રાશિમાં છે, તેથી તે મેષ નહીં પણ કુંભ રાશિમાં ગોચર કરશે.
મેષ રાશિના જાતકો માટે રાહુનું કુંભ રાશિમાં ગોચર શુભ ફળદાયી હોઈ શકે છે. આ સમયગાળા દરમિયાન લાંબા સમયથી અટકેલા કાર્યો અને ઇચ્છાઓ પૂર્ણ થવાની શક્યતા છે. આર્થિક સ્થિતિમાં સુધારો થશે અને આત્મવિશ્વાસમાં વધારો થશે. સમાજમાં માન-સન્માન વધશે અને નવા મિત્રો બનશે. કરિયર અને વ્યવસાયમાં સફળતા મળશે, પ્રમોશન અને પગાર વધારાની શક્યતાઓ છે. રાહુના શુભ પરિણામ મેળવવા માટે બુધવારે કાળા તલનું દાન કરવાની સલાહ આપવામાં આવે છે.
કન્યા રાશિના જાતકો માટે રાહુનું આ ગોચર સકારાત્મક અસર લાવી શકે છે. લાંબા સમયથી અટકેલા કામ પૂર્ણ થશે અને સ્વાસ્થ્ય સંબંધિત સમસ્યાઓમાં રાહત મળશે. નાણાકીય સ્થિતિ મજબૂત રહેશે અને આવકના નવા સ્ત્રોત ખૂલશે. વ્યવસાયમાં સફળતા મળશે અને સામાજિક વર્તુળ વિસ્તરશે.
ધનુ રાશિના જાતકોને રાહુનું આ ગોચર ભાગ્યશાળી સાબિત થઈ શકે છે. સફળતાના દ્વાર ખૂલશે અને કામ સંબંધિત યાત્રાઓ ફળદાયી નીવડશે. પારિવારિક સંબંધો મજબૂત થશે અને આર્થિક સ્થિતિ સુદૃઢ રહેશે. આધ્યાત્મિક રુચિ વધશે અને કાર્યસ્થળે પ્રગતિની તકો મળશે.
આમ, રાહુનું કુંભ રાશિમાં ગોચર કેટલાક રાશિના જાતકો માટે વિશેષ કૃપા અને મોટા લાભનું કારણ બની શકે છે. જો કે, દરેક વ્યક્તિએ પોતાની જન્મકુંડળી અને વ્યક્તિગત ગ્રહ સ્થિતિને ધ્યાનમાં રાખીને જ્યોતિષીય સલાહ લેવી જોઈએ.
નોંધ: ઉપરોક્ત માહિતી સામાન્ય માન્યતાઓ અને જાણકારીઓ પર આધારિત છે, ગુજ્જુરોક્સ આની પુષ્ટિ કરતું નથી.
