મહારાષ્ટ્રના પુણેમાં ફૂટપાથ પર સૂઈ રહેલા લોકો પર ડમ્પર ચડી ગયું. મળતી માહિતી મુજબ આ અકસ્માતમાં ડમ્પરે 9 લોકોને કચડી નાખ્યા હતા જેમાંથી 3ના ઘટનાસ્થળે જ મોત થયા હતા. આમાં બે બાળકો અને એક પુરુષનો સમાવેશ થાય છે, જે બાળકોના કાકા છે. આ સાથે 6 લોકો ગંભીર રીતે ઘાયલ છે, જેમને સારવાર માટે હોસ્પિટલમાં લઈ જવામાં આવ્યા હતા.
અત્યાર સુધીની પ્રાપ્ત માહિતી મુજબ ડમ્પરનો ચાલક નશામાં હતો. મૃત્યુ પામેલાઓમાં વિશાલ વિનોદ પવાર, વૈભવી રિતેશ પવાર અને વૈભવ રિતેશ પવારનો સમાવેશ થાય છે. આ અકસ્માત પોલીસ સ્ટેશનથી થોડે દૂર આવેલા કેસનંદ નાકા પાસે રાત્રે 12.30 વાગ્યાની આસપાસ થયો હતો. આરોપી ડ્રાઈવર ઝડપાઈ ગયો છે.
પ્રાથમિક માહિતી મુજબ ડમ્પર ચાલક નશામાં હતો. આ અકસ્માતમાં ઘાયલ લોકો બધા મજૂર હતા. તે 22મી ડિસેમ્બરની રાત્રે જ કામના સિલસિલામાં અમરાવતીથી આવ્યા હતા. ફૂટપાથ પર કુલ 12 લોકો સૂતા હતા. બાકીના લોકો ફૂટપાથના કિનારે ઝૂંપડામાં સૂઇ રહ્યા હતા. ડમ્પર સીધું ફૂટપાથ પર ચડી ગયું હતું. અકસ્માત પછી જ્યારે ચીસો સંભળાઈ ત્યારે આસપાસના લોકો પીડિતોને બચાવવા દોડી ગયા.
આ પછી તરત જ પોલીસને જાણ કરવામાં આવી. પોલીસે દારૂ પીધેલી હાલતમાં ચાલકની ધરપકડ કરી છે. પુણે સિટી પોલીસના DCP ઝોન 4એ જણાવ્યું કે મોટર વાહન અધિનિયમ (MVA) અને ભારતીય ન્યાય સંહિતા (BNS) ની કલમો હેઠળ ડ્રાઇવર સામે કેસ નોંધવામાં આવ્યો છે.
