હે ભગવાન….ટ્રકે ગર્ભવતી મહિલાને મારી ટક્કર, માતાનું પેટ ફાટી ગયું ને બાળક જીવતું બહાર નીકળ્યું, બિચારા બાપનું કરુણ આક્રંદ જોઈને રડું આવી જશે 😰😰😰
ગુજરાત સમેત દેશભરમાં અકસ્માતની ઘણી બધી ઘટનાઓ સામે આવતી રહે છે, ઘણા અકસ્માતની અંદર કેટલાક માસુમ લોકોનો પણ જીવ હોમાઈ જતો હોય છે, ત્યારે હાલ એવા જ એક અકસ્માતે લોકોના રૂંવાડા ઉભા કરી દીધા છે, જેમાં ટ્રક ગર્ભવતી મહિલાના પેટ ઉપરથી પસાર થઈ હતી. મહિલાનું પેટ ફાટી ગયું અને ગર્ભમાંથી બાળકી બહાર આવી. આશ્ચર્યની વાત એ છે કે આ અકસ્માતમાં બાળકી સુરક્ષિત છે. સાથે જ મહિલાના શરીરના અનેક ટુકડા થઈ ગયા છે. હાલ તબીબોના જણાવ્યા અનુસાર બાળકીની હાલત પહેલાથી જ સારી છે.
આગરા જિલ્લાના ધનૌલાનો રહેવાસી રામુ બુધવારે પત્ની કામિની સાથે બાઇક પર તેના સાસરે જઈ રહ્યો હતો. તેના સાસરિયાઓ ફિરોઝાબાદના નારખી પોલીસ સ્ટેશન વિસ્તારમાં આવેલા વજીરપુર કોટલામાં રહે છે. તેણે કહ્યું કે “પત્ની 9 મહિનાની ગર્ભવતી હતી. તેણે બુધવારે સવારે મને કહ્યું કે, “મને પિયરમાં ફેરવી આવો. બાળક થયા પછી હું 4 મહિના સુધી જઈ શકીશ નહીં. હું તેને 9 વાગે બાઇક પર છોડી ગયો હતો. ઘરથી સાસરિયાંનું અંતર 40 કિલોમીટર હશે.
પતિ રામુએ વધુમાં જણાવ્યું કે થોડીવાર ચાલ્યા પછી કામિનીએ ચા માટે કહ્યુ. અમે ઢાબા પર ચા પીધી. તે પછી તે લગભગ 5 કિલોમીટર જ આગળ વધ્યો હશે, ત્યારે પાછળથી એક ઝડપી ટ્રકે બાઇકને ટક્કર મારી. ટક્કરને કારણે કામિની બાઇક પરથી પડી ગઈ હતી. ટ્રક કામિની ઉપર ચડી ગઈ. મારી પત્ની મારી સામે દર્દમાં પીડાતા મૃત્યુ પામી. તેના શરીરમાં કશું બચ્યું ન હતું.
આ ઉપરાંત મારી બાળકી દૂર પડીને રડતી હતી. અકસ્માત બાદ મારા હોંશ ઉડી ગયા. હું મારી પત્ની તરફ જોઈ રહ્યો. ત્યારે ત્યાંથી પસાર થતા લોકોએ મારી બાળકીને ઉપાડી લીધી હતી. હું ત્યાં તેની સાથે બેઠો હતો. પછી કેટલાક સારા લોકો તેને જિલ્લા હોસ્પિટલમાં લઈ ગયા. એમ્બ્યુલન્સ આવ્યા બાદ હું મારી પત્નીના મૃતદેહને લઈને હોસ્પિટલ પહોંચ્યો. ત્યાં મેં મારા પરિવારના સભ્યોને કહ્યું, કામિની હવે નથી. લગ્નને 3 વર્ષ થયાં. આ અમારું પહેલું બાળક છે.”
આ અકસ્માતના સમાચાર સાંભળતા જ મહિલાના કેન્સર સર્વાઈવર કાકા કાલીચરણનું પણ આઘાતના કારણે હાર્ટ એટેકથી અવસાન થયું હતું. સંબંધીઓએ જણાવ્યું કે કાકા ઘણા સમયથી બીમાર હતા. તેથી અગાઉ તેમને કામિનીની મોત વિશે જણાવવામાં આવ્યું ન હતું. જિલ્લા હોસ્પિટલના બાળરોગ ચિકિત્સક ડો.એલ.કે.ગુપ્તાએ જણાવ્યું કે, બાળકી હવે પહેલા કરતા સારી છે. પડવાના કારણે તેને ધમક લાગી ગઈ છે. તેને પેટમાં આંતરિક ઈજા થઈ છે. ગુરુવારે સવારે બાળકીને દૂધ આપવામાં આવ્યું છે. જ્યાં સુધી તે દૂધ પચે નહીં ત્યાં સુધી તે હોસ્પિટલમાં જ રહેશે.
