આજના સમયમાં મધ્યમવર્ગીય પરિવારને ભવિષ્ય માટે બચત કરવી ખૂબ જરૂરી બની ગઈ છે. લોકો વિવિધ રીતે પોતાની સેવિંગ્સ કરતા હોય છે. બજારમાં સેવિંગ્સ માટે વિવિધ ઓપ્શન્સ જોવા મળે છે. જો તમે જોખમ વિના સારી આવક મેળવવા માંગો છો તો પોસ્ટ ઓફિસની સ્કીમ તમારા માટે વધુ સારી હોઈ શકે છે, જે ટૂંકા સમયમાં સારી આવક આપી શકે છે.
પોસ્ટ ઓફિસની ‘સ્મોલ સેવિંગ સ્કીમ’ હાલમાં ખૂબ જ લોકપ્રિય છે. જેમાં ઓફિસ રિકરિંગ ડિપોઝિટ એટલે કે પોસ્ટ ઓફિસ આરડીનો પણ સમાવેશ થાય છે. આ સ્કીમમાં તમે દર મહિને માત્ર 5000 રૂપિયાનું રોકાણ કરીને 8 લાખ રૂપિયાની મોટી કમાણી કરી શકો છો. આ યોજનાની વિશેષતા એ છે કે, લોકોને સરળતાથી લોન મળી શકે છે. જો તમે પોસ્ટ ઓફિસની રિકરિંગ ડિપોઝિટ સ્કીમમાં દર મહિને 5,000 રૂપિયાનું રોકાણ કરો છો, તો તેની પાકતી મુદતમાં એટલે કે પાંચ વર્ષમાં કુલ રકમ 3 લાખ રૂપિયા થશે અને તેના પરના વ્યાજ દરમાં 6.7 ટકાના દરે 56,830 રૂપિયા ઉમેરવામાં આવશે. એટલે કે પાંચ વર્ષમાં તમારું કુલ ફંડ 3,56,830 રૂપિયા થશે.
હવે તમારે આ આરડીને વધુ પાંચ વર્ષ માટે લંબાવવી જોઈએ. જો તમે તેને આગામી પાંચ વર્ષ સુધી લંબાવશો, તો 10 વર્ષમાં તમારા દ્વારા જમા કરાયેલી રકમ 6,00,000 રૂપિયા થશે. આ સાથે આ ડિપોઝીટ પર 6.7 ટકાના દરે વ્યાજની રકમ 2,54,272 રૂપિયા થશે. જો આ રીતે જોવામાં આવે તો, 10 વર્ષમાં તમારું જમા થયેલ ફંડ 8,54,272 રૂપિયા થશે.
તમે કોઈપણ નજીકની પોસ્ટ ઓફિસમાં જઈને પોસ્ટ ઓફિસ રિકરિંગ ડિપોઝિટ સ્કીમ હેઠળ લોન પણ લઈ શકો છો. આમાં રોકાણ 100 રૂપિયાથી શરૂ કરી શકાય છે. એકાઉન્ટ એક વર્ષ સુધી એક્ટિવ રહે તે પછી જમા રકમના 50 ટકા સુધીની લોન લઈ શકાય છે. જો કે, લોન પર વ્યાજ દર કરતા 2 ટકા વધુ છે. પોસ્ટ ઓફિસ આરડીની પાકતી મુદત પાંચ વર્ષ છે, પરંતુ જો તમે આ સમયગાળો પૂરો થાય તે પહેલા ખાતું બંધ કરવા માંગતા હોવ, તો આ બચત યોજનામાં તે સુવિધા પણ ઉપલબ્ધ છે.
