ઓટો મિકેનિક પર ફિદા થઇ 83 વર્ષની વિદેશી મહિલા, લગ્ન કરવા માટે કર્યુ અનોખુ કામ
જો તમે કોઈને સાચો પ્રેમ કરો છો, તો તેને મેળવવા માટે તમે કોઈપણ હદ સુધી જવા તૈયાર થઇ જાવ છો. તમે તમારા પ્રેમને સાબિત કરવા માટે કંઈપણ કરવા તૈયાર થઇ જાવ છો. આટલું જ નહીં, કેટલાક લોકો સાત સમંદર પાર બધું છોડીને પોતાના પાર્ટનર સાથે આવીને રહેવા તૈયાર થઈ જાય છે. ત્યાં, કેટલાક એવા પણ છે જેમને ઉંમરનું અંતર પણ નડતુ નથી.કહેવાય છે કે પ્રેમ બધી જ મર્યાદાઓ પાર કરી દે છે. આમાં દેશ, વિદેશ, ધર્મ, જાતિ, ઉંમર જેવા પ્રતિબંધો જોવામાં આવતા નથી. વ્યક્તિ પોતાના પ્રેમને પામવા માટે તમામ હદો પાર કરે છે.
આવો જ એક કિસ્સો હાલ સામે આવ્યો છે. જ્યાં એક 28 વર્ષીય યુવકને 83 વર્ષની વિદેશી મહિલા સાથે પ્રેમ થઈ ગયો હતો. પ્રેમ એટલો બધો વધી ગયો કે તેઓએ ન તો ધર્મ જોયો, ન દેશ, ન તો ઉંમરના બંધનો. 83 વર્ષીય મહિલા પોતાના પ્રેમને મેળવવા માટે સાત સમંદર પાર પાકિસ્તાન આવી અને તેની સાથે નિકાહ કરી લીધા.બંનેના લગ્ન પાકિસ્તાનમાં થયા છે. 83 વર્ષની પોલિશ મહિલાની વાર્તા જે 28 વર્ષના ઓટો મિકેનિક સાથે નિકાહ કરવા પાકિસ્તાન ગઈ હતી.
બધા જ બંધનોને તોડી અને ઉંમરના તફાવતને અવગણીને 83 વર્ષીય પોલિશ મહિલાએ પોતાનો દેશ છોડી દીધો અને પાકિસ્તાનમાં 28 વર્ષીય પુરુષ સાથે નિકાહ કર્યા. બ્રોમા નામની પોલિશ મહિલાને તેના જીવનનો પ્રેમ ઓટો મિકેનિક હાફિઝ મુહમ્મદ નદીમમાં મળ્યો. બંનેએ પાકિસ્તાનના હાફિઝાબાદમાં લગ્ન કર્યા હતા. તેમની પ્રેમ કહાની મિત્રતાથી શરૂ થઈ હતી. ડેઈલી પાકિસ્તાન સાથે વાત કરતા નદીમે ખુલાસો કર્યો કે તેણે છ વર્ષ પહેલા બ્રોમા સાથે પહેલીવાર વાત કરી હતી.વાતચીત મિત્રતામાં ફેરવાઈ અને અંતે તે પ્રેમમાં પરિણમી.
કેટલાક માટે આ આશ્ચર્યજનક હોઈ શકે છે, પરંતુ તે બંને લગ્ન પહેલા ક્યારેય મળ્યા નથી. નદીમે આ વાતની પુષ્ટિ કરતા કહ્યું કે લગ્ન પહેલા તેઓ ક્યારેય એકબીજાને વ્યક્તિગત રીતે મળ્યા ન હતા. બંનેએ પરંપરાગત વિધિમાં નિકાહ કર્યા અને ઇસ્લામના તમામ નિયમોનું પાલન કર્યું. બ્રોમાએ લાલ પરંપરાગત વંશીય સેટ પહેર્યો હતો અને તેના હાથ પર મહેંદી પણ લગાવી હતી. અહેવાલ મુજબ, તેણે હક મેહર પણ ચૂકવી હતી જે ઇસ્લામિક કાયદા અને નિકાહ દરમિયાન ચૂકવવામાં આવતી રિવાજો હેઠળ ફરજિયાત ચુકવણી છે. હાલમાં, બંને સાથે ખૂબ જ ખુશ છે અને બંને તેમના ભવિષ્યના આયોજનમાં વ્યસ્ત છે.
