ગ્રહોની ચાલ બદલવાથી જાતકોના જીવનમાં ઉથલપાથલ શરૂ થઈ જાય છે. કોઈક રાશિ માટે આ પરિવર્તન શુભ હોય છે તો કોઈ રાશિના જાતકો માટે તેના પ્રભાવમાં આવ્યા બાદ પરેશાની થઈ શકે છે. શનિવાર, 2 ઓક્ટોબર, 2021 ના રોજ બે મહત્વના ગ્રહોની ચાલમાં ફેરફાર થવાનો છે. વૃશ્ચિક રાશિમાં શુક્ર સામાન્ય ગોચર થશે, જ્યારે વક્રી બુધનું કન્યા રાશિ ગોચર થશે. આ ફેરફાર મેષ, વૃષભ, મિથુન અને કર્ક રાશિ સહિત તમામ 12 રાશિઓને અસર કરશે.
શુક્ર વૃશ્ચિક રાશિમાં 23 દિવસ રહેશે : જ્યોતિષીના જણાવ્યા પ્રમાણે એક દિવસમાં બે મહત્વના ગ્રહોની ચાલમાં આ પરિવર્તન લોકોના જીવન પર મોટી અસર કરશે. 2 ઓક્ટોબર, 2021 ના રોજ સવારે 9:35 વાગે શુક્ર વૃશ્ચિક રાશિમાં ગોચર કરશે. પૌરાણિક કથાઓમાં શુક્ર ગ્રહનો ઉલ્લેખ દાનવ ગુરુ તરીકે કરવામાં આવ્યો છે. તેમનું લોકપ્રિય નામ શુક્રાચાર્ય છે. દૈત્ય ગુરુ શુક્રાચાર્ય ભગવાન શિવના મહાન ભક્ત હતા. શુક્રનો સંક્રમણ સમયગાળો લગભગ 23 દિવસનો રહેશે.
12 ભાવોમાં અલગ અલગ અસરો : બીજી બાજુ, બુધ તેની વક્રી અવસ્થામાં 2 ઓક્ટોબર 2021ના રોજ કન્યા રાશિમાં સવારે 3:23 વાગ્યે ગોચર કરશે. 18 ઓક્ટોબર, 2021 ના રોજ બુધ કન્યા રાશિમાં જ માર્ગી થશે. 2 નવેમ્બર, 2021 ના રોજ સવારે 9:43 પછી બુધ તુલા રાશિમાં પ્રવેશ કરશે. બુધની માતા તારા છે અને પિતા ચંદ્ર છે. તમામ 12 ભાવોમાં બુધનું પરિવર્તન જુદી જુદી અસર કરે છે. જ્યોતિષશાસ્ત્ર અનુસાર, તે દ્વિતિયભાવ ઘર, ચતુર્થ ભાવ, ષષ્ઠમ ભાવ, અષ્ઠમ ભાવ, દશમ ભાવ અને એકાદશ ભાવમાં શુભ પરિણામ આપે છે, આ સિવાય અન્ય તમામ ભાવોમાં તેનું પરિણામ સામાન્ય અથવા હાનિકારક હોઈ શકે છે.
આ રાશિઓ પર શુભ અને અશુભ પ્રભાવ રહેશે : બંને ગ્રહોની હિલચાલમાં આ ફેરફાર વૃશ્ચિક, ધનુ અને કુંભ રાશિના લોકો માટે અનુકૂળ રહેશે, જ્યારે મેષ, વૃષભ અને મીન રાશિના લોકો માટે આ પરિવર્તન બહુ સારું કહી શકાય નહીં. બીજી બાજુ, આ પરિવર્તન અન્ય રાશિના લોકો માટે વધારે અસર નહીં કરે.
