તમે ઘણી પેઈન્ટિંગને લાખોમાં વેચાતી જોઈ હશે અને સાંભળ્યુ પણ હશે, પરંતુ શું તમે ક્યારેય ઉંદર દ્વારા બનાવેલા પેઇન્ટિંગ હજારોમાં વેચાયું હોય તેવા સમાચાર સાંભળ્યા છે? હા, આ એકદમ સાચા સમાચાર છે. એક ઉંદરે એવું પેઇન્ટિંગ બનાવ્યું કે પેઇન્ટિંગ 1000 પાઉન્ડ એટલે કે લગભગ 92 હજાર રૂપિયામાં વેચાયું. આ ઉંદરને સોશિયલ મીડિયા પર ઘણી વાહ વાહી મળી રહી છે.
આ ઉંદરના કારનામાઓ સાંભળીને દરેકને આશ્ચર્ય થયું. આ બહુમુખી ઉંદરનું નામ ગસ છે. ગસ ઉંદરે એક પેઇન્ટિંગ બનાવ્યું જે હજારોમાં વેચાયું. ગસે તેના નાના પગથી આ પેઇન્ટિંગ બનાવ્યું. તેમના ચિત્રો સમગ્ર વિશ્વમાં વેચાય છે. તેનું એક પેઇન્ટિંગ 1,000 પાઉન્ડથી વધુ એટલે કે 92,000 રૂપિયામાં વેચાયું હતું. ગસે સૌપ્રથમ તેનું કળા પ્રત્યેનું ઝનૂન ત્યારે બતાવ્યું જ્યારે તેના માલિક જેસ ઈન્ડસથે તેને તેની કલા અને હસ્તકલાના સેટ સાથે છૂટો છોડી દીધો હતો.
માન્ચેસ્ટરના 19 વર્ષના એક માણસે આ ઉંદરને તેના પંજા પર પેઇન્ટની સાથે કેટલાક કાગળ પર મુક્યો અને પરિણામ જોઈને આશ્ચર્યચકિત થયા. આ પછી ઉંદરની પ્રતિભાને નિખારવા માટે, જેસ ઈન્ડસથે કેમિકલ મુક્ત પેઈન્ટ્સ અને મીની કેનવાસ ખરીદ્યા. ગસે આના પર પોતાનો જાદુ ચલાવવા લાગ્યો. ગસ ઉપરાંત જેસ ઈંડસથ પાસે અન્ય ચાર ઉંદરો પણ છે.
ગસ ઉંદરના આર્ટ વર્કને તેમણે માર્કેટ પ્લેસ Etsy પર ઓનલાઇન વેચાણ માટે મૂક્યું. તે પછી તેને ઘણા ઓર્ડર મળ્યા. જેસ ઇંડસથે પેઇન્ટિંગ માટે 20 પાઉન્ડ મળ્યા અને દક્ષિણ કોરિયા અને ઓસ્ટ્રેલિયાના ગ્રાહકો પણ હતા. ગસનો એક વીડિયો પણ સોશિયલ મીડિયા પર ખૂબ વાયરલ થયો છે, જેમાં તે પોતાનું કામ એટલે કે પેઇન્ટિંગ કરતો જોવા મળી રહ્યો છે.
એક ન્યૂઝ વેબસાઇટના અહેવાલમાં જણાવવામાં આવ્યું છે કે, ગસ એક મીની મેટિસ જેવો છે. મને અને વિશ્વભરના ઘણા લોકો તેનું આર્ટવર્ક પસંદ છે. મને એ જાણીને આશ્ચર્ય થયું કે ઉંદરનાં ચિત્રોનું બજાર હતું ,પણ તે આશ્ચર્યજનક છે.
